ماهى اقوى شخصية فى اللعبة؟ هل build كذا جامد؟ انا سمعت ان الbuild الفلانى ملوش لازمة؟

[leader]

بصوا ياجماعة انا هجيبلكم من الاخر بقى مفيش ولا شخصية ولا build فى اللعبة دى مش حلو ولا مميز بس فيه واحد بيعرف يلعب بالشخصية بتاعته ويختارلها المهارات (skills) الصح ويوفق مابيهم يعنى انا بلعب روج (xbow+dagger) وكليرك
وبصراحة بجد اكونت اصلى جداااا لانى بعرف اتحكم فيه يعنى فى الايفنت بجيب بال3 مع بعض والله مثلا ويزارد وجلاف وبلادر ومن ده كتير بقى وشوفت واحد بيلعب بالwarior وبيوفق مابين اسلحته بشكل هائل جدااا يعنى بالaxe بيعمل دوخة للخصم بعدها يمسك ال 2هاند ولا ينزنق يطلع ال1هاند مثلا وكده ده محدش يقف قدامه يعنى واحد زى ده (بيعرف يتحكم فى شخصيته) نزل قدامى (لو احنا فى لفلات بعض) وانا كمان بعرف اتحكم فى شخصيتى هيبقى ماتش طحن واللى المكسب هيبقى متبادل وهتبقى ظروف ماتش بقى

المهم ان انت تشوف ميزات الشخصية وتحبها لو عجبتك تشوف عيوبها وتتعامل معاها بقى وتصلحها وكده عن طريق اختيار المهارات الصح وتقوى من المميزات تبقى خارق والاهم تحب الشخصية وتقتنع بيها علشان تعرف تلعب بيها يعنى لو ويزارد تبقى كليرك علشان تاخد حبة ديفنس وتقوى سلاحك وضربك محدش هيقف قصادك ولو بلادر تقوى لبسك وتختار المهارات الصح(انا بصراحة مليش فى الصينى قوى) بس اعتقد فورس وفاير وقوى السلاح (مش لازم +9 ولا حاجة هو سلاح يكون حلو و+2 كفاية) هتبقى ديفنسك لا يقهر وضربك عالى (نسبيا)

وبالنسبة للتلفيل مش مشكلة لان اولا البلادر ضربه ضعيف بس سريع وكمان نسبة موته قليلة جدا غير الويزارد مثلا بيموت وبينقص xp كتر ما بيزيد وزى ماقلت لو انت حابب الشخصية مش هتزهق منها ولا من اللعب بيها وكمان فيه الايفنت ده احسن حاجة تزود شخصيتك ايا كنت بقى ده كله بيدخله وبيزود حلو جدا غير المهمات برضه بتدى xp حلو

وفى الاخر احب اقول اللعبة زيها زى تكن (tekken) لو تعرفوها فيها شخصيات كتيييير جدا بس كلها متوازنة لكن تلاقى واحد بيعرف يلعب ب10 شخصيات ويستخدم حركاتهم وتجميعاتهم وكده بيبقوا بالنسبة له اقوى الشخصيات فى اللعبة
وواحد بيعرف يلعب بغيرهم بس ومن الاخر الشركات دى مش هبلة علشان يعملوا شخصية اقوى من التانية لان الحاجات دى اكيد بتتجرب 100 مرة وكمان فيه حاجات مش بتتلاحظ و حاجات مش بتظهر ومثال للحاجات اللى مش بتتلاحظ ان الويزارد ضربه جامد جدا بس بطئ وحتى الارض او النيزك اللى هى اقوى الضربات هى نفسها ابطئ الضربات والعكس صحيح

اسف على الاطالة و انا مستعد لاى مناقشة فى الموضوع ده بس تكون مناقشة كده محترمة مش واحد يرمى كلمة ولا كلمتين ويجرى زى مثلا (كلامك مش صح يامان)

سلام