ايه يا شباب هو كل واحد يفضل يقول انزل شوية و في الآخر بعته ؟؟؟
حد يقول موقف حصله بلاش التهييس ده
هو الـ Weed الي بيعمل كده ... ميت مرة اقولكم بطلوه و انتو مفيش إستجابة خالص
المهم
انا و اصحابي عملنا مقلب في واحد صاحبنا
واحد فينا كان جايب شريحة موبايل جديدة و صاحبنا ده ميعرفش النمرة الجديدة
المهم اتصلنا بيه :-
(بصوت حريمي )
احنا- ايوة يا احمد نت فين ؟
هو- انتي مين ؟
احنا- انا شيرين يا احمد في ايه ؟
(التاني حب يثبتها )
هو-ايوة يا شيرين انا في البيت
احنا- طيب انا عايزاك ضروري
هو- ازاي يعني
احنا- إحنا لازم نشوف بعض
هو- يا بت انتي عبيطة .. إيه الكلام ده
احنا- ( عملنا صوت واحده بتبكي و قفلنا السكة )
و هو لسة مكتشف قريب انه كان إحنا :D
__________________________________
مقلب تاني
إتصلت بواحد صاحبي مش معاه نمرتي
( اتكلمت و انا متخن صوتي )
انا- ايوة سلامو عليكم
هو- و عليكم السلام
انا- ايوة لو سمحت ياسر موجود
هو- لا النمرة غلط
انا- طيب شكراً
( إتصلت تاني )
انا- ايوة سلامو عليكم
هو- و عليكم السلام
انا- ممكن اكلم ياسر ؟
هو- قلت النمرة غلط
انا- آسف جداً
( إتصلت كمان مرة بس من نمرة واحد صاحبي تاني و غيرت صوتش وية )
انا - ايوة سلامو عليكم
هو - و عليكم السلام
انا - انا ياسر حد سأل علي
هو - نعم يا روح امك ؟؟؟؟ هتستظرف على الصبح ؟؟؟
فضلت اضحك و قلتله اني انا :D ...... بس كان صوته يموت من الضحك و هو متنرفز