انا بلا فخر المدرسة دي مدخلتهاش غير 5ايام من اول السنة ولسا فاكيرهم والمدرسة دي اول سنه ليا فيها بس اصحابي كنت عارفهم قبل ما اروحها انا روحتها علي السنة دي ودي اول واخر سنة ليا فيها لاني في 3اعدادي
اول يوم عشان ادفع رشوة للمدير عشان يقبل ورقي ابن الذينه عيني كانت علي الفلوس وهو بياخدها
تاني يوم كان اول يوم في المدرسة عشان اخد الكتب واروح
ثالث يوم لما روحت اودي صور الاستمارات
رابع يوم لما نسيت اروح املا الاستمارة وروحت اشوف الموضوع الحمد لله طلع المدرسين ملوها وبعتوها
خامس يوم كان اول يوم في الترم الثاني واستلمت الكتب وروحت برضوا
ياه هتوحشني اوي 3اعدادي لما اسيبها
احلي موقف في 2اعدادي كنت نايم متاخر وصاحي بدري ورايح المدرسة واول حصة عربي دخل الاستاذ
بدا يشرح من هنا وانا نمت علي الكتاب من هنا شوية لقيت ناس كتير بتصحيني اصحي يا ابني اصحي اتاري الاستاذ شافني وانا نايم قالي انزل اعسل وشك. طبعا الموقف مفيهوش حاجة لو انت في مدرسة صبيان بس انما المدرسة دي كانت خاصة فكان في بنات معانا في الفصل
برضوا في امتحانات الترم الاول في امتحان الخط كنت عاوز انام قمت نايم علي الورقة مصحتش غير والمراقب بيقولي هات ورقتك عشان الوقت كان خلص بس كنت انا جاوبت