[DiaBlo]

يااااااااااااه انت رجعتني سنتين ورا

واحد صاحبي قالي علي المنتدي و قالي لو عايز تبيع اكونتك بيعوا و قررت افتحوا و اسبوعين بالظبط قولت لازم اشارك فيه و بقيت بحط النو ديسي كل اسبوع و الحمد لله الناس كلها بقت بتثق فيا و بتحمل بدون حتي ما يعملوا اسكان علي النو ديسي و بقوا يحملوا من عندي و مبيرضوش يحملوا من جراي فوكس اللي هو عامل النو ديسي اصلا و مرت الايام و بقيت مشهور بموضوعي من غير وجع دماغ حمل النوديسي من a-r

طبعا مكانش اسمي ايامها ديابلو كنت لسة ايه ار و مكانش ليا اي وجود ف قسم بعيدا و فجأة حصلت اكبر خناقة ف تاريخ المنتدي و كنت انا و باور و كورابيكا و مسجا و ناس تانيا و الله ما فاكر اسامي بس كنا كتيراوي و اطردنا كلنا من المنتدي و كان ايامها ماندو مراقب عام و بعتله رسالة قلتله انا من هنا و رايح حقولك يا ادمن علشان انت فعلا ادمن يا عمرو بشخصيتك و ادبك و اخلاقك و بعد ما رجعنا سبحان الله عمرو فعلا بقي ادمن و ابتديت انظر للمنتدي نظرة تانية اني لازم اشارك و اعمل مواضيع ايجابية محطش النو ديسي علشان بوينتس الرابيد شير و خلاص

عملت مواضيع و ابتديت اشتهر ف قسم بعيدا و مواضيعي عجبت ناس كتير الحمد لله و لما اتفتح باب الترشيح للأشراف رشحت نفسي لقسم مناقشات و لأول مرة ف حياتي اكون مشرف و كانت احلي دورة اشراف حصلت ف تاريخ المنتدي كان مشرف قسم بعيدا ادم و جوكا و امجد و مندور و كنا كل يوم نعمل مواضيع خطيرة و و نشارك و نتناقش و نعمل شات ف موضوع ارابيان و بليل نتجمع كلنا ف روم علي ال ام اس ان و نعمل شات لحد الساعة 5 الصبح

و جه عمرو قبل ما يسافر عمل الدورة الرمضانية و كنا كلنا متحمسين بس للأسف باظت و كلنا فقدنا الامل و كان ايامها ولف مسافر و قلت لازم نفرحه و حتتعمل و اتعملت المسابقة تاني و الحمد لله نجحت

و بعدين سافر عمرو و المنتدي حالته بقت كرب و كلنا كنا بنترحم علي ايامه لما تحصل مشكلة في المنتدي و نقول لو كان هو هنا كانت اتحلت ف نص ساعة و جه عمرو و المنتدي نور تاني و مازلنا و الحمد لله في تقدم مستمر و من انجاز لأنجاز