الرجاء الدخول للاهمية

[ميسون]

معلش للعنوان انا عملت كده علشان اخلى الناس تدخل وخصوصا مشرفنا العزيز :

الموضوع باختصار زي ما حضراتكم ملاحظين ان فيه بعض الاعضاء طبعا مش هنقول انهم مش عارفين حاجه لكن هنقول ان فيه بعض المعلومات ناقصاهم شويتين اوك علشان ما حد يزعل مني

المهم عاوزين من رجالتنا الافاضل اللي هما ليهم باع طويل في اللغة الانجليزية وكمان ليهم باع طويل بلعبة سيلك روود انهم يبدأوا من اليوم يدوروا ويترجموا كل ما يتعلق باللعبه من معلومات واماكن وخصوصا الشركة والمصممين وتاريخ نشأتها وكل ما يتعلق بيها من معلومات مؤكده وبكرر لازم تكون معلومات مؤكده وانابطلب من مشرفنا العزيز انه لو شاف اي معلومة غير مؤكده وغير مدعمه في الموضوع يحذفها من الموضوع
احنا عاوزين معلومات مؤكده 100 % لانه زي ما حضراتكم كل يوم بتشوفوا مواضيع واحد يحط موضوع لمجرد التهويل ويقول انها يهوديه وواحد تاني يقول انها مسيئة للاسلام وواحد تاني يقول انها ادمان ومخدرات ازاي يعني امال فين الايمان وتنظيم الوقت احنا الحمد لله مش تلامذة احنا طلبة في الجامعات المحترمة وبنعرف ازاي ننظم الوقت وكمان بنعرف امتى نوقف اللعب وامتى نلعب مش علشان واحد فاشل في الدراسة ولا فاشل في حياته يقول ان اللعبه هي السبب دي مجرد لعبه يا اخي عاوز تبطل بطل مش عارف تنظم وقتك بلاش تلعب مش عارف تنظم حياتك متلعبش حياتك اتدمرت بسببها بلاش تلعبها مش مشكلتنا انك مش عارف تنظم وقتك والسكينة سرقاك
نما كل شويه واحد يطلع بموضوع مش عارفيين جايب المعلومات دي منين والساده الاعضاء برضه من غير ما يعرفوا اللي يقول ولاد .......... مش عارف واللي يقول مش هلعب واللي يقول لعبة .......... واللي واللي واللي ............... وطبعا كلكم عارفين انا بتكلم عن ايه حتى اللي بيرد في الموضوع مش عارف يحط معلومة صحيحة ولما ترد عليهم بالحجة والمنطق يردوا عليك بكل سهوله ويقولولك انت معندكش دين ولا ايمان ولا انتماء ولا وطنية
واحنا والحمد لله عندنا اللي نفتخر بيه وطبعا حزيران 2006 مش بعيد على حد وانتوا عارفين اهل الجنوب اللبناني عملوا ايه في اليهود فمش من السهل اني ارمي حد بالتهم دي فوقوا بقى يا شباب ..

والله انا تعبت يا شباب وعاوزين نشوف حل اللي قدر انه يجيب معلومات صحيحة يحطها في موضوع يعمله الاستاذ الغالي سمعه ويكون اسمه توضيح لمغالطات لعبة سيلك روود بس طبعا المهم المعلومات تكون زي ما اتفقنا مؤكدة 100 %


ارجوا ان ما حدش يزعل مني لاني كل يوم الاقى معلومات غير صحيحة هنا في الموقع العزيز ده ومفيش حد من المشرفين او الادارة كلف خاطره انه يرد على المواضيع دي بطريقة علميه ومعلومات مؤكده

وبكرر تاني معلومات مؤكدة 100 %


اسفه على الاطالة
ومساكم فل وياسمين