18-02-2009, 09:12 PM
|
#1
|
|
|
• الانـتـسـاب » Mar 2008
|
|
• رقـم العـضـويـة » 15581
|
|
• المشـــاركـات » 783
|
|
• الـدولـة » In AngeLs Land
|
|
• الـهـوايـة »
|
|
• اسـم الـسـيـرفـر »
|
|
• الـجـنـس »
|
|
• نقـاط التقييم » 10
|
|
|
|
عوده قوية للضحك (* angel2022 *) شرح أكثر الامثال غرابة ( anti virus )
بسم الله الرحمن الرحيم
ياااااااااه بألى أد أيه مبعملش مواضيع كومديه
بس بأذن الله العوده هتكون قويه
قالو ايه بأة ؟!!
ده قالوا كتير أوي أوي .. الأمثال دي مدرسه لوحدها .. زمان كانوا بيقيموا الشخص بكمية الأمثال اللي حافظها ..
فلو فاكر أنك حافظ أمثال كتيره .. فكر تاني .. علشان فيه غابه من الأمثال !!
يللا !! أجري علي أودتك و طلع ورقه و قلم ..
-----------------------------------------------------------------------------------------
المثل :" أم بربور تجيب الشاب الغندور"
الشرح : حتي العفشه تجيب واد أوكشه!
-----------------------------------------------------------------------------------------
المثل : "اللي تطبخه العمشه لجوزها يتعشي"
الشرح : لو الجو بتاعك بتحط بارفان مؤرف شمه واستسلم
-----------------------------------------------------------------------------------------
المثل : "ما نابنا من غربتنا الا عوجة ضبتنا "
الشرح : غوحنا فغنسا و ما بقيناش نعغف ننطق حغف الغه !
-----------------------------------------------------------------------------------------
المثل : "عرايا جابوا بعشاهم ياسمين"
الشرح : لو عندك قرشين اتعشي ولاأستر نفسك بدل ما تجيب بيهم موبيل وتورط نفسك
-----------------------------------------------------------------------------------------
المثل : "صرصور وعشق خنفسه دار بها في البلد محتار"
الشرح : صرصور حب خنفسه وولع لها شنباته شمع ولسه مش مبسوطه
-----------------------------------------------------------------------------------------
المثل : "ما يكب الملوخيه الا الزبديه المعووجه"
الشرح : ما يبوظ اللوك غير المونوكير المقشر!
-----------------------------------------------------------------------------------------
المثل : " أربط الحمار جنب رفيقه ان ما تعلم من شهيقه يتعلم من نهيقه"
الشرح : لو عاوز تعرف ابنك و"تساسيه" اعرف مين صحابه..
-----------------------------------------------------------------------------------------
المثل : "أبوك البصل و أمك التوم منين ليك الريحه الطيبه يا مشؤوم"
الشرح : لما بصله تتجمع علي فص توم في الحلال أبنهم هيطلع ريحته مدمره مهما رش كلونيا
-----------------------------------------------------------------------------------------
المثل : "مطرح ما تكاكي بيضي"
الشرح : خشي اودتك وصرخي جوه مخدتك
-----------------------------------------------------------------------------------------
المثل : "حد يقول البغل في الأبريق؟"
الشرح : زي ما حد ممكن يقول "الفيل في التلاجه
-----------------------------------------------------------------------------------------
المثل : "كل انسان بربوره علي حنكه حلو"
الشرح : أنا أبقع قميصي بنفسي اهون من انك توقع المسقعه عليه!
-----------------------------------------------------------------------------------------
المثل : "اللي ياكل الفول يمشي عرض و طول و اللي ياكل كباب يقف ورا الباب"
الشرح : لو عندك صاحبه وحشه أخرج ودور بيها , و لو صاحبتك حلوه قعدها في البيت وأقفل عليها
-----------------------------------------------------------------------------------------
المثل : "طبل لي و أنا ازمرلك"
الشرح : ظبطني .. هاظبطك!
-----------------------------------------------------------------------------------------
المثل : "اللي عنده حنه يحني ديل حماره"
الشرح : نظام اللي عندهم فلوس كتير يولعوا سجارتهم بورقة ميت جنيه..
-----------------------------------------------------------------------------------------
متهيألى بعد الموضوع ده أنتو عايزين ترجعو فى وشى
هههههههههههههههههههههههههههههههه
يارب يكون الموضوع عجبكو
و عايز الردود الى انا متعود عليها
انا أعت أجمع الموضوع ده 5 ساعات
بالاضافه الى عصاره زهنى الى انا متعود أحطها فى كل موضوع
يالا بكماله الارف
ههههههههههههههههههههههههههههههههه
تحياتى : ( * angel2022 * ) زيــــــــاد و ســــيـــف ( أخويا )
|
|
|
|