للأسف احتمال اسيب اللعبة لمدة تلات شهور لسبب قاطع

[Salamah]

اولا يا جماعة انا نتيجة الامتحاناتي ظهرت و ناجح على الحركرك

يعني كنت شوية و حاشيل مواد :(

و ده كله بسبب اني مضيع اغلب وقتي في اللعبة

و مديها اهتمام اكتر من مذاكرتي و مستقبلي

يعني بقعد فيها اضعاف الوقت اللي بديه للمذاكرة

و فعلا الحاجة ده زعلتني و قمصتني اوي و اللعبة مش حتكمل

ده لسه لما اوصل 80 حاكون عايز اعمل فارم

و احتمال قريب يفتحو لفل 90 يعني عايزة وقت مضاعف بشكل غبي

و انا حاضطر اسيبها فترة الدراسة زي لمدة 3 شهور

و هي في الاول و الاخر لعبة يعني مش حتفيدني بحاجة خالص

لا بمستقبل و لا جواز و لا وظيفة و لا اي حاجة هايفة

انا بعتذر من اللي كانوا حاطين امل فيا و اسف اني خذلتكم

بس يا ريت تفهموا انها في الاول و الاخر لعبة

للاسف في ناس واخداها اكتر من كده و بتحرق دمهابسببها

احتمال تشوفوني من فترة لفترة يعني يمكن كل اسبوعين تلاتة ادخل مرة كده اسلي نفسي باي حاجة

بس مش حتكون زي قبل كده :)

حتوحشوني و الله بس اسف انا مضطر اسيبها علشان مستقبلي

و دمتم سالمين يا صحابي :)