[Sirius Black]

ولاً أحب أشكرك على الموضوع الرائع دة ، و أهنئك على مستوى تفكيرك الراقى ، إنت فعلاً نبهتنا على حاجات كتير أوي الواحد مكانش واخد بالو منها أهم حاجة فيها هو موضوع الفلوس دة ، أنا واحد

من اللي كانو مبتدئين في سلكرود و أول ما عملت الهباب اللي اسمو فارم دة أدمنت اللعبة ده شوية مع اني كنت في الأول بلعبها تسلية مش أكتر مرة بمرة حطيت فيها ٣٠ جنيه و ال٣٠ جرو ٣٠ عشان البتاع

اللي بيلم الجولد و مرة بمرة بريميوم و غير كدا لحد ما وصلت لفترة كدا بدأت عمال افكر هاجيب ثمن البريميوم الجاي ازاي و فعلاً أخر مرة رحت فيها عشان أجب سيلك حسيت والله بقرف كدا على

الفلوس اللي راحت في حاجة لا ودت ولا جابت و حسيت كمان و اقتنعت بكلمة والدتي لما كنت ديماً تقولي ( أبوك عمل طافح الدم بره و متغرب و إنت واخد الفلوس عشان لعبة حرام عليك و اتقى اللة

شوية ) لأني مش بحب اصرف فلوس على حاجة من وراهم الصراحة مش وحشة برده

و بأمانة الله أنا بعد أخر مرة صرفت فيها فلوس على اللعبة حسيت قد ايه اللعبة ده فعلاً حقيرة و بتضيع فلوس و وقت فعلاً كتير أوي

أنا اللعبة ده بلعبها لحد ما كتبت الرد هنا بس أنا دخلت على المنتدى عشان اقرأ شوية كدا لأني زهقت من اللعبة ده و بعد ماشفت الموضوع الرائع دة و اللي صاحبو يستحق كل إحترام و شكر على طريقة

تفكيره أنا من النهاردة سبت اللعبة فعلاً و نهائي

عملت أنا ايه بلفل ٩٣ اللي جبته و بستفيد اه لما أعد فتح بوت و سايب الجهاز شغال بال٥٠ ساعة و مجبش حتى نص اللفل طاب حتى ايه المتعة او الفايدة من البوت

أنا اللي خلا الموضع ده أثر فيا اوى حتة المستقبل ده عشان أنا عاوز أقول للكل محدش يخلي اللعبة تيجي على مذاكرته أبداً عشان أنا واحد من المجربين كل صحبي طلع تانية جامعة و نجحو و للأسف

اللعبة ده خليتني لسة في أولى طبعاً في ناس كتير هتقول يعني فيها ايه سنة تقع و كدا

أنا في الأول قولت كده و قلت يالا سنة اقعد فاضي شوية و كدا بس جيت في الأخر حسيت بقرف و ذنب ، فوق الوصف والله

يا جماعة قللو من اللعبة ده شوية و اللي مش قادر يخف على الاقل ميصرفش فيها فلوس تاني -حيقلي مش عارف أعمل لوج إن عشان السرفير مليان حقوله ببساطة خلاص هما عاوزنا ندفع عشان نلعب و

لو إنت شايف إن اللعبة تستحق انك تحط فيها كل الفلوس ده هقولك اه إنت حر بس إسأل نفسك كدا في الأخر هتستفيد اه ، خصوصاً لو قومت في مرة و لقيت الاكونت بتاعك اتسرق

معلش طولت عليكم بس الكلام ده فعلاً كنت محتاج أخرجو للكل و من النهاردة أنا والله يشرفني اني أكون معتزل سلكرود نهائي و يشرفني أكتر اني أكون واحد من المشاركين في الموضع اللى اتمنى ان

الكل يفهم المقصود منه صح

أسف للإطالة