[Mr_L0NLY]

المشاركة الأصلية كتبت بواسطة ahmedienoo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حبيبي وابن حبيبي ابراهيم باشا
انت من غير مجامله من اكتر الناس اللي بحبها هنا في المنتدي وليك معززه خاصه طبعا عندي
بس ده طبعا ما يمنعش اني اتراخم عليه واسئلك في شويه اشئله :d
* اوصفلنا شخصيتك الطبيعيه .. في الحياه الطبيعيه ؟
* من انت _ بيناتك _ سنك مؤهلك .. محل اقامتك وكل المعلومات الاوليه دي ؟
*ليه بقي بقل وجودك في المنتدي !! هل لسبب الامتحانات ودوشتها ولا معنتش بتلاقي اصحابك بتوع زمان ولا معنتش بتلاقي المتعه في الدخول ولا ولا ولا ... ؟
*هل حسيت ان سيلك رود اثرت فيك ايجابيا اكثر من سلبيا ؟
*هل حسيت في يوم انك حققت كل حاجه داخل اللعبه .. مش شرط انك تبقي لفل90 فول صن .. ؟
*هل ناوي تفضل موجود معانا ولا هتبيعنا في يوم من الايام ؟!!
جاوب يا حبي

اخ ياني انا ايه اللي خلاني اجي هنا!!!!!!!!
المهم....نجاوب وان شاء الله نطلع سلام
بص يا اينو مع ان اسئلتك فيها حاجات كتير مبهمة عني وناس كتير في الحياة الحقيقية نفسها تعرفها عني من زمان.
*انا ابراهيم احمد 18 سنة من فترة قليله-ساكن في المنيا وعمري ما طلعت منها(مع اني بحب السفر جداً وفكرة اني اطلع على ثقافات ناس تانية وده معناه اني مش قصدي السفر جوا مصر قصدي براها.)
*من اكتر الحاجات اللي بحبها هي( الكمبيوتر والأفلام والمسلسلات الأجنبي) وده للسببب الللي لسه قايله فوق.تاني سبب ان من وانا صغير مكنتش بحب كلمة صاحب قوي يعني بمعنى اني لحد سن 17 سنة مكنتش اصاحب حد عايش لوحدي لو اكلمت بكلم بابا او ماما او اخواتي واصحابي على الكمبيوتر اللي اكيد مش عرب (وده احد اسباب اني كنت اقعد جنب اي حد ما اتكلمش كتير حتى لو عارف هما بيتكلموا عن ايه. اكتر منهم).في ناس كنت بتقول علي متوحد لما يعرفوا حاجة زي دي عني بس صحبك مكنش يهمه اي حاجة.
*في سن ال17 عرفت يوسف في سيبر جنبينا وكنت حاولت العب سيلك رود قبليها بس نفضت عشان جهازي كان ضعيف شوية.المهم بقيت العبها في السيبر وزي اي حد عملت 2 اكونت قبل ما استقر على الأخير.من ساعة ما عرفت سيلك قوي اتعرفت على ناس كتير بقيت اتكلم معاهم عادي قوي.وده تزامن مع دخولي الكليه وكان لازم الواحد يتعرف على ناس ويتعامل يعني^^
سبب غيابي اللي بحب اعمله كتير هو اني احيانا بشتاق لهيما اللي فوق فارجع اقعد في الشهر ماكلمش حد والصراحة انا احياناً بحب الحياة دي .بالمرة الواحد يذاكر شوية
*سيلك رود اثرت سلبي اكتر من ايجابي لأن جت فترة بطلت اصلي فيها طبعاً بدأت بالجامع بعدين بطلت كام فرض بعدين خالص.بس الحمدلله رجعت لأصلي بسرعة-الإيجابية الوحيدة انها عرفتني على اصحاب كتير بس المرة دي كانوا من العرب.
*انا اول ما لعبت اللعبة قاللولي انك لازم تصرف فلوس عليها عشان تعرف تلعب.فقررت اني العب من غير ما اصرف مليم على جولد ولا سيلك ووصلت لفل 64 يعني دجري 8 بالطريقة دي.مع العلم اني لما كنت اطلب حاجة من اصحابي كانوا يساعدوني مش جولد طبعاً. عشان كده انا لما وصلت دجري 8 زهقت وبعتها عشان ده كان التحدي بيني وبين نفسي مش اني اوصل لفل 80.
لو سبت سيلك رود في يوم اعتقد اني مش هسيب المنتدى بالكامل بس ممكن اشوف الأخبار ايه بس كل كام اسبوع او شهر.