[captin_Don]

النهاردة هنشرح كلاس الـ Mage ـساحر وبينقسم الي
( Sorcerer المشعوذ - Spirit Master مستحضر الارواح )





بدون مقدمات كتير ، نبدأ بشرح الـ Sorcerer



نقاط الشرح


1- نظرة عامة .
2- اللبس والأسلحة والفرق بينهم.
3- نقاط الضعف + التغلب عليها
4- السوكت والماناستون + الـ Godstone .
5- الاستيجما .

1- نظرة عامة

السورس من أجمد الكلاسات في أيون وأمتعهم في اللعب ، بما إنه كلاس السحر وأعلى ضرب في الجيم ، ويعتبر الـ DPS الأقوى في الجيم بلا منازع.
والسورس كلاس موزون ومعمول بطريقة تخليه على قد ماهو بيضرب جامد على قد ما عنده نقط ضعف خطيرة برضو، يعني ، بيضرب جامد بس الدفاع بتاعه مفيش ، بس لو انت فهمت الكلاس دا هتقدر تتعايش وماتموتش بسهولة.
السورس بيقدر يعمل للي أدامه سواء كان مونستر أو شخص بيقدر يعمل له Sleep أو يحوله شجرة أو يديله Stun أو يوقفه في الأرض مايتحركش.
من الأخر السورس ممكن يلعب البخت في أي حد قدامة بس المهم لازم يبقى فيه مسافة بينه بين الطرف التاني عشان يقدر يبضن عليه.
ولو انت قرأت الشرح وفهمته كويس ، هتبقى جامد فشخ بالسورس بتاعك ، أنا عامل سورس وبحبه جداً وعشان كدا هقدر اجيبلكم نقاط الضعف وحلول بديلة ليها .

2- اللبس والأسلحة والفرق بينهم :

بالنسبة للسورس هو طبعاً ماجيك ، بيلبس Cloth وبيقدر يمسك سلاحين واللي هم Spell Book أو الـ Orb .
بالنسبة للبس بتاع السورس بصفة خاصة وقت ماتكون بتختار إختار لبس بالمواصفات دي :
* للبس الـ PvE
Magic boost اعلى للبس - والسلاح بتختار الـ Orb
عشان كل مازاد الماجيك بوست بتاعك كل ماهتضرب أعلى
ودي نسب تأثير الماجيك بوست على ضرباتك
10 ماجيك بوست = تقريباً + 0.8% زيادة من قوة الضربة
100 ماجيك بوست = تقريباً + 8% زيادة من قوة الضربة
500 ماجيك بوست = تقريباً +40% من قوة الضربة زيادة على ضربتك
وعشان تبقى حوت وعامل شغل عالي في الجروب ، لازم تكون عامل Socket لكل لبسك بتاع الـ PvE بالماناستون Magic boost

وبالنسبة للسلاح انت وقت الـ PvE بتختار Orb عشان فيه Magic Boost أعلى وبيجيب من الآخر.

* وبالنسبة للـ PvP

Magical Accuracy أعلى يكون موجود على اللبس والسلاح بتختار Spell Book
الماجيك ايكورسي دا معناه نسبة دقة الضربة ودا الشيئ المضاد للـ Magic Resist
يعنى مثلاً انت هتحارب واحد لابس لبس وحاطط Magic resist ماناستون يعني المفروض ضرباتك ماتأثرش فيه
بالتالي هقولك مثل عشان تفهم أكتر :
لو مثلا الشخص اللي انت هتضربه حاطط 500 نقطة Magic Resist
وانت حاطط 400 نقطة Magic Boost هنستنتج الآتي :

فيه إحتمالية 10% ان ضرباتك ماتأثرش فيه
لكن لو انتو الاتنين متساويين هتبقى إحتمالية ان ضرباتك ماتأثرش فيه هتكون 0% يعني كل ضرباتك هتنزل فوقه تروقة.

بالمناسبة لو هو أعلى منك في الليفل دا برضو بيأثر على مقاومة الضربة
أعلى منك بـ 3 ليفلات = 10% زيادة في مقاومة ضربتك
أعلى منك بـ4 ليفلات = 20% زيادة في مقاومة ضربتك
أعلى منك بـ5 ليفلات = 30% زيادة في مقاومة ضربتك
وهكذا ...
طبعاً كل الكلام دا وقت الـ PvP ، وزي ما قلت فوق السلاح يُفضّل انه يكون Spell Book عشان بيكون عليه Magical Accuracy أعلى من الـ Orb .

3- نقاط الضعف + التغلب عليها :


أكبر نقطة ضعف عند السورس هي الدفاع بتاعه! ولحد الوقتي في الأبديت 4.0 موجود 3 سكيلات عند السورس بيعطوله شيلد مؤقته .

الحل الأول للتغلب على ضعف الدفاع

* شيلد Shield بتحميك من ضربات لحد 2040 نقطة ، ودي بتقعد معاك لمدة 5 دقايق ولو انضربت ضرب الإجمالي بتاعه 2040 ، الشيلد بتتكسر.
* شيلد بتحميك من ضربات لحد 10.000 نقطة ، ودي بتقعد معاك لمدة 8 ثواني فقط ولو انضربت ضرب الإجمالي بتاعه 10.000 (قبل ما الـ 8ثواني يخلصو) بتتكسر برضو.
* شيلد بتحميك من ضربات لحد 430 نقطة ودي بتشغلها 4 مرات ورا بعض.
مثلا : بتجري من حد وهو وراك وبيضربك ، شغلت الشيلد الأخيرة ، هتشيل عنك 430 والباقي هيلبس فيك هتشغلها تاني ، هتحوش عنك نفس الداميدج اللي هو 430 وهكذا لحد ماتخلص ، تكون انت خلعت أو موتت

الحل التاني للتغلب على ضعف الديفنس

استخدام اسكيلات الـ CC بتاعتك ، ودي معناها Crowd Control بالعربي (التحكم في الجماهير)
وعندك أكتر من سكيل ليها وأول شجرة ستيجما عندك هتلاقي 3 سكيلات منها بتعمل CC
نبدأ بأول سكيل :

1- Sleep :

بيخلي اللي ادامك ينام
بيتحمل في 2 ثانية - بيفضل تأثيرة لمدة 20 ثانية (لمدة 8 ثواني وقت الـ PvP )
إعادة إستخدام الأسكيل بتاخد 15 ثانية - بيزود كل دفاعات الشخص المضروب عليه الأسكيل بنسبة 600 نقطة لحد ما يروح تأثير الاسكيل.

2- Curse of Roots :

بيحول اللي ادامك لشجرة
بيتحمل في 1.5 ثانية - بيفضل تأثيرة لمدة 20 ثانية (لمدة 8 ثواني وقت الـ PvP )
إعادة إستخدام الأسكيل بتاخد 30 ثانية - بيزود كل دفاعات الشخص المضروب عليه الأسكيل بنسبة 500 نقطة لحد ما يروح تأثير الاسكيل.

3- Sleep Storm :

عاصفة بتخلي كل اللي ادامك ينامو
ودا بينضرب بـ DP مش مانا زي باقي الاسكيلات
تأثير الأسكيل بينزل على 6 أشخاص قدامك + اللي انت بتضربه أصلا في دائرة 12 متر حوليك

بيتحمل في 1ثانية - بيفضل تأثيرة لمدة 20 ثانية (لمدة 8 ثواني وقت الـ PvP )
إعادة إستخدام الأسكيل بتاخد 3 دقايق - بيزود كل دفاعات الشخص المضروب عليه الأسكيل بنسبة 500 نقطة لحد ما يروح تأثير الاسكيل.

4- Root :

بيثبت الطرف التاني في الأرض
بيتحمل في 0 ثانية - بيفضل تأثيرة لمدة 20 ثانية (لمدة 8 ثواني وقت الـ PvP )
إعادة إستخدام الأسكيل بتاخد 1 دقيقة دقايق.

5- Winter Binding

ضربة جماعية بتثبت كل اللي حوليك في الأرض لمدة 20 ثانية (لمدة 8 ثواني وقت الـ PvP )
إعادة الأستخدام بتاخد دقيقة وتأثير الضربة بيكون على كل اللي حوليك في مسافة 15 متر.

ندخل على الضربات اللي تعمل Stun

1- Frozen Shock
بتدي ستن لمدة 2 ثانية وإعادة تحميل 30 ثانية .
2- Aether's Hold
بترفع اللي ادامك في الجو لمدة 8 ثواني وإعادة تحميل دقيقتين.
3- Flaming Meteor
بتدي ستن للي ادامك لمدة ثانية ونص (ممتازة وقت الـ PvP عشان تكنسل ضربته)
إعادة تحميلها بتاخد 5 دقايق والداميدج بتاع الضربة دي عالي جداً .
4- Balaur Seeker
ودي بتدي ستن لمدة 4 ثوانى للي أدامك وبتضرب داميدج عالي جداً وبتضرب تلت الداميدج زيادة لو انت بتضرب Balaur مثلاً لو بتضرب 15 الف ، هتبقى على الـ Balaur حوالي 20 الف، مع العلم الضربة دي + ضربة الـ Flaming Meteor بيطلعو مع بعض في وقت إعادة التحميل.
4- Illusion Storm
ستيجما سكيل ، ودي ضربة جماعية بتدي ستن لكل اللي ادامك لمدة 4 ثوانى في مسافة 10 متر ادامك وتأثيرها على 6 أشخاص فقط.
وإعادة تحميلها بياخد 5 دقايق.
7- Stamina Absorption
ودي سكيل مهمة جداً ، بتاخد من الاتش بي بتاعت اللي ادامك ، لو مثلا عملتها وضربتها جت مثلا 4000 على اللي ادامك، هيزودلك 4000 اتش بي.
--------------------------
لو استخدمت الاسكيلات دي في وقتها ، هتعرف تغلب اللي ادامك بكل بساطة، او لو لقيت ضرب كتير عليك وشيلداتك اتكسرت ، تقدر تثبت اللي حوليك وتطلع تجري



4- السوكت والماناستون + الـ Godstone .

طبعاً زي ماعرفنا إن السورس معتمد على الماجيك بالتالي يُقضّل ان يكون عندك طقمين

طقم للـ PvE ووقت ماتكون بتختار حاول تجيب أعلى نسبة Magic Boost وفكك من الـ Critical Spell والسوكت بتاعه يكون Magic Boost .

طقم للـ PvP وتجيبه من الأكاديمية أو طقم الـ Blood Mark لو انت ليفل 65 أو تشتريلك طقم بـ Abyss Points وتحط عليه Magical Accuracy لأفضل النتايج ، فيه ناس هتقولي نحط على 4 حتت بس Magical Accuracy والحتة الأخيرة نحط عليها Magic Resist هقولك أنت حر وبرضو شغال بس حالياً فيه جلادييتورز بيجيبو طقم PvP خاص للسورس والاسبيرت ماستر وبيحطو عليه Magic Resist ، في الأول والآخر انت ودماغك بس انا بقول اللي أغلب الناس عاملينه.

بالنسبة للـ GodStone لو انت هتشتغل بسلاحين واحد للـ PvE والتاني للـ PvP
هيبقى النظام كالتالي :
سلاح الـ PvE هتحط عليه Damage GodStone اللي بتدي ضربة 4050 داميدج أو 3760 انت وفلوسك .

سلاح الـ PvP هتحط عليه Blind عشان الـ Ranger, Assassin, Gladiator , Templar And Chanter
لأن عدوك الأساسي بيكون فيزيكال - بالنسبة للماجيك اللي زيك ، عندك سكيل بتعمل Silence وهتقدر تعلم علي الماجيك بسهوله لو انت لابس كويس.



5- الاستيجما

طبعاً زي ماهو معروف في نظام إيون ان عندك شجرتين ستيجما الأولى للـ PvP والتانية للـ PvE
بالنسبة للسورس ، عشان توصل لأفضل النتايج هتستخدم التانية مع إضافة شوية ستيجمات تانية تساعد في الرخامة اللي هي CC .
هتختار شجرة الـ Glacial Shard كاملة ومعاها
Storm Strike
Ice Harpoon
Illusion Storm
Big Magma Epution أو Sleep Storm ألاستيجما لو انت غاوي PvP

وبكدا نكون انتهينا من السورس واللي عنده أي إستفسار يقولي عليه.



ندخل على كلاس الـ Spirit Master







1- نظرة عامة .
2- الـ Spirits وطرق اللعب .
3- السوكت والماناستون + الـ GodStone .
4- الاسكيلات .

1- نظرة عامة


الاسبيرت ماستر من الكلاسات المميزة جداً في اللعبة وذلك لأنه بينزل وحوش تضرب معاه او تديله دفاع وشوية خصائص هنتعرف عليهم في الشرح ده.
الاسبيرت ماستر لازم يكون سريع في اول ضرباته لإن زيه زي السورس لو اتقفش بيروح فيها لكن لما يقفش حد بيخلص عليه في ثواني .
أكتر كلاس بيعمل Debuffs واسكيلات سلبية على الوحش ، بمعنى انه يقلل مثلا الديفنس والضربة إلخ ...



2- الـ Spirits وطرق اللعب

الـ Fire Spirit
الفاير سبيرت دي ضربها فيزيكال ولازم تكون قريبة من الطرف اللي بينضرب ، والداميدج بتاعها حلو ، بالتالي أغلب الناس بتلعب بيها لحد ماتوصل لأعلى ليفل في اللعبه.
سبيرت مميزة وديفنس عالي وأتاك عالي برضو بس الماجيك ديفنس بتاعها تعبان ..
ليها سكيل يعزز ضرباتها ويديها شيلد تصد الضربات وفي نفس الوقت الضربات دي تأثر في الطرف التاني .
في ليفل 50 بتقدر تجيب الاسبيرت الفاير الجديدة المطورة ، وفي ليفل 65 برضو في الأبديت الأخير شفت لها تطوير تالت ... من الآخر سبيرت حلوة لو انت مقضيها SOLO .

الـ Earth Spirit
نفس الكلام ، برضو بتضرب من قريب بس الاسبيرت دي دفاعها قوي جداً ، حاجه زي تانك للاسبيرت ماستر كدا ومش بتحتاج تعمل لها Heal كتير .
ولما بتعمل الاسكيل بتاعها ، بتديلك HP .. مفيدة جداً وقت الـ Solo
طبعا وقت ماتكون في جروب، الاسبيرت دي مش بيبقى لها أي 3 لازمة لإن السورس هياخد المونستر منها بكل بساطة وهي أساسا ضرباتها مش قوية أوي بالتالي فاكسانة وقت الجروب.

الـ Wind Spirit :
برضو زي اللي فوق بتضرب من قريب ، بس من أرخم الاسبيرتس وقت ماتكون بتعمل PvP لأن الاسبيرت دي بتدي ستن كتير للطرف التاني ، يعني تقعد تصطبح على اللي قدامك بالاسبيرت دي
الداميدج بتاعها كويس جداً وقت البي في بي، ودفاعها متوسط ، السورس بياخدها في 4 خبطات ، على مايحمل اسكيلاته أصلا تكون انت خلصت عليه.
الاسكيل بتاعتها بتزود الدقة في الضرب وتفادي الضربات، Accuracy and Evasion
لو انت طالع مع جروب تعملو PvP اشتغل بالاسبيرت دي ، هتخلي مزاجك عنب وتقعد تعمل ستن للي ادامك وتخليهم مايعرفوش يضربو.

الـ Water Spirit :
دي بقى الاسبيرت الوحيدة اللي بتضرب من بعيد ، بتضرب ماجيك اتاك، وعشان هي ماجيك ، بالتالي دفاع ضد الفيزيكال داميدج تعبان بس قصاد الماجيك بتعمل شغل حلو .
لما بتستخدم الاسكيل بتاعها ، بتديلك Magical Accuracy دقة في ضربات الماجيك
وبتديلك Magic Resist دفاع ضد ضربات الماجيك.
مفيدة وقت ماتكون في جروب عشان بتضرب من بعيد زيها زي باقي الجروب ووقت ماتكون بتعمل PvP وبتصطاد 1 بـ 1 ، مفيدة برضو لأنها بتضرب من بعيد ولو الطرف التاني طلع يجري منك . هي هتخلص عليه وهو بيجري.

الـ Tempest Spirit
الاسبيرت دي عبارة عن خليط مابين الـ Water Spirit والـ Wind Spirit ودي في نظر اغلب اللاعبين ، اجمد سبيرت موجودة
بتضرب جامد ، ولما تستخدم الاسكيل بتاعها بيكون عليها
Accuracy - magical Accuracy - Evasion - Magic resist
أكتر فايدة للسبيرت دي وقت الـ PvP وطبعا عشان كمية الدقة اللي عليها والدفاع ضد الماجيك والفيزيكال

تحكمات الاسبيرتس :

الاسبيرتس ليها طريقتين في التحكم ، الطريقة الأوتوماتيك والطريقة اليدوية


الـ Automatic Mode
طول مانت شغال بالطريقة دي، الاسبيرت هتبقى واخدة وضع الدفاع شوية ودا معناه لو مثلا حد ضربك ، الاسبيرت اوتوماتيك هتروح تضربه، ودا ساعات بيكون كويس وساعات بيكون ممل ، لإن مثلا ساعات انت بتكون بتجري رايح مكان معين ، وانت معدي اكيد هتلاقي مونسترات تخبطك خبطة ، وفي الحالة دي الاسبيرت هتسيبك وتروح تضرب في المونستر ..
وقت البي في بي أعتقد ان الطريقة دي بتكون شوية كويسة ، بس أغلب الاسبيرت ماسترز في الجيم مابيستخدموش المود ده .

الـ Manual Mode
المود دا بيخليك تتحكم في كل حاجة في الاسبيرت بتاعتك ، تخليها امتى تضرب وإمتى ماتضربش ، وساعات لما تلاقي الضرب عليك كتير بتخلي الاسبيرت تنضرب هي وانت تخلع



3- السوكت والماناستون + الـ GodStone

ملحوظة
السوكت والـ GodStone بتاع الاسبيرت ماستر زيه زي السورس .




4- الاسكيلات المهمة

اسكيلات الضرب كتير ، والمهم في الكلاس دا اسكيلات الـ CC والـ Dispell والـ Debuff

أولاً : سكيلات الـ CC

Root : زي السورس ، بيخلي اللي قدامك يقف في الأرض .

spirit Preserve : ودا درع بيدهولك الاسبريت لمدة 10 ثواني بيصد لحد 3k داميدج
spiritsubstitution : دي ستجما ومن اهم استيجما الاسبيريت ماستر دي بتخلي الضرب الي جايك يروح للاسبريت و يفضل يستخدم مع الـ Earth Spirit

Fear Shiek : ودي بتحول كل اللي قدامك لسبيرت صغيرة بتجري قدامك لمدة 8 ثواني (من أهم سكيلات الاسبيرت ماستر)
*إضافة بواسطة العضو المتميز : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]*

Sleep : بينيم اللي قدامك .

ثانياً اسكيلات الـ Dispel

Dispel magic ودا لو انت مثلا في جروب وقدامك Boss عنده بف بيعمل Reflect للضربات ، بالاسكيل دا تقدر تشيل الريفليكت بتاعه
ولو سورس رخم برضو فاتح الريفلكت تقدر تشيلهوله، دا غير انه بيشيل كل البفات اللي على الشخص اللي قدامك كلها حتى الـ Move speed scroll


واللي عنده أي إقتراح أو إضافة الرجاء تراسلني بالإضافة وهتتحط بإسمك