القلوب بتتغيــــــ !! ـــــــر

[OnlyHer]

أزيكم يا أحلى شباب ..


موضوعى كالعاده مضووع نقاش مفتوح ..



زمان كان اهالينا تحس فى كلامهم بالتصميم و القرار .. كانوا عارفين هما عايزين أيه و بيدوروا على أيه كانوا عارفين هما فين و رايحين فين ..
صعب نلاقى حد من اهالينا زعلانين و متدايقين من مكانهم فى الدنيا .. هما مين شكلهم شغلهم ولادهم و هكذا الحال ..
لو رجعنا بالزمن خمسين سنه لورا كنا نلاقى الناس قريبين من بعض بيخافوا على بعض .. المشاكل قليله .. اكبر مشكله ممكن تقوم فى الشارع انك تلاقى اتنين بيصرخوا فى وش بعض و خلاص على كده
كانت ابواب البيوت مفتوحه على بعض كان الكل بيفرح لفرح واحد منهم و الكل بيبكى على هم حد منهم .. الناس بجد كانت عايشين بقلب واحد ..



لما نيجى نتفرج على نفسنا دلوقتى .. البيوت مقفوله و ابوابها مش بتتفتح إلا فى المناسبات و لأقرب أقرب الناس .. حتى ابواب البيوت بقى يركب عليها ابواب حديد .. اه و الله ..
راح فين الأمان .. ليه القلوب بقت دايما قلقانه و تعبانه و خايفه من كل حاجه ..
ليه كل الناس شايله هم بكره .. راح فين الحب الحب يا ناس ؟؟
راح فين الأمان .. ليه كل البيوت دلوقتى بقت زى الخزاين .. كله مقفول بألف ألف قفل
ايه اللى اتغير يا بشر .. ؟؟



ليه الناس الكبار دايما عندهم شكوك فينا .. فى عقولنا .. أختياراتنا .. حياتنا كلها
ليه بقينا احنا الجيل الضايع مع اننا فعلا و الله كويسين ..
ليه و ليه و ليه و ألف مليون ليه ..


اتمنى الاقى حتى ولو رد واحد ..

[thehunterman]

الله على الكلام الجميل ده
بس عندهم حق يقلقوا ما دام البلد معذبه الشعب يبقى الشعب لازم حيعذب بعده علشان يعيش
فا كل واحد بيخاف على اللى عنده علشان لو خسره مش حيعرف يعوضه

[OnlyHer]

المشاركة الأصلية كتبت بواسطة thehunterman عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الله على الكلام الجميل ده
بس عندهم حق يقلقوا ما دام البلد معذبه الشعب يبقى الشعب لازم حيعذب بعده علشان يعيش
فا كل واحد بيخاف على اللى عنده علشان لو خسره مش حيعرف يعوضه

والله بقت بجد حاجه متعبه و غريبه فى نفس الوقت ..
و انا معتقدش ان المشكله فى الحكومه بس .. خاااااالص
بينى و بينك كله غلطان

[G_M]

الكلام بيختلف من مكام لمكان يعنى مثلا روح القلعة او شبرا هتلاقى حاجة تانية

[omar007]

مكنوش شايلين هم بكره علشان كان فى شغل فى سكن لاكن دلوقتى هما مش لاقين لنفسهمولا شغل ولا سكن لهم حق بقى يخافوا علينا ولا لا ويشيلوا الهم
وبعدين الزمن بيتغير للاوحش
لهم حق لما يشكوا فينا
لما يشوفوا العيال بتكت من المدرسه
ولما يشوفوا على طول بيشربوا سجاير لهم حق ولا لا
تلت اربع الشباب حشاشين وبتوع بانجو
ليهم حق ولا
ولما يشفونا مش شايلين اى مسؤليه لهم حق ولا لا
ولما يشفونا كل همنا البنات والسجاير فى حمامات المدرسه و الاغانى والرقص و جوجوجوجو
لهم حق ولا لا
لما يشوفوا الناس بتتبلطج على بعضها علشان سبب هايف اووووووى اووووووى
ليهم حق ولا لا
انت عارف الباقى كلوا مش هجيب كل حاجه
انا لو هكلم على البلد دى مش هتلاقى بلد زيها فى الفساد
احنا لولا اننا شعب جدعان و امين كان زمنا زى العراق
دى كفايه الحكومه
الحمد لله على كل حاجه

[Mr_boBBo]

انا حقولك اية السبب
اولا -الزمن بيتغير و الناس طبيعى بتتغير .
ثانيا-مفيش حاجة بتفضل على حالها .
ثالثا-البلد مبئيتش زى زمان خالص زى ما انتا بتقول من خمسين سنةو لية كدة لان >>>>(الحال اتشئلب والناس شايفين البلد اللى تعبوا فى تحريرها بتضيع منهم و كل حاجة بقت ملهاش اخر و البلد كلها مشاكل)
الناس تعبت و دة لية كذا سبب:.
1-مننا و بسببنا لان فى حاجات كتير سيطرت على عقول الناس و خلت ناس كتير مش اد المسئولية و مفيش تفكير خلاص و ناس همها الفلوس وبس و مبقاش حد يهتم غير بنفسه وبس
2-السبب التانى على الدولة (الحكومة يعنى) مش عارفين يهيئوا الجو المناسب للعمل براحة و التفكير فى المستقبل صح و الوقت اهو عمال يضيع و احنا لسة مكنا

مش كدة غلط ولا لا و حرام
و بتسال لية الناس و الدنيا اتغيرت
يارب الحال يتظبط و الدنيا ترجع زى ما كانت
معلش بقى انا طولت اوووووووى



يارب اصلح الحال

[hany_tiger]

ربنا معنا
وهوة الناس عيزة اية غير اكلة ونومة وراحة بال
ولا فية اكلة هنية
ولا فية نومة هنية من كتر الهموم
ولا فية راحة بال
ازاي يجيلك رحة بال وانت كدة

[bad world]

العيب فى الحكومه وفينا

الحكومه مش بتحافظ على فلسنا بالعكس كل مسؤل يجى يسرق ويمشقى
زى القبلو واحنا كمان غلطنين عشان عمرنا معملنا العلينا فى اى حاجه و
من حق اهلنا ميثقوش فينا شيفنا طول الوقت من النت للخروج للتلفزيون


عشان كده العيب فينا

[bad world]

شكرا على الموضوع

[takelook]

كلام جميل بس هو فى الشباب الصالح فى الجيل بتاعنا دة وفى الوحش

وكمان احنا يا شباب فى زمانا دة فية كمبيوتر سيبر بيلياردو مواقع اباحية (استغفر الله العظيم)

وفى بنات كتير اوى مش محترمين وكلنا بنشوف بعنينا اة الى بتلبسة البنات (اعوز بالله من الشيطان الرجيم)

وفى حاجة فى الجيل بتاعنا اسمها الموضة

الموضة بالنسبة للشباب دة بيعمل موضة علشان البنات تعجب بية

ثانيا البنت الموضة عندها علشان الولد يعجب بيها

وكمان احننا عددنا كام 75 مليون

زمان مفيش كمبيوتر ولا سيبر ولا بيلياردو ولا موضة ولا كان عددهم 75 مليون

وطبعا زمان مفيش حوادث سيارات لان مفيش زحمة وشوارع هادية

من الاخر العيب فينا

ومشكور على الموضوع

تحياتى

[smsm]

شكرا على المجهود