Important for all

[~Hus○ka~ ‼]

السلام عليكم ,,

هلا شباب . دى اول مشاركه ليا فى المنتدى بصراحه انا مش من هواه المنتديات بس انا واحد كان قالى على المنتدى ده وانا دخلته ولقيته منتدى راقى جدا وعجبنى مواضيعه وارائه

ندخل بقى للموضوع .. انا من سيرفر بيرسيا واكيد الى هيبقوا هنا من السيرفر هيعرفونى لان مميز جدا بالنسبالهم علشان انا فى جيلد مش مصرى ولا مسلم فكلهم بيكرهونى وقاعدين يشتموا فيا طول الليل والنهار مش عارف على ايه بيعملوا كده .

المهم الى عاوز اقوله . ياريت ياشباب تعرفوا ان دى لعبه يعنى بلاش ندخل حكايه الدين فيها لانها مجرد لعبه . انا مقلتش انى اشوف واحد بيشتم دينى واسكت . لكن انت متروحش تستفز واحد ومش عاوزه يقولك حاجه ودى حاجه عامه فى اى مكان مش فى اللعبه بس

بالنسبه ليا . انا فى جيلد اسمه برازر . وكتير جدا بيكرهو صاحب الجيلد ده واعضاء فيه وبالرغم وهو اقوى جيلد فى السيرفر . المهم انا كنت فى جيلد اسمه هوت . ومرت الايام وانا كنت طلعت من الجيلد ودخلت جيلد تانى وبعدين روحت برازر, لما جالى دعوه منهم وهما يمكن اغلبهم اصدقاء ليا بعكس كل الموجودين فى السيرفر بيكرهوهم وقاعدين يقولوا بيشتموا فى الاسلام والقصه والحكايه . فطبعأ كان لازم لما ادخل برازر يكرهنى الكل ومن بينهم اعضاء الجيلد القديم بتاعى بما فيهم الماستر والاعضاء الى هما صحابى فى الحقيقه ههههه والله شغل اطفال وبالذات اللاتراك الاغبيااااااااااء جداااااااااااااا ماشاء الله عليهم .

نوصل بيكم برضوا للمهم . كل الى عاوز اقوله ان انا محصلش ان فى واحد اساء للاسلام قدامى وكلهم بيحترمونى . ولا لازم علشان ناس كرهاهم يبقى لازم اكرههم . على العموم انا بحاول دلوقتى اقوم رساله لأى واحد بيلعب ومش متنبه للجزئيه دى . دى لعبه بلاش تدخل موضوع الدين فيها علشان متسئش لنفسك او لدينك . انت مش فى صراع فيها انت داخل علشان تستمتع بلاش انك تدخل حاجه اللعبه بالنسبالها ولا حاجه . خلى دايما الاسلام اكبر من الحاجات التافهه دى

شكرا شباب . معلش طولت وانا مش بقول ده كله علشان لو فيه حد من السيرفر يعنى هنا بدال ما يكرهنى يحبنى لالالالا الى يكرهنى انا عاوزه يكرهنى اكتر . انا بس بتكلم علشان نناقش الظاهره دى مع بعض . شكرا