بسم الله الرحمن الرحيم
يا جماعة بكرة ان شاء الله الفورترس ... و كله عارف ان احنا داخلين بجيلد دارك امباير و عايزين نكسبها
انا عايز بس اوضح شوية حاجات للناس عندي في الجيلد و الناس اللي تحب تساعدنا ... علشان نبقى اول جيلد مصري عربي نكسبها ان شاء الله
البانديت فورترس دي فيها اربع خطوات مهمة ... بتزيد مهمة الخطوات بالتوالي .. بمعنى
الخطوة الأولى :
ان احنا نفتح احد الابواب و هم اتنين و دي انا شايفها اسهل خطوة على عكس Jangan Fortress و الباب بيتفتح بسهولة في Bandit
المهم البوابة دي بيبقى ال HP بتاعها كبير جدا ... و بتبقى فرصتنا ان احنا نهاجم الناس اللي فوق البوابة مش كبيرة .. علشان كدة اهم حاجة ان كل اللي ماسك Hummer في الجيلد ما يموتش علشان نفتح الباب بسرعة
و ده طبعا عن طريق ال Heal و ال Buffs ...
انا عارف اني ما ضفتش جديد لغاية دلوقتي بس اهدوا عليا شوية علشان اللي مش عارف يعرف :D
الخطوة التانية :
ان احنا نكسر البرجين علشان نقدر نوصل للـ Fortress Heart ... هنا لازم يبقى في 3 فرق ... و لازم الـ 3 فرق يبقوا جنب بعض
فريق هيكسر في البرج .. و فريق يعملهم Heal و يدوهم Buffs ... و التالت يحاول يحميهم عن طريق انه يقتل اليونيون اللي بيدافع
لو حصل و كسرنا البرجين ان شاء الله ... هيدونا وقت بعدين يسمحوا ان احنا نهاجم الـ Fortress Heart و هي دي :
الخطوة التالتة:
الخطوة دي اهم خطوة يا جماعة ... علشان اعلى Dammage على الHeart هم اللي بيكسبوا الفورترس ...
هشرح برّاحة ازاي نبقى احنا اعلى Dammage
أول حاجة الجيلد بيبقى فيه 15 واحد من حقهم يمسكوا Hummers
1 Commander
4 Deputy Commander
10 Engineers
اهم حاجة ان الـ 15 واحد يكونوا بيهاجموا ساعة ال Heart ... و لازم الناس التانية من الجيلد تحميهم ... و لو الـ 15 واحد دول هجموا من الأول للآخر يبقى مبروك عليك الفورترس
علشان نكسب احنا ... محتاجيب 15 واحد ماسك Hummer و و محتاجين ناس تحميهم و محتاجينهم يكونوا جنب بعض
احنا عندنا اكتر من 15 واحد يقدر يمسك Hummer و عندنا اللي يحميهم ... بس للأسف مش بنلعب جنب بعض
كل واحد بيلعب بمزاجه .. و ده السبب اللي ما هيخلينا نكسب ...
بس لو عالجنااه و كل واحد سمع كلام ال Commader او Guild Master و كلنا لعبنا جنب بعض و مش كل واحد يبقى في بارتي لوحده هنقدر نكسب الفورترس
و في الاول و الاخر دي لينا كلنا ... و انا عارف انكم كلكم نفسكم زيي ان جيلد مصري يكسب الفورترس بانديت وتكون اول يونيون تجمع 2 فورتريس في زيوس وصعب تتحقق مرتين
اتمنى ان شاء الله ان كلنا بكرة نلعب كرجل واحد ...
آسف جدا اني طولت عليكم ..
اعداد حازم زووم تقديم على :D