- مشرف عايز يعرف حبيبته بتحبه ولا لا
دخل على المنتدى و بدا يحذف المواضيع
واحد ورا الثاني
(بتحبني _ما بتحبنيش_ بتحبني_ما بتحبنيش)
-مشرف زعل مع مراته
كتب فيها موضوع بقسم الشكاوي...!!
-مشرفه (عانس)
اتجوزت من فرحتها ثبتت الموضوع ...!!
-مشرف اتجوز مشرفه جابو ولد سموه منتدى...!!
-مشرف اتقدم لوظيفه
( فطلبت جهه العمل السيره الذاتيه )
اداهم وصله (البحث عن مواضيع العضو)...!!
-خطيبة مشرف كل اما تتصل بيه
تطلعلها رساله مسجله _
السرفرمشغول حاليا_حاول في وقت اخر..
-مشرف اتخانق مع مراته عملها حظر....
الله الله الله حاجة حلوة خالص العضو دة لازم يتعدم فى ميدان عام علشان يكون عبرة لكل عضو يتريق علينا
thehunterman : اية رأيك نستخدم معاة أنهى أسلوب؟؟؟
نحزفلو اى موضوع يحطو؟؟ولا نغلقلو الرد؟؟ ولا أقولك نشيلو خالص
kids : سبهولى العضو دة بتاعى انا هعصرو أنزل منو أعضاء جدد
الحلقه الثالثة
---------------------
thehumterman: صباح الخير يا kides
kides:أهو صباح زى كل صباح أدينى داخلة المنتدى لما نشوف اية الجديد أنا أتخنقت خلاص طول اليوم فاتحة المنتدى ما فى عضو يستجرى يعمل موضوع وأول ماروح أنام اصحى ألاقى 500 موضوع جديد اوففففففف
thehumterman: معلش معلش مضايقيش نفسك لما نشوف أخرتها معاهم أية
kides: لا والله ماهسكت انت مش امبارح حطيط قوانين انا هكمل عليها أنهردة انا وراهم لغاية لما ملقيش عضو فى القسم دة
thehumterman: يعنى هتعملى أية انا حاسس أن هما المشرفين و أحنا الاعضاء
kides: وأنا حاسة كدة بردو علشان كدة لازم تبقى فى قوانين مصيرية
(((القوانين بتاعتى ياد يا عضو منك لية و العضو الحاضر يعلن الغايب ولو مقلهوش مش هتفرق معانا أصلاّ احنا مش عايزين حد))))
بصوا بقي يامعلمين
انتبهولي كده وصحصحوا الساعة دلوقتي 10.05 الصبح ولسه صاحية وخلاص بجد
هتجننوني خليتوا شعري يقع من كتر اما شديت فيه
بصوا
من النهاردة ومن الساعة دي
مفيش زفت مواضيع محدش عاد يكتب مواضيع هنا
عايزين تكتبوا حاجة اكتبوها برة مش هنا
مش طالبااااكوا بقولكوا
دا اللي ناقص كمان
اما انا مسكت الاشراف هنا ليه دى حاجة متخصكش بتبص لية ياد بقولك متخصكش يعنى متنحش وكمل بقية القوانين
ولو حد ناوي يكتب مواضيع يكتب موضوعين بكتيره اوي
وليه موضوعين خليها موضوع واحد كفاية
وليه تكتبوا اصلا متكتبوش اعملو اللي قولتلكوا عليه واكتبوا برة مش هنا
مش ناقصين والنبي
كل شوية موضوع مخالف ومتكرر وبلاوي زرقة
هصرف عليكوا من جيبي كمان واصلحلكوا ولا ايه
ارحموني
قرفتوني في عيشتي حرام عليكوا
كان يوم مليان رعد وبرق وزعابيب يوم ما مسكت الاشراف
سيبوني في حالي
انت ياللي بتزغر بعنيك انت ايوة بتبص عالموضوع بقرف كده ليه
مش عاجبك
طب اعمل حسابك بقي ان مواضيعك كلها مخالفة
هاه ومنتش معتبها تاني
يانا يانت في المنتدي
مش عارفين نربيكوا ولا ايه
تعبتوني الله يتعبكوا
وليكن في معلمكوا اللي هيعترض
هغوزه
مش هسيبه غير وهو متعور
واللي مش عاجبه ميتكلمش اساسا
يتكلم ليه
وكمان مفيش ردود علي اي مواضيع
اللي عايز يرد يدفع نص جنيه في الخزنة برة وبعدين يرد
هو ده النظام
وقايمة الاسعار هتنزل قريب
وشوفوا اما اقولكم
توقيعات ملهاش لازمة مش عايزين
يعني تخش هنا بأدبك
ومتتكلمش
ولو نكتة عجبتك متضحكش تضحك ليه اساسا مش عايزة اسمع صوتك
داخلين القسم نهزر بقي ولا ايه
بعد كدة انت تكتب الموضوع دة لو خلناك تكتب اصلاّ من سكات متعدش تكتب ثبتولى الموضوع مفيش مواضيع بتتثبت لأعضاء فاهمين ولا لأ
مواضيعنا و مةاضيع المشرفين بس البتتثبت علشان أريحكو
انت ياد اقسم بالله لو فكرت ترد رد كدة ولا كدة
انت حر
وعلى العموم هغلق الرد مش طالبة ردور مستفزة
وبعدين وانت بتقري الموضوع ده تربع ايدك وتنزل ايدك من عالماوس اساسا
وتبص عدل
بلاش التتنيحة دي
ولا رفعة الحاجب
لحسن انا عرفاكوا مبتجوش غير بالعين الحمرا
انا حذرت اهو
اللي مش هيلتزم باللي قولته هطلعهولكوا قتيل
thehunterman: يا kides القوانين دى باردو مش هتجيب ناتيجة دول وحوش وممكن لو شافو القوانين دية يبهدلو الدنيا
kides: أة عندك حق بس خلينا نخدهم واحدة واحدة
thehunterman :عملتى أية مع الواد الاسمو ToxiCity دة انا شايفو لسة مطردش
kides: لا (الطرد سعادة لا أتمناه لة) انا لازم أخلية يكره اليوم السجل فى المنتدى
------------------------------
بمشرفين قسم البوت
الحلقه الرابعة
--------------------
القناص :- فى نوم يشبة نوم الملائكة تراوضة أحلاماّ وردية وهو مستمتع بها ويتمنى لن لا يصحى حتى لا يزول الحلم
وفجأة سمع صوت التليفون بيرن
القناص :- ايو مين معايا....
TheKiller20:- يعم أصحى انت لسة نايم قوم شوف الاعضاء دول انا هتشل خلاص
القناص :- حاضر حاضر ..... الله يحرق الاعضاء على المنتدى على البوت يا رب يخدو بلوك كان حلم حلو قوى منك لله يا TheKiller20 صحتنى من أحلاها نومة لما اقوم أغسل وشى واشرب اى حاجة لحسن الحلم كان طار وكان فاضل نص ساعة ويفتحو البوفية ......
وفجأة سمع صوت التليفون بيرن تانى
القناص :- يا نعم الله يحرأكم مليتو البلد مقولت جى جى جى في اية مفيش صبر
والد القناص :- انت بتقول اية يا ولد
القناص :- بابا أزيك يا بابا لا اصلى دة كان واد بيعاكس وانا كنت فاكرو انت
والد القناص :- بيعاكس وبتقولو جى جى جى اية مفيش صبر لية انتو هتتقابلو انهاردة يابنى ركز فى مزكرتك وسيبك من المنتديات و النت
القناص :- حاضر حاضر وعد يا بابا من انهردة مفيش نت تانى و هنتبة لمزكرتى
سلام سلام وخلصة المكالمة
القناص :- shit انا اتهزق كدة طاب والله لهخش أطلع عين الأعضاء هو يوم مش فايت
TheKiller20:- صباح الفل يا بوب اكيد بقى فطرت وكلت و شبعت ونفسك مفتوحة على الشغل فى المنتدى انهردة
القناص :- والنبى نقطنى بسكاتك انا مش طايق دبان وشى خلينا نشوف الرسايل و المواضيع نبداْ
العضو عامل موضوع..( ارجو الدخول من المشرفين و الادمن وصاحب المنتدى والمراقبين وصاحب شركة link we data )
القناص :- خير الله مأجعلة خير
العضو:- انا عندى مشكلة فى البوت مش بأخد experiance كتير فى ال Mobs هنا البوت بتاعكم وحش ولا اية وانا لفل 74 ياريت تقولى اضرب فى mobs لفل كام
و أرجو التثبيت بليز لو بتعز أهلك ثبتهولى ينوبك ثواب
TheKiller20:- شفت يا عم الشلل الانا فيه من الصبح
القناص :- لاالله الا الله صبرنى يا رب صبرنى سبهولى انا هرد علية عليا النعمة لهشلو
القناص :- حضرتك اية دخل الموضوع دة بموضوع experience دة قسم البوت شرح و تحميل البوت وبس وكلو لعيونك اما موضوع تضرب mobs لفل كام ممكن تسأل فى مناقشات عامة حول سيلكرود
العضو:- وأنت اية دخلك اصلاّ بالموضوع دة
القناص :- يا حبيبى مانا مشرف قسم البوت أزاى اية دخلى
العضو:- انت بتلعب بوت يا مان؟
القناص:- (فى بالو يا رب صبرنى) اة بلعب بوت أمال بلعب بأيدى
العضو:- ممكن تثبتلى الموضوع اصل انا نفسى اعمل موضوع و يتثبت
القناص :- بس دة مش موضوع دة مشكلة
العضو:- يا سبحان الله شوف الظلم أشمعنة بتثبتو مواضيعكم وأحنا لا دة حرام
القناص :- انت يا عم فية اية بقى متصطبح
العضو:- خلاص خلاص انت مالك عصبى كدة لية ممكن تعملى اسكريبت وتبعاتهولى على الياهو؟ انا هديك رقم موبيلى لما تخلص السكريبت كلمنى بس لو قفلت عليك يبقى انا مش فاضى
القناص :- لا والله طاب دة أخر موضوع ليك هنا ومتشاركش تانى لأنى أتخنقت اوفف
يغلق الموضوع و يحول العضو لفضيلة المفتى
عضو عامل موضوع ( حرام عليكم مشرفين ظلمة وحوش انتو حرام تبقو بنأدمين)
TheKiller20:- ها ترد انت ولا ارد انا
القناص :- لا خش شوف انت الموضوع دة انت أهدى منى انا عصبى شوية
العضو:- انا أمبارح مت ورجعت و قفت فى المدينة وراحت علية الليلة
TheKiller20:- يعنى انت عامل كل دة علشان كدة
العضو:- اة وانت مالك
TheKiller20:- وانا مالى ازاى انا مشرف القسم دة
العضو:- تشرفنا اية يعنى مشرف انا ممكن ابقى مشرف اية المشكلة انا عايز اتكلم مع الادارة
TheKiller20:- ( يا رب خدنى و ريحنى) هتكلم الادارد تقلهم اية بس اسكت ساكت
يغلق الموضوع ويتعدم العضو دة
القناص:-
(((قوانين قسم البوت الجديدة يا عضو منك لية انت و انت )))
1- تنزل البرنامج من سكات
2-أشتغل أو مشتغلش مش مشكلتنا كفايه ان عبرناكم أصلاّ
3-مفيش عضو يقولى لينك الاسكان فين مش فاضى انا والله اعملكم سكان
4- مفيش ردور فى اى موضوع
5-مفيش كتابة مواضيع اصلا علشان تكتبو ردود
6- الهيفكر يقدم شكوة فينا هلسوعة فاهمين علشان اتخنقت
7- غير مسموح بكتابة ألفاظ غير لائقة أحنا بس النشتم هنا
8- عايز اية تانى مخلصت القوانين امشى ياد من هنا لا أموتك
مع أحترامى لكل شخصيات الحلقة دية الزعلان يقول و انا همسح الحلقة
الحلقه الخامسة
-----------------
kides:- انهردة باين علية يوم جميل و مفهوش مشاكل لما أخش اشوف الدنيا
kato:- حاجة تقرف على الصبح ألاقيها منين ولا منين انا هريح اعصابى و أدخل المنتدى شوية اوووووف
kides:- اهلا kato عامل اية
kato:- تمام الحمدلله انهردة شكلو يوم رايق فى المنتدى انا مبسوط بجد:D
kides:-اة وانا كمان يالا نخش نشوف أي أخر الاخبار
الموضوع الاول
المنتدى دة مفهوش مراقبين ولا مشرفين ناس نايمة على ودانها اصلاّ (ارجو التثبيت والنبى)
محتوى الموضوع
انا امبارح عملت موضوع نكت و محدش ضحك ليييية؟ مش فاهم وبعد كدة انا كنت ناقلو من موقع و كان متثبت فى الموقع دة يبقى المفروض يتثبت بعد كدة واحد داخل يقولى الموضوع منقول و هو عرف منين انو منقول انا مش بنقل مواضيع انا كنت قاعد فاضى و ألفت النكت( ألف 450 نكتة) بجد انا اتخنقت
kato:- انت ياد ماتهدى علينا هو انت تقول اية اليتثبت و اية الميتثبتش؟
العضو :- بس ياد انت حتت مراقب انا لما حد يتناقش معاية ميكنشى اقل من مشرف
عضو تانى:- عندك حق والله يا مان كل واحد داخل يتكلم فى المبهوش فية
ahmad shafiq: معلش معلش فهمنى الحصل بالراحة
العضو:- بص يا مان يرضيك كزا كزا كزا.......
ahmad shafiq: خلاص انا هتصرف
العضو : يحى العدل
kato:- ((هتشل يا رب انت عالم بحالى)) انا رتبتى اعلى من المشرف اصلا
العضو : بجد؟
kato:- ايوة طبعا
العضو: حبيب قلبى يا مان والله واحشنى فينك من زمان مش بشوفلك مواضيع( مين د اصلا انا اول مرد اشوفلو رد) بس رردودك كلها مقنعة فى كل المواضيع و المناقشات
kato:- ربنا يخليك( بس يخليك على اية انت ياخدك أريح)
ahmad shafiq:- خلاص انا هتصرف يا مان مضايقش نفسك ( انت باين عليك زبون المشرف أعلى من المراقب ياريت)
العضو:- انت مين اصلا علشان تكلمنى هتعمل اي يعنى منا عرفتك على حقيقتك
ahmad shafi:- (اخ الواد دة لازم يتشرح)
وبعد جلسة تداولات (المشرف و المراقب و المراقب العام)
تقرر الاتى
طبقاّ لقوانين kato
1- الواد دة تتحزفلو عضويتوة
2- حظر ip علشان منشوفش خلقيتو
3- حزف الموضوع(علشان ميكبرش ونروح فى الرجلين)
4- وذلك بتطبيق القانون العام للمنتدى و هو القانون البيمشى فى البلد
عمااااااااااااااااار يا مصر
الموضوع عجبكم و نكمل ولا تبقى أخر حلقة؟