عزّي لمن هو فاقدٍ صاحبٍ لّه

[MiDo-Xp]

الشهر تعرف حسبته بالأهلّة
مرةْ يجي كامل ومرةْ يجي دون



والدين حكمه ينعرف بالأدلّة
ما ينعرف حكمه بكلمة يقولون



والرّاي عند أهْل المعَرفة جبلّة
ماهم بيشرونه ولا له يدرْسون



ماني من اللي له ثمانين شلّة
لي صحبةٍ على الأصابع يعَدّون



لا راح واحد شفت في الوضع خلّة
وشلون لو في يومْ واحد يروحون



عزّي لمن هو فاقدٍ صاحبٍ لّه
واصبح حزينِ من فراقه ومغبون



مافيه أحدْ مثله يحلّ بمحلّه
لو جابوا من الناس تسعين مليون



والطيبين اليوم في الناس قلّة
إذا ظهر واحد به الناس يدرون



والا الردي تلقاه من كل ملّة
في الواقع وفي الردايو والتلفزون



يعجبْك في بعض الأصاحيب كلّه
وأخص من لا يمتلك شكّ وظْنون



كم واحد من اصحابنا دام ظله
يصبر على الزلات ويقول يخطون



متمسكين بصحبته مانملّه
جسمه نحيل وصدره أوسع من الكون

[☜ ĂиTaKą ☞]

الله عليك

[_SheriL_]

برنس يا ابنى

[HandSome]

اووى بقــى

[MiDo-Xp]

منورين