الشئ الملاحظه و بالذات فيكم يا مصريين سيرفر باسيفيك
ما حدش بيكلمني الا بيسألني عن حاجتين لا ثالث لهما
1- Power Level
2- Begging for Golds
انا حأقولها اهو و بكل صراحة و اللي عايز يكرهني يكرهني مش فارقة بس انا لا بلفل حد
عن طريق الالحاح و لا بوزع جولد على الفقراء
انا زيي زيكم ابتديت زيرو
لا جولد و لا اي حاجة و لفل 1
و لا حد لفلني و لا حد اتبرعلي و لا حد مد يد العون و لا حتى طلبت من حد او تقلت عليه و لحيت عليه
عملت ده كله لوحدي و بتعبي و مجهودي و من ناحية الصحوبية
كل اللي بصاحبني بصاحبني علشان نبقى اخوات و حبايب نساعد بعض وقت الحاجة مثلا في كويست او تريدات
بس عمري ما عملتها اني طلبت بور لفل او شحت من حد غولد
و الله ممكن تحصل مني مرة كده انا اللي اقولك تعالى اساعدك و اعملك بور لفل ببلاش بس لما تكون رجولة و جدعنة معايا مش واخدني مصلحة و اللي يقولي وصلت لفل 53 و جالي شلل
لو جد قصة الشلل ده اقفل اللعبة و روح اعمل اي حاجة تانية ان شاء الله تبيع ترمس
بكرر و اقول اي حد يدخل فيا من اولها بور لفل و لا غولد حاعمله بلوك
و بعد كده قولوا عني اللي تقولوه مغرور متكبر شايف نفسي رزل ما بعبرش حد الخ الخ
لسوء الحظ الاصحاب قلوا اوي في الزمن ده و الحمد لله عرفت اختار الاصحاب الحق و حقيق , الرجولة و الجدعنة عن حق و اللي تستاهل مني بوسة على الراس بس الاغلبية شئ مروع
اللي عاجبه عاجبه و اللي مش عاجبه يشرب من البحر انا كده و شخصيتي كده مش لين و لا خشن بس ما بحبش اللي يستغلني لمصلحته و خلاص
و سلام على كده
