[Salamah]

المشاركة الأصلية كتبت بواسطة GM]RedKiller] عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

سلاموزه عبيب هاغتى

تعلالى بقى يا حبى

السؤال الاول:

اسمك خماسى ؟ تاريخ ميلادك ؟ محل ميلادك ؟ فقط عشان الاعضاء اللى ميعروفش اسمك الحقيقى يعرفوا
اكتر بلد عشت فيها ؟ تكتر بلد حبيت انك تفضل فيها بقيت حياتك ؟
اكتر بلد حبيت امكن فيها و ايه هيا الاماكن ؟
اكتر بلد حصلتلك فيها مواقف محرجه ؟ واكتر بلد حصلتلك فيها مواقف جميله ؟ مع ذكر المواقف؟
اكتر بلد جمعت فيها اصدقاء مش هتنساهم تانى ؟
اكتر بلد عرفت فيها اصدقاء ندمت انك عرفتهم؟

السؤال الثانى :

مين اعز اصدقائك ؟
مين اكتر اصدقاء كرهت انك عرفتهم؟
مين اقرب شخص ليك ؟
مين معاه فاتيح اسرارك (بمعنى اصح اسرارك كلها )؟
مين اكتر واحد بترتاح فى الكلام معاه و بيسمعلك ؟
مين الاصدقاء اللى عرفتهم على مر حياتك و بتحبهم جدا ؟

السؤال الثالث :

أكتر موقف محرج حصلك ؟
اكتر موقف مضحك حصلك؟
اكتر موقف جميل حصلك ؟
اكتر لحظة حزن فى حياتك ؟
افضل لحظة فرح فى حياتك ؟

السؤال الرابع :

رتب الكلمات الاتيه حسب اولويتهم فى حياتك :
(المستقبل - الزواج - الاصدقاء - الاهل - العمل - الاقارب )

فسر كل كلمة حسب وجهة نظرك فيها و رأيك فيها :
الحب :
الاحساس :
المشاعر:
الخيانه :
الصداقه :
المال:
؟؟؟؟؟
هوايتك الحالية
بتفكر تتجوز امتا
مين اغلى واحد فى حياتك؟
مين اهم واحد فى حياتك؟
مين اللى ممكن تضحى بيه؟
مين اللى ممكن تضحى بحياتك علشانه؟
مين اللى بتثق فيه ثقه عمياء؟
مين اللى عمرك ما تصدق كلامه؟
مين اللى تحب تشوفه اول ما تصحى من النوم علشان يكون يومك حلو؟
مين اللى نفسك مش تشوف وشه تانى خاااااااااااالص؟
مين اللى لما بتكون متضايق بتحب تتكلم معاه؟
مين اللى نفسك تكون معاه علطول بس مش عارفه؟
مين اللى ممكن تبعتله بطاقة حب؟
ايه الحلم اللى نفسك تحققه؟
ماهي اصعب حاجة لديك في الحياة ؟
متى تسطر اعجابك بالبنات ؟
يقولون بأن لكل انسان فرصة في حياته فأما ان يستغلها واما لا ؟هل حصلت علي فرصتك ؟
الانوثة تلك الصفة التي بدأت تنقرض عند النساء لتشبههم بالرجال برأيك ماهي الانوثة ؟ ولماذا بدأت تختفي ؟


السؤال الخامس:


لونك المفضل؟
وجبتك المفضلة؟
كلمتك المكررة؟
جملة شهيرة ترددها؟
المادة الدراسية التي عانيت منها!؟
عطرك الذي تستخدم؟
لون شعرك حين تغضب؟
طول فتيل صبرك؟
المستحيل؟
الحلم في حياتك؟
هدفك الذي تراه سيتحقق؟
رياضتك المفضلة؟
اسوء عاداتك؟
أفضلها؟
نفسك تتجوز و انت عندك كام سنه؟
اكلتك المفضله؟
كتابك المفضل؟
يومك المفضل (من ايام الاسبوع )؟
فصلك المفضل (فصول السنه )؟
موقف شجاع عملته وحسيت بالفخر انك عملت كده ؟؟
رساله والمضمون ثلاث كلمات لمن ترسلها وماهي الثلاث كلمات؟
بيت شعر قريب منك كثير ؟
الى من تذهب عندما تحس بالوحدة ؟

نفرح كثيراً ونحزن كثيراً ..
أمور كثيره نفخر بإنجازنا لها وبوجودها في حياتنا ..
وأمور تكون كالنقطة السوداء في تاريخ حياتنا ..
ماهو الأمر الذي تفخر به ؟ وماهي النقطة السوداء في حياتك ؟
هل أنت صارم ومحدد في قراراتك ومواقفك ؟ ومتى تتردد ؟
ماهو الشعور الذي يلازمك باستمرار ولا تستطيع التخلص منه ؟
اسوأ خبر سمعته...؟؟
مـــــن يطـــــربك ...؟؟
جريمه تتمنى ارتكابها...؟؟
قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
ما هي التجربة التي تتمنى تكرارها؟
ماهو أكثر شيء تخشاه؟
كلمة أخيرة بعد أن أصابك الملل؟
مواصفات فتاة احلامك؟
مكانك المفضل؟
ماهي الشخصيه التي تحبها؟
ماهو الفيلم الذي تحبه؟
لو كنت تستطيع التحول الى شخصيه من الشخصيات فمن الشخصيه التي تريد ان تكون؟
. هل اكتشفت موهبتك؟ ماهي؟
هل تستطيع خلال دقيقة أن تذكر عشر أشخاص تتمنى رؤيتهم ؟

هل تشعر أن بعض أصدقائك يتجنبون الحديث معك، ويتهربون من أي نقاش تكون موجودا به ؟ومن لايفعل ذلك معك؟
اختار حد يعيش و الباقى يموت
(امك-ابوك-اصحابك-اخواتك)

لو قولتلك انا ممكن احققلك 3 امنيات حتختار ايه؟
مين اعز 5 اصحاب ليك فى المنتدى؟؟
مين اعز 5 اصحاب ليك فى الحياة؟؟
مين اعز 5 اصحاب ليك فى اللعبة؟؟
مين اعز 5 اصحاب ليك فى العمل/ المدرسة؟؟
ما هى نقطة ضعفك ؟
متى أخر مره بكيت حزناً ومتى فرحاً ؟
يوم تنتظره بفارغ الصبر..ولماذا؟
تحدث لنا عن طفولتك باختصار في اقل من عشرين صفحة:D

حبيب هارتى
لازم تجاوب على كل الاسئله بكل صراحه و بجاحه :D
و اوعى تفوت سؤال يا سلامه
حتى ال 4 أسئله المكرره بس انا مغير صيغتها ابقى اعرفها :p:D
انا مستنى اجابتك

جـ1/
فقرة أ: :p
الاسم الخماسي: محمد إسماعيل جلال سلامة الشامي , بس الناس اتعودت انها تناديني سلامة حتى اهلي بنادوني سلامة على قولتهم انا اكتر واحد اشبه جدي سلامة و الاسم ده انطبق عليا اكتر من محمد منذ نعومة الاظافر.

تاريخ الميلاد: 16/7/1987م

مكان الميلاد: United Kingdom - London

اكتر بلد عشت فيها بريطانيا لغاية ما بقى عمري تقريبا 14 سنة بعد ما حصلت ظروف عمل لوالدي و انتقل لشغل في السعودية و انتقلنا معاه و عشت فترة بسيطة جدا في السعودية بعدها انتقلت لمصر علشان الدراسة الجامعية و استقريت هنا و مرتاح جدا هنا و بصراحة احلى ايام قضيتها كانت في مصر بس تقريبا ما شفتهاش كلها لسه يعني زرت بعض المناطق السياحية اول سنين و البلد اللي فعلا كرهتها و مش عايز افتكرها كنت السعودية بسبب التشدد و العصبية اللي فيها ناحية الغير و خصوصا الاجانب نوعا ما , بس اكتر بلد جمعت اصحاب فيها كانت بريطانيا تقريبا كل الحي كان مصاحبني و يعرفني من الشباب و ما إلى ذلك.

جـ2/ و الله تقريبا لا يوجد صديق يمكن مناداته باعز الاصدقاء فالكل تقريبا زي بعض بالنسبة ليا في المعزة و انا من النوع اللي يملك عدد قليل من الاصدقاء و اكتفي بذلك.

و لا يوجد صديق فعلا حصل و كرهته ممكن اكون زعلت منه او ما بكلموش شهور و سنين بس ما حصلش اني كرهت حد قبل كده.

اقرب انسان ليا هممم.. انا جاوبت على السؤال ده و قلت انه شخص عزيز جدا ليا و انتا تقريبا عارفه يا عواد و هو من الجنس الاخر لتكون الصورة اوضح و اكتر انسان برتاح و انا بتكلم معاها في كل حاجة و هي تقريبا اللي معاها جميع اسراري و الجوهر من الحدث ده الثقة العمياء اللي بثقها فيها.

الاصدقاء اللي عرفته كتير جدا بس يعني مش حاقدر افتكرهم فعلا لانه في ناس منهم اختفت لظروف كالزواج او الوفاة او ظروف عمل في الخارج.

جـ3/ اكتر موقف محرج انا جاوبت عليه قبل كده
اكتر موقف مضحك همم.. مش فاكر بالزبط بس في مواقف كتير جدا حصلتلي.
اكتر موقف جميل.. اليوم اللي بقابل فيه امي و ابوس ايديها و دماغها و احضنها بكل شوق لما تنزل كل سنة او سنتين علشان تقعد معايا اسبوع او اكتر بقليل.
اشد لحظة حزن حصلتلي فعلا لما عرفت انه ستي من امي اتوفت فعلا يوميها انهارت و جاتلي حالة شبه غيبوبة و انتقلت على المشفى من التأثر بسبب انها كنت اعز انسانة ليا في الطفولة.
لحظة فرح لما عرفت الانسانة الحقيقة و المثالية ليا و لقيتها بتفهمني و برتاح في الكلام معاها :).

جـ4/ المستقبل - الاهل - الاصدقاء - العمل - الزواج - الاقارب

الحب: شئ جميل جدا و رقيق و نقي في نفس الوقت مر و اكتر شئ مؤلم في اوقات كتيرة
الاحساس: همم شئ نابع عن موقف رقيق و نقي تقريبا.
المشاعر: تقريبا نفس الاحساس.
الخيانة: طلقة شبه قاتلة و صدمة قلبية قد ينجوا من الاقلية.
الصداقة: كي تستمر الحياة بشكل رائع و مثالي.
المال: ليس السعادة و الراحة على الاطلاق.

هوايتي الحالية هي الرسم و التصميم الفوتوجرافي و التصوير بالكاميرا الرقمية.
اعذرني لا يوجد وقت محدد لموعد زواجي بعد :).
اغلى و اهم واحد ليا هي :).
لا يوجد احد اضحي بيه و بالذمة ده سؤال ؟ :p
اثق ثقة عمياء بها.
اللي ما بصدقش كلامه هو كثير الحلف و القسم
اتمنى اني اصحى من النوم و اشوف والدتي قدامي بتصحيني.
لا يوجد احد لا اتمنى ان اشاهد وجهه لول سؤال غبي.
هي اكتر واحد احب اني اتكلم معاه و انا متضايق.
مش عارفه ازاي بقى ؟ سؤال غبي تاني -_-".
هي اللي ممكن ابعت لها اكتر من مجرد بطاقة حب بسيطة.
حلمي اني ارتبط بالانسانة العزيزة عليا و اكون عيلتي معاها :).
اصعب حاجة ليا هي الوقت اللي بضيع و بتمنى انه يرجع علشان استفيد منه.
تسطر اعجابي بالبنات؟ وضح سؤالك انا مش فاهم يعني ايه تسطر.
حصلت على فرصة عمل مغرية بجانب الدراسة و ساعدتني كثيرا و ده تقريبا بعتبرها احسن فرصة حصلت عليها.
همم رايي عن الانوثة.. برأيي ان الانوثة موجودة في كل فتاة مهما فعلت بمظهرها او تشببها في اللبس بالرجل و انا عن نفسي انظر الى جوهر الفتاة و ليس مظهرها لان مظهرها اخر ما يمكن ان افكر به.

جـ5/ لوني المفضل الاحمر و الوردي.
لا توجد وجبة مفضلة لي فالطعام وجد للبقاء حيا على اي حال فبالنسبة لي لا يوجد مقارنة بين اي نوع من انواع الطعام المختلفة.
كلمتي المكررة هي تقريبا سبحان الله.
جملة شهيرة افضلها هي عش كل لحظة من حياتك كانها اخر لحظات تقضيها حيا.
المادة الدراسية التي عانيت منها هي الاحياء او Biology.
عطري المفضل هو عطر فرنسي يسمى Paris.
لون شعري وقت الغضب ؟ لووول على اساس اني بفتح زرك مثلا ؟ :p
صبري لا يوجد له حدود على الاطلاق.
يعني ايه مستحيل ؟ لا يوجد شئ في الحياة يمكن القول عليه مستحيل
حلمي تكوين عائلتي الخاصة.
هدفي الذي اراه يتحقق هو تخرجي من الدراسة الجامعية و بدأ الحياة الجدية.
رياضتي المفضلة هي الكونغ فو رياضة لياقة بدنية عالية و دفاع عن النفس.
اسوأ عاداتي التدخين و احاول الاقلاع عنها.
افضل عاداتي هي الطبخ وحدي.
لا يوجد عمر معين اتمنى ان اتزوج فيه فالعمر ليست مشكلة بالنسبة لي.
كتابي المفضل همم.. اسم الكتاب Kama Sutra.
افضل يوم لي هو الخميس.

و الباقي حاجاوب عليه بعدين علشان لازم اذاكر للمتحان المقبل.