شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
28-09-2012, 04:54 AM
|
#1 | ||||||||||||
   
|
 الأخوه الأعضاء والزوار اقدم بين يديكم الأن الجزء الخامس من قصه او روايه او اى حاجه ^^ ®©[♥]®][ حـــد لـــيـه شـــوق يـــســـافــر الــمــستــقـبل تـــانـــــى !! ][®[♥]©® وده الجزء الأول للى ما تبعش عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الثانى : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الثالث : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الرابع : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء الخامس : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] وده الجزء السادس + الخلاصه : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]  المكان : المخابرات العامه فى المستقبل الزمان : 2.00 ظهرا اللواء محمود: الكابتن أنورهيعرفكم على كل حاجه أنور: تحت امركم محمد: الأمر لله احمد: ايه البطاريه بقى ؟ أنور: البطاريه بتاعت الهلوموفان ؟ محمد: ايوه والى بسببها فى حد دخل بيت عبدالله بعد ما اتفضح أنور: اها .. طيب هقولكم عبدالله: اتفضل أنور : البطاريه بدونها لا يساوى الهلوموفان اى شىء ولا يوجد منها سوى نسختين نسخه هنا ونسخه قبض عليها عندما قبض عليكم هناك ولكن هناك سر فيها جمعكم انتم الثلاثه هنا بعضكم البعض احمد: ايوه اخيرا حد يفهمنا ... ايه هو السر بقى ؟ أنور: البطاريه دى عباره عن مصدر للطاقه ولكنه يختلف عن اى مصدر عبدالله : ازاى يعنى ؟ أنور: البطاريه لو اشتغلت عمرها ما تقف محمد: نعم ؟ ازاى يعنى عمرها ما تقف ؟! أنور: هو ده بقى السر فى اختراعها احمد: برده مفهمتش اى حاجه ؟ ايه علاقتها بالهلوموفان ده ؟ وايه علاقتنا بيها ؟ أنور: الهلوموفان ده مش جهاز ؟ الجميع : ايوه أنور: يبقى اكيد محتاج طاقه ... البطاريه دى بقى مصدر الطاقه بتاعته عشان يشتغل احمد: تمام ادينا فهمنا دى ايه بقى علاقته بينا ؟ أنور: هو ده بقى الأختراع الى انت فكيت شفرته يا محمد محمد: انا ؟ أنور: ايوه انت ... اصل اه صحيح انت يا محمد مهندس برمجه فى المستقبل هنا واقل ما يقال عليك انك عبقرى محمد: بجد ؟ انا ؟ أنور: ايوه انت محمد: طب ودى وعدناها مين بقى الى اخترع البطاريه دى ؟ عشان انا افك شفرتها اكيد يبقى حد تانى اخترعها أنور: اكيد ... الى اخترع البطاريه دى عالم امريكى كبير اخترعها قبل الحرب الأولى مع اليهود واحنا اشتريناها منه بعرض مغرى طبعا محمد: يعنى خان بلده أنور: زى ما تقول كده احمد: طب ما الحياه زى الفل اهيت ايه حصل بقى ؟ أنور: النسخه دى انسرقت والحمد لله عرفنا نجبها بس بعد ما كانت باظت بسبب الى اخدها تلفها بعد ما عمل منها نسخه تانيه بنفس التقنيات محمد: ايه شغل العصابات ده ؟ مش فاهم حاجه أنور: يعنى بص النسخه الأصليه الى احنا اشتريناها من العالم الأمريكى اتسرقت من المعمل بتاع احد مهندسين البرمجه الى كان بيشوف انها متكونه من ايه يعمل منها نسخه تانيه وعندما قرب انه يخلصها اتسرقت من التصاميم والنسخه الأصليه ذات نفسها بعد كده احنا تتبعنا الى عمل كده واخدنا منه التصاميم والنسخه الأصليه بعد ما كان تلفها بس كان هو عمل نسخه جديده وللأسف كانت بشفره عبدالله: وهنا جه دور محمد ؟ أنور: لأ مش بالظبط كده احمد: امال ايه ؟ أنور: بعد كده الهلوموفان الى كان بيحمى القاهره كان محتاج طاقه وكنا محتفظين بالنسخه التانيه من البطاريه عبدالله: طب تمام وايه المشكله فى كده ؟ أنور: لما بدأت الحرب التانيه مع اليهود كنا عاوزين نشغل الهلوموفان بس كانت المشكله فى الطاقه الى عاوزينه يشتغل فيها جت الفكره اننا نشغله بالطاقه الشمسيه وبالفعل نجحت محمد: والبطاريه ؟ أنور: ما انا جايلك فى الكلام اهوت ... لما انتوا الثلاثه رحتوا المقر هناك سبب انكم اتكشفتم انكم لما جيتم تشغلوا الهلوموفان اتقفش بسبب الطول الموجى بتاعه الى دخل مع اشعة الشمس الى كانت بتتعكس على الشريحه الى بتولد الطاقه من الشمس عملت هدب تداخل .... عبدالله: معلش قبل ما تكمل .. ايه هى هدب تداخل دى ؟ احمد: دى حاجه فى الفزياء يا عبدالله بتنتج لما بيكون فيه ثقبين فى حائط واحد الوسع بتاعهم بيكون اصغر بكتير من الملى سنتيمتر حاجه اسمها انجستروم لما الضوء بيعدى منهم الأتنين بيحصل حاجه اسمها تداخل الضوء بينتج عنها حتت منوره وحتت مظلمه الأتنين تحت بعض محمد: بس صحيح ازاى ده حصل يا استاذ انور ؟ أنور : الشريحه بتاعت توليد الطاقه الشمسيه فكرتها اصلا بتعتمد على كده فى الشريحه الحديثه فيها ثقوب كتير اصغر من الطول الموجى للضوء عشان تعكس ضوء الشمس اكتر من مره فتولد طاقه اكتر ولما الهلوموفان اشتغل معاها الأتنين اكتشفوا وبالتالى اتقبض عليكم احمد: طب وبعدين ؟ أنور: قبل ما انتم تمشوا من هنا محمد كان فك شفرة النسخه الجديده من البطاريه وعمل شفره ليها جديده والشفره دى مختلفه نهائى عبدالله: ازاى يعنى ؟ أنور: محمد عمل الشفره ببصمتكم الجينيه انتم الثلاثه عن طريق العين محمد: لأ لأ معلش تانى الحته دى عشان تهت منك أنور: بص بعد ما اتقبض عليكم هناك تم عمل جهاز هلوموفان جديد وكان التفكير فى الطاقه الجديده الى هيشتغل بيها عشان ميحصلش نفس العيب ويتقبض عليكم تانى فعشان كده تم التفكير فى البطاريه الأحتياطيه الى انت فكيت الشفره بتاعتها وقمت انت عملت شفره جديده ليها بطريقه عبقريه عشان يتم حفظها بعيد عن اى حد ويبقى مستحيل على اى حد استخدامها مهما كان احمد: وبعدين ؟ أنور: وبعد كده بعد ما اتقبض عليكم كنا لازم نشغل البطاريه دى بأى شكل من الأشكال عبدالله: عشان كده جبتونا من الماضى ؟ أنور: بالظبط كده احمد: واحنا بقى ايه وظيفتنا ؟ أنور: هتفكوا الشفره عشان البطاريه تشتغل !! محمد : طب يلا نفكها ونروح بقى أنور: كنا عملنا كده من اول ما جيتوا عبدالله: امال ايه ؟ أنور: انتوا هتروحوا المقر لحد هناك وتعملوا الحكايه دى عشان اول ما الشفره هتتفك البطاريه هتشتغل ولو اشتغلت عمرها ما هتقف احمد: انت عارف يعنى ايه نروح المقر ؟ أنور: ايوه كله عارف ومدرك الخطوره الى هتحصل عبدالله: وايه هى الخطوره ؟ أنور: الخطوره بقى انكم لو اتقتلوا هناك هيبقى .... احمد: هنختفى من المستقبل وبالتالى كل شىء من الى حصل ده هيختفى وهيتغير شكل المستقبل نهائيا.... محمد: ينهاااااااار بس دى خطوره كبيره جدا !! أنور: احمد هو الى قال للكابتن احمد الشريف انه يبلغنا بكده لأن دى هى الطريقه الوحيده الى تنفذ بيها الخطه احمد: يا صلاة النبى ... انا ؟ أنور: ايه يا رجاله انا انا دى ؟ عبدالله: اصلك بتقول مفاجات كبيره اوى أنور: اكيد انتم فى المستقبل محمد : طب وايه دلوقتى ؟ أنور: ايه فى ايه ؟ عبدالله: قصدوا هنعمل ايه احنا دلوقتى ؟ أنور: دلوقتى انتوا هتروحوا عشان تستعدوا المهمه هتبدأ وهتعرفوا ازاى تشغلوا البطاريه عبدالله: طب ماشى مش هنروح ؟ أنور: اتفضلوا معايا يذهب انور وخلفه الثلاثه مغادرين الغرفه ومتجهين الى المصعد لينزل بهم الى اسفل ويتوقف بهم امام غرفه تفتح امام انور ويدخل الأربعه الغرفه أنور: هنا بقى هتعرفوا ازاى تشغلوا البطاريه احمد: فين البطاريه ؟ أنور: هناك فى منتصف الغرفه تعالوا معايا يذهب بهم انور الى منتصف الغرفه ويشير الى البطاريه التى اشبه بعلبة مستطيلة الشكل صغيره فى منتصفها عين اشبه بالعين السحريه فى الأبواب  أنور: العين الى فى النص دى بقى هى دى الى هتتعرف على بصمت كل واحد فيكم وبالترتيب محمد: ازاى بالترتيب أنور: يعنى انت اول واحد يقرب عينه عليها بعد كده احمد بعد كده عبدالله وتقوم فاتحه ويطلع من سلكين لوحدهم هيقوم متوصل بالهلوموفان من قاعدته وبعد كده سيب الباقى على ربنا وعلى الجهازين محمد: طب تمام اوى أنور: دلوقتى بقى اتفضلوا معايا عشان تلبسوا اللبس الخاص بالمهمه وتروحوا على غرفة التنقلات الى هتوديكوا على المقر هناك يذهب الثلاثه خلف انور الى ان يدخل بهم فى غرفة مليئة بالأجهزة الغريبه وبالعاملين منتشرين على اجهزة كثيره يعملون مثل خلايا النحل ويقف امام شاشه كبيره عليها ما يشبه الخريطه اللواء اللواء محمودوعدد من العاملين بجواره يشرحون له شىء ما انور : تمام يا فندم تم تجهيز الثلاثه اللواء محمود: تمام يا انور ... دلوقتى تروحوا تلبسوا اللبس الخاص بيكم اتفضلوا مع الأستاذ محمد هيوديكم تلبسوا وتيجوا يذهب الثلاثه وراء محمد أنور: انا قلقان جدا يا فندم بخصوص المهمه دى اللواء محمود: ما باليد حيله وما دام ربنا معانا ان شاء الله هينصرنا أنور: يارب يا فندم ربنا يوصلهم بالسلامه هناك وينفذوا المهمه وبعد كده يرجعوا تانى اللواء محمود: ان شاء الله كله هيمشى تمام ان شاء الله بعد مرور خمس دقائق يعود الثلاثه بالبس الجديد أنور: يلا دلوقتى اتفضلوا كل واحد يقعد على جهاز واحد من الثلاثه الى هناك دول احمد: ثوانى ثوانى أنور: نعم ؟ احمد: احنا منعرفش حاجه عن المقر ولا اى بتنجان هنمشى ازاى ؟ أنور: متقلقش امال ايه لزمة النظاره الى معاكم على طول ؟ احنا مراقبينكم وهنوجهكم ديما محمد: طب وافرض ... أنور: متقلقش ان شاء الله محدش هيفكر فى دى نهائى ودى الوسيله الوحيده الى نقدر نتواصل بيها معاكم عبدالله: طب توكلنا على الله أنور: يلا اتفضلوا اقعدوا واستعدوا يجلس الثلاثه كل واحد على جهازه أنور: استعدوا لو سمحت مع سماع الرقم 3 هتكونوا هناك 1 . . . 2 . . . 3 ويختفى الثلاثه معلنين بداية المهمه ....  المكان : المقر الزمن : 7.00 مساءا بالتوقيت هناك احمد و عبدالله و محمد يظهرون فى مكان يوجد به بيت قديم مهدوم نصفه والنصف الأخر ساقط على الأرض  احمد: ايه المكان ده ؟ عبدالله: ده مهجور خالص محمد : امال انتوا عايزين ايه ؟ ينزلكم فى نص المدينه مثلا ؟ احمد: تاكسى ياد هو ؟ ايه ينزلنا دى عبدالله: طب هنروح فين يا عم السواق ؟ احمد: استنى اتصل بيهم يصدر صوت انور من من السماعه التى بجوار اذن احمد ولكنها لا ترى الا بتدقيق النظر فى هذه المنطقه أنور: سامعينك انت وهو وشيفنكم احمد: حلو اوى ... احنا فين بقى ؟ أنور: انتوا فى مكان بعيد جدا عن المكان الى هتنفذوا فيه المهمه ودلوقتى هتلاقوا لو بصيتوا فوق كده هتلاقوا حاجه شبه العربيه الى كانت فى عصركم نازله عليكم هتفتح ليكم الباب وهتركبوا عبدالله: اه تصدق نازله اهيت  محمد: عندنا عربيه عندنا عربيه اركب ياض انت وهو كل واحد فى كرسى عبدالله: استغفر الله العظيم على دى اشكال الواحد ماشى معاها .... اركب اركب احمد: ركبنا يا استاذ انور أنور: انا شايف كل حاجه انت شايفها على فكره ودلوقتى هيتم توصيلكم الى المكان الى هتبدأو المهمه من عنده احمد: تمام هيستغرق قد ايه ؟ أنور: يعتبر انتوا دلوقتى نص المسافه خلصت واحنا بنتكلم عبدالله: ليه احنا قريبين اوى كده ؟ أنور: المسافه حوالى 150 كيلو والمركبه الى انتوا ركبنها بتنطلق بسرعة 50 كيلو متر فى الدقيقه الواحده ودلوقتى مر دقيقتين بالظبط يعنى قربتوا توصلوا احمد: بالسرعه دى ؟ أنور: اكيد كل شىء بيتطور عبدالله: الله يرحم الشاهين والفايت 28 بياخدوا المسافه دى فى 6 ساعات محمد: وياريت بيكملوا ده انت تمشى ساعة وتنزل تزق ساعتين احمد: المهم كانت بتوصل أنور: دلوقتى انتم وصلتم ولو سمحتم سبكم من الكلام وخليكم فى الشغل دلوقتى هتنزلوا احمد: ادينا نزلنا وبعدين أنور: قدامك باب فى وشك خش عليه وخلى محمد يستخدم الخاتم الى منى مدياه ليه ويوجهه للحته الى على جنب الباب هيقوم مفتوح  احمد: تم والباب انفتح واحنا جوه حاليا فى مكان كده شبه النفق مليان من كل حته اشجار أنور: امشوا فى النفق ده بقى وافتحوا باب تانى لونه هيكون برده اخضر فى الوش هيوديكم على مصعد تركبوا فيه وساعتها تكونوا انتوا فى وسط المقر تماما احمد: حاضر يمشى الثلاثه فى النفق ومن ثم يتوجهون الى المصعد حيث ينقلهم الى وسط المقر وعندما فتح المصعد اذا بالثلاثه يواجهون اثنين من الجند هناك وتبدأ المهمه الفعليه الثلاثه امام موقف لا يحسد عليه احد فماذا يفعلون ؟ عبدالله فى جزء من الدقيقه كان قد ختم كل هذا بالميداليه التى كانت فى يده التى تطلق ما يشبه بالليزر الذى ينهى على حياة الذى امامه تماما وبدون صوت سحب الثلاثه الجنديين ووضعوهم فى قلب المصعد وتركوهم يصعدوا مره اخرى أنور: تمام الى عبدالله عملوا عبدالله: اى خدمه .. كده عرفت لزمتى فى المهمه أنور: مش وقته دلوقتى .. بصوا قدامكم فى نصف القاعه الى انتوا فيها فيه منضده وفوقيها فتحه لفوق وحول المنضده دى زى ما انتم شايفين جنود احمد: ايوه تمام أنور: المطلوب دلوقتى عبدالله يخلص على كل الى واقف عندك بالليزر الى معاه والخاتم الى مع محمد برده نفس الكلام وانت يا احمد تاخد تحاول تخش ما بين التبادل ما بينهم وتروح تحط البطاريه فى نصف المنضده وتسيب الهلوموفان لحد ما تتجمعوا انتوا الثلاثه حوالين البطاريه و بالترتيب كل واحد يبص محمد ثم انت ثم عبدالله عبدالله: انت فاكرنا فندام ولا ايه ؟ محمد: ده ولا ابو تريكه مش هيعمل كده أنور: متخفوش من الكلام ده انتوا قدامكم 5 بس وكلهم بيحرسوا المكان من اماكن مقاربه من بعض وانتوا معاكم عنصر المفجأه يعنى لما يكونوا ينتبهوا تكونوا موتوا على الأقل 3 احمد: توكلنا على الله أنور: 1...2...3 يبدأ محمد وعبدالله بالتدحرج على الأرض ومن ثم النجاح فى قتل 3 مسلحين امامهم وبعد ذلك يجرى عبدالله مفلتا من شعاع مفتك كاد يصيبه ثم يضرب عبدالله المسلح الذى وقع امامه ومن ثم يقفذ احمد على المسلح الأخير فيفقده سلاحه فيقتله محمد كل هذه الأحداث حدثت ولم يصدق الثلاثه ما فعلوه فكل هذا بتوفيق ملك الملوك سبحانه يسرع احمد بوضع الهلوموفان فى نصف المنضده وتحته البطاريه التى نظر اليها الثلاثه بالترتيب  محمد فأحمد فعبدالله ويظهر سلكان اشبه بالشعاع الكهرباء يضيعه احمد فى قاعدة الهلوموفان ومن ثم يبدأ الهلوموفان بالعمل بأصداره موجات بنفسيجيه سرعان ما تختفى وتصبح غير مرئيه أنور: ابدأو الأنسحاب فورا بعد دقيقتين بالضبط هيتم تغير دورية الحراسه احمد: طب ماهما كده هيوقفوه ؟ أنور: هيكون الهلوموفان ذات نفسه اختفى عبدالله : ازاى ؟ أنور: مش وقته كله ينسحب حالا يبدأ الثلاثه بالجرى حول المصعد ويستقلونه ذاهبين الى اسفل وبعد ذلك الى النفق ويجدون المركبه التى ركبوها بالسابق موجوده يستقلونها مره اخرى ويذهبون الى مكان الذى جاؤا منه ثم يعودون مره اخرى الى المخابرات العامه المكان : المخابرات العامه الزمان : 4.00 ظهرا أنور: حمدالله على السلامه احمد: الله يسلمك بس المهمه بالسرعه دى ؟ أنور: لأ طبعا المهمه كانت اصعب من كده بكتير بس ده كان مكان اكتشفناه بالصدفه واسهل مكان يوصل للمنتصف ويعتبر مكان للطوارىء لديهم وده سهل علينا كتير جدا من الطرق الى تعبتنا المره الى فاتت واتكشفوا فيها احمد: طب واحنا ؟ أنور: مش فاهم ؟ احمد: احنا فى المستقبل ؟ فين احنا ؟ أنور: حاليا بيتم الهجوم بريا على المقر من قبل القوات الخاصه تبعنا وهيتم تحريركم من هناك وهيتم سحب الجميع فورا خارج مجال الهلوموفان عشان هيتم تفجير القنبله الهيدروجينيه ويتم القضاء نهائيا على شىء اسمه اليهود محمد: تمام اوى اوى أنور: اتفضلوا كل واحد يشرب العصير الى قدامه ده عبدالله : يا سلام عصير كده مره واحده أنور: امال ايه بالهنا والشفا احمد: احنا عاوزين نروح انور : بيتم اعداد غرفة الى هترجعكم لزمنكم تانى محمد: طيب هنرجع امتى ؟ اقصد فى زمنا ؟ أنور: وايه لزمة الزمن الى مر ده كله اصلا ؟ احمد: بمعنى ؟ أنور: نفس النقطه الى خدناكم منها هترجعوا فيها تانى وكل الأحداث الى مرت بيكم هتنسوها وكأن شيئا لم يكن محمد : ازاى هننساها ؟ أنور: اصل العصير الى انتوا لسه شاربينه ده فيه سائل هيخلى الذاكره بتاعتكم تتمسح فيها كل حاجه متعلقه بالمستقبل او بالأخص الوقت الى انتوا من اول ما جيتوا فيه لحد دلوقتى عبدالله: طب ليه طيب ؟ أنور: عشان ميتمش تغير اى شىء فى المستقبل نهائيا لما ترجعوا عصركم احمد: بس انا لسه منستش حاجه ؟ أنور: ما انتوا هتقعدوا 10 دقائق لحد ما المفعول يشتغل يقطع الكلام صوت احد المتحدثين المتحدث : الغرفه جاهزه أنور: يلا اتفضلوا عشان تروحوا عصركم وتلبسوا اللبس الى كنتوا جايين بيه يذهب الجميع وراء انور الى غرفة مظلمه ويغيرون ملابسهم ومن ثم يدخلون الغرفه أنور: كل واحد يقف تحت قرص من الأقراص دى الى فى السقف محمد: تمام كله وقف أنور: استعدوا هيتم غلق الباب وهيتم ارجاعكم عند سماع صوت رقم صفر 10....9....8....7....6....5...4....3....2....1... 0 المكان : شاطىء البحر المتوسط ( الأسكندريه ) الزمان : 7.00 صباحا بتوقيت القاهره الثلاث اصدقاء يظهرون مره اخرى فى الماء فى نفس الوقت الذى اختفوا فيه وكأن شىء لم يكن ويخرجوا من الماء مستلقيين على الشاطىء احمد: ياااااااااااااه حد يصدق كل الى حصلنا ده ؟ محمد: ولا فى الأحلام عبدالله: احلام ايه ؟ ده ولا فى الخيال احمد: حـــد لـــيـه شـــوق يـــســـافــر الــمــستــقـبل تـــانـى !!! محمد: نهائى ... حلو عصرنا عبدالله: المعلومات هتتمسح كمان حوالى 5 دقائق وكل الى حصل هننساه !! احمد: انا هجرى اجيب اى ورقه وقلم فى الشنطه واكتب اى حاجه يمكن نفتكر بيها يذهب احمدويفتش فى شنط السفر للبحث عن ورقه وقلم ويجدها بالفعل ولكن بعد مرور 5 دقائق احمد: انا كنت بدور على ايه هنا ؟ وايه الورقه والقلم دى ؟ ايه الحوسه الى انا فيها دى ؟ انا هروح انزل البحر تانى بلا نيله تمت بحمد الله الختام |
||||||||||||
|
التعديل الأخير تم بواسطة !_ToGoO_MorY_! ; 28-09-2012 الساعة 06:07 AM
|
| إعلانات google |
|
|
|
28-09-2012, 05:06 AM
|
#2 | ||||||||||||
  
|
يا حلاوتك يا حلاوتك انا حقراه اهو والله انا كنت مستنيه بفارغ الصبر ^^
|
||||||||||||
|
|
|
28-09-2012, 05:13 AM
|
#3 | |||||||||||||
|
اقتباس:
ده شرف ليا والنعمه ^^ خد وقتك |
|||||||||||||
|
|
|
28-09-2012, 05:26 AM
|
#4 | ||||||||||||
   Different
|
بصراااحة قصة روعة بحد انا بحايك جداااا ع القصة الروعة دي |
||||||||||||
|
|
|
28-09-2012, 05:27 AM
|
#5 | |||||||||||||
|
اقتباس:
ده من ذوقك والله تسلملى كمان مره |
|||||||||||||
|
|
|
28-09-2012, 05:27 AM
|
#6 | ||||||||||||
|
خلاص قريتها ثانكسسسس بجد النهاية حلوة ^^ والمستقبل حلو برضو ^^ |
||||||||||||
|
|
|
28-09-2012, 05:30 AM
|
#7 | |||||||||||||
|
اقتباس:
Thanks for ur Comment :D |
|||||||||||||
|
|
|
28-09-2012, 05:33 AM
|
#8 | ||||||||||||
|
ايه الجمال ده .. بس انتا اختصرت المهمه اوي .. وكمان افتكرتك هتمحي ذاكرتهم بجهاز زي فيلم men in black بس قصه لذيذه مستنين الجديد دايما . 
|
||||||||||||
|
|
|
28-09-2012, 05:41 AM
|
#9 | ||||||||||||
  
|
اية الفن دا القصة مرتبة تماما بلا اى اخطاء احييك والله تحيا كبير جدا 
|
||||||||||||
|
|
|
28-09-2012, 05:55 AM
|
#10 | ||||||||||||||
|
|
||||||||||||||
|
|
|
28-09-2012, 06:56 AM
|
#11 | ||||||||||||
 
|
.gif "111 (14)") اخيراٌ يا راجل بصرحه انت عندك طول بال فظيع قصه جامده بس بعد كدا عيزين حاجه سريعه  فى انتظر الجديد |
||||||||||||
|
|
|
28-09-2012, 07:05 AM
|
#12 | |||||||||||||
|
|
|||||||||||||
|
|
|
28-09-2012, 08:34 AM
|
#13 | ||||||||||||
|
الله عليك يا كبير .gif "111 (20)") هوا انتا كنت بتكتب حلقات المحقق كونان ولا ايه .gif "111 (5)")
|
||||||||||||
|
|
|
28-09-2012, 10:32 AM
|
#14 | ||||||||||||
 
|
روووووووووووووووووعه الصراحه قصه جامده جدا مجهوود هايل ربنا معاك و تورينا حاجات احلى من ديه كمان :) |
||||||||||||
|
|
|
28-09-2012, 10:44 AM
|
#15 | ||||||||||||
 
|
الله ينور يا أحمد مجهود رائع و قصة روعة 
|
||||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
.gif){kind=icon}
العرض العادي
