يا استاذ HHH انا شايفة ان حضرتك لما طلبت ان موضوعك ما يتقفلش وقلت ان الكلام بتاع زمان مش هايحصل ما حدش قفلك الموضوع و ما حدش جه جنبك
حضرتك مرتاح مع Yosi خليك معاه بس ما تفضلش تقول ان المصريين بيعملو مقالب مع بعض و الكلام ده سبنا احنا كدة مع بعضنا و ربنا بيحاسب كل واحد الحلو حلو و الوحش وحش و اللي تضايق منه ما تتعاملش معاه بكل بساطة و خلاص
حضرتك مرتاح مع Yosi خليك معاه بكل بساطة
بس ما تفضلش تذكر اسمه كدة كتير هو و الاسرائليين لان ده بيضايقنا و نفوسنا ملتهبة يعني ما تجيش علي الجرح و تحط عليه نار و تولعه زيادة
لو عايز تتكلم معانا اتكلم معانا في موضوع المنتدي اللي هو اللعبة و بس و ما تجبش سيرة الكلام اللي بيضايقنا اعتقد ان ده اسمه ذكاء اجتماعي يعني تعرف ايه اللي بتحبه ناس معينة و تعمله عشان تقدر تتواصل معاهم
ده غير ان المنتدي ده مش منتدي سياسي عايز نتناقش معاك ادينا عنوان موقع سياسي محترم
و اللي عايز يتناقش معاك يتناقش بس يا ريت بلاش هنا في المنتدي هنا لانه منتدي ترفيهي و معظمه مخصص للعبة سيلك رود و للترفيه عن الناس
يعني ما ينفعش كل شوية الاقي جدالات مالهاش مكان في منتدي ترفيهي
اظن كدة ان انا اتكلمت بكل هدوء و براحة خالص يعني كلام مايزعلش
يعني لو حضرتك اخدت بالكلام اللي انا بقوله هاترتاح و تريح
و السلام ختام