انهاردة معايا

[Subway]

تعبت وبقيت على الاخر وحالتى تصعب على الكافر بقيت فى غربة وقلبى غريب من غير ما اهاجر ولا اسافر زهقت والحزن ملانى
ولى امتى هافضل وحدااانى مين اللى دمع على شانى الكل بقى اسى وقادر الدمع باين فى عيونى واقرب الناس نسيونى حتى الحبايب ظلمونى بقى حضنهم بيطلع نار استكترو الفرح عليا واكانى بشحت حنياااا عملت ايه فى الناس دياا بقا حلوهم زى الصبار


بحاول اهرب من الماضى وجرحى صمم مش راضى
الحزن لازقة مابيسبنيش وعمرى هايروح على الفاضى
الهم عشش جوايا وفى لحظة الفرح معايا
انا من الالم قلت كفاية الرحمة سيبنى المرة دى



انهاردة رحت مدرية التنظيم والادارة فى سموحة
عشان اسجل بيناتى واسجل شهادة التاهيل المهنى
سجلت بيناتى كلها وسيبت رقم تليفونى واخدت رقم تليفون المكتب

ورحت محرم به سجلت بيناتى فى مكتب العمل


المهم هنا

وانا فى مكتب ادارة التنظيم والادارة فى سموحة
وانا قاعد فى المكتب والموظفة بتكتب البيانات
دخل واحد بيقول انا عاوز اسجل البيانات بتاعتى
قالو انت معاك شهادة تاهيل مهنى قاله لا مش معايا
قاله احنا بنسجل بيانات اللى معاهم شهادات تاهيل مهنى
عشان يتعنيو ضمن نسبة ال 5 %
قاله انا لا مش معايا انا عادى متخرج بقالى 5 سنين
ولسة مش متعين رحت مكتب العمل قالو فى مكتب العمل
روح ادارة التنظيم والادارة



نطلع من كل دا يا جماعة ان نااااااس كتييييييير
مش لاقيه شغل او بمعنى اصح ناس كتيير مش لاقيه
تعين يعنى شغلانة يفتخر بيها او شغلانة ثابتة يفتخر بيها
لما يروح يطلب يد بنت الحلال اللى تصونه وتبقى شريكة حياته


فى يوم من الايام رحت العامرية فى المنطقة الحرة

معروف عن المكان دا انه كله مصانع وكدا يعنى

كل ما اروح مصنع الاقى عليه 5 او 4 واقفين بردوا عاوزين شغل


حسبى الله ونعم الوكيل فى كل انسان ربنا يجعلو ولى للامر الناس ويشقيهم ويشق عليهم
وفى كل انسان ماعندوش رئفة بى الناس
الناس اللى هو ولى امرهم

قال افضل المرسلين رسوال الله صلى الله عليه وسلم
(اللهم من وليَ من أمرِ أمتي شيئاً فشقَّ عليهم ،فاشقُق عليه،و من ولي من أمر أمتي شيئاً،فرفق بهم،فارفق به)

للاسف الشديد ناس كتييير ماتعرفش الحديث دا للاسف الشديد