[امير الشجون]

بص يا wadcool .. اولا انا عارف الفرق بين الكريدت كارد والفيزا والباى بال .. هو اللى مش قادر يعرف الفرق بين الكريدت كارد والفيزا بيقاوح وهو كل اللى يعرفه عن الفيزا هو الفيزا المضروبه لكن الفيزا السليمه عمره ما اتعامل بيها ومتصور انها زيها زى اى كريدت كارد عادى ومش مشكلتى انا ان هو مش قادر يفهم الفرق ده .. يقدر ينزل اقرب بنك ويسال وهو يعرف الفرق بين الاتنين

اسلوبى فى الكلام مش كويس لانه اولا بدا بالاستفزاز ثانيا بقلة الاحترام لما قال البيئة اللى انت منها .. وانا ان كنت كلمته باسلوب مش كويس لكن اتكلمت من غير قلة ادب وقلت حقايق .. هو قال انا بستخدم فيزا مضروبه واللى بيضرب فيزا ويستخدمها حرامى ومحدش يقدر يقول عكس كده .. وانت بتقول ان انا مش عارف حاجه فانا عارف انا بتكلم عن ايه كويس وهو اللى مش عارف يعنى ايه فيزا وبيخلط بينها وبين اى كريدت كارد .. وديفل ماكدش كلامه لحد دلوقتى والصور اللى جابها ملهاش اى علاقه بالموضوع اطلاقا لان الميل بلص عباره عن خدمه بفلوس ممكن تشتريها عن طريق الفيزا او الكريدت كار او الباى بال والخدمه دى بتوفر بعض المزايا على سبيل الحصر وانا جبت المزايا دى كلها وحتطها ومفيش ولا ميزه منهم ليها علاقه لا من قريب ولا من بعيد بربط الميل بالفيزا واسترجاعه عن طريق بيانتها وبالتالى الصورة اللى هو جيبها دى ملهاش اى قيمه .. دى مجرد خدمه بتشتريها بفلوس وخلاص .. هو بقى عايز يقنعنى ان الخدمه دى بتوفر ميزة ربط الميل بالفيزا فالكلام ده مش مكتوب ضمن المزايا اللى بتوفرها الخدمه ولو هو عايز يثبت انها موجوده من ضمن المزايا حتى لو كانت مش مكتوبه ضمنهم خلاص يجيب الصور اللى تثبت ده ميتكلمش كده وخلاص ويقول انه اثبتلى بالصور .. الصور اللى هو جايبها دى ملهاش اى علاقه باللى بيقولوا .. وبالنسبه انه يدينى ايميل فاكيد واحد زيه بيضرب فيز لازم يكون هكر ولو ادانى ايميل ممكن يرجعه باى طريقه تانيه من الطرق اللى يعرفها الهكر ومش شرط تكون طريقة ربط الميل بالفيزا اللى هو بيقول انها موجوده .. لو موجوده يثبت بالصور لان الصور اللى جابها دى ملهاش لزمه ..

وبالنسبه لكلامك عن ردودى فردودى بالشكل ده لسبب انى محبش المقاوحه .. اقوله الفيزا غير الكريدت كارد ومش اى حد يطلع فيزا يصمم ويقول ان اى حد ممكن يطلعها وهو كل علاقته بالفيزا الفيز المضروبه اللى هو بيعملها وميعرفش اكتر من كده وجى يفتى لكن انا مبتكلمش فى اللى مبفهمش فيه وعشان كده مردتش عليه فى نقطة كليك اند باى اللى هو قالها لانى معرفش عنها حاجه .. وانا مش مستنيك عشان تقولى انى مش عارف قدر نفسى .. لا انا عارف قدر نفسى وعارف انا بتكلم فى ايه ويمكن انت كمان متعرفش الفرق بين الفيزا وبين اى كريدت كارد
وبالنسبه لكلامك يا m.jooo فانا فعلا مبعرفش ارد لما حد يستفزنى لانى عصبى لكن مش معنى كده ان كلامى غلط .. انا كلامى صح سواء الكلام اللى قلته عن الفيزا او عن اللى بيستخدم الفيزا المضروبه .. اكيد اللى بيعمل فيزا مضروبه ويستخدمها حرامى ومحدش يقدر يقول غير كده واللى على راسه بطحه

وانا مستنى الصور اللى تاكد انه ينفع استرجاع الميل عن طريق بيانات الفيزا