[ايمن الكاشف]

مممم يا ريت الى يدخل يقراء الموضوع كويس
ويفهم قصدى
روحت عند مصلحة حكومية اخلص بعض الاوراق واول لما وصلت للموظف حضرت طبعا عشرين جنية لزوم الدخان وحطيتها فى وسط الورق واول لما الموظف اخذ الورق بصلى قوى وقالى انت بقالك كتير برة البلد قلت لة لية قالى يا ابنى الورق دة قديم وبعدين اية الشعار الى على الورق دة قلت اية شعار الجمهورية قال جمهورية اية قلت جمهورية ............... العربية قالى انت مسمعتش الى حصل ولا اية
قلت لا قالى ورينى البطاقة لو سمحت اديتة البطاقة قالى يا ابنى الحق روح غير البطاقة بسرعة وخد العشرين جنية بتاعتك معاك احنا دلوقتى فى الدولة الاسلامية المتحدة ومفيش حاجة اسمها رشوة ولا محسوبية وامير المؤمنين بيجهز لغزو امريكا واسرائيل .
بصراحة كلامة قعد يرن فى ودانى لغاية ما صحيت من النوم ايوة صحيت من النوم لية انت فاكرها حقيقة ولا اية دى حلم احلى حلم .
مش منقول ولا مكرر