[Ahmed shafiq]

علي هامش الموضوع وبمناسبة موضوع الكلاب
كنت مره راجع أنا وإبن عمتي من بره وكنا سهرانين مع بعض في قهوه في وسط البلد
المهم كنا بنحب نرجع مشي من التحرير للطالبيه بالهرم
ودي تقريبا مسافه حوالي 15 كيلو متر
وكنا الساعه 3 صباحا
وإمتي كان من حوالي 20 سنه كده
كانت مصر لسه فيها زحاليق لما الدنيا تمطر وطينه في الارض وكانت مش عمار زي دلوقتي ممكن تمشي لغايه الصبح مافيش فرق
المهم كنا ماشيين وعدينا علي مكان مافيهوش سريخ إبن يومين وضلمه
وكان فيه صوت كلاب كتيره جاي يجري علينا من بعيد من ورانا والصوت فضل يقرب يقرب لغايه تقريبا والله كان خلفنا مباشرة
و3 أو أربع كلاب ضاله والواحد فيهم زي العجل
همممممممممممممممممممم
طب والعمل؟؟؟؟؟؟؟؟؟؟؟

أنا كنت قرأت مره كتاب عن الأصوات وكنت قرأت معلومه صغيره فيه بتقول
إن أي حد صوته عالي يبقي عنده مشكله سواء في السمع أو أي شئ
وإن الكـــــلاب جبانه جدا !!!!!!!!!!!!!!
ولذلك صوته عالي ؟؟؟؟؟؟؟؟؟؟؟
يعني هوه بيتحامي في صوته
وطبعا عنده مقدرة الشم أقوي من الإنسان بمليون مره
فبيقدر يشم الإدرنالين المنبعث من الخوف للإنسان فبيزيد النباح والهوهوه
ههههههههههههههههه
فقلت لإبن عمتي بقولك إيه
إعمل زي ما أنا هعمل بالظبط أحسن إحنا ممكن نتاكل دلوقتي
قالي معاك يا باشا.....

ورحنا لافين عليهم وفردنا إيدينا وهجمنا عليهم بصوت عالي جدا
عااااااااااااااااااااااااااااااااااااااااااااااااه

هههههههههههههههههههه
وفعلا كلوا جري يا معلم وصوصوا والله العظيم
وكأنك ضربتهم بكرباج

ودي كانت حكايتي مع حوار الكلاب
ومن ساعتها ما بخافش منهم أبدا

تحياتي لك
أخوك أحمد شفيق