مشكلة يا رجاله بسرعه بجد Autorun !!

[Fire_Snake]

بسم الله الرحمن الرحيم

يا رجاله انا في ورطة كبيره بجد الجهاز بتاعي دخل عليه Autorun ازاي مش عارف بس انا سبت (اخويا الصغير):@ قاعد عليه ورحت نمت لما صحيت شغلت الكمبيوتر لقيت الفيرس عليه ومتنشط !!
يعني مسحلي الTask Manager بوظلي ال Folder Option و وقف تشغيل Avast
و بوظ Run اللي مسارها Start >> Run
المهم غيرت الويندوز وحطيت Avast على CD من جهاز ابن عمي ولما خلصت تغير ويندوز سطبت Avast من الCD من غير ما افتح My Computer اصلاً
وعملت سكان على الجهاز كلوا شال الفيرس وطبعا مسح الملفات اللي كان ماسكها الفيرس فا اتطريت اغير الويندوز تاني بعد ما خلصت تغير وسطبت Avast من الCD لقيت الفيرس اتنشط تاني ومسح Task Manager وبوظ Folder Option ووقف تشغيل Run ووقف تشغيل Avast
ولمه بختار اي بارتيشن من الجهاز بيتفتح في صفحة مستقله مش في نفس الصفحة
المهم الفيرس كان عندي زمان وشلتوا الحمد لله بس بأداه مش فاكر اسمها ومش عارف اوصلها خالص وبعد الاداه دي عملت سكان يعني المهم شلتوا من غير ما اعمل Format للجهاز الحمد لله
بس رجع تاني ياريت لو حد يعرف في الحوار ده يفدني لأن بجد صعب انك تمسح كل حاجا جمعتها في سنين فاتت :@
ارجو من المشرفين برضو عدم الحذف لحد ما نشوف حل