يا جماعة الشياطين عديتم ملايين
فى بيوتنا واجسامنا وعقولنا ساكنين
شيطان اسمه بكرا من مكره يا لطيف
بيأجل اشغالنا ويسوف تسويف
(بكره) نصوم ونصلى وننضف تنضيف
بكره دا شيطان مارد يركب كل ضعيف
وشيطان اسمه اشمعنى دا شيطان العداوات
اشمعنى فلان باشا له اربع عمارات
واشمعنى فلانه هانم غرقانه فى حفلات
ولا فيش الا قلوبنا تتقطع حسرات
عالملعون اشمعنى اتصبى يا لعنات
وشيطان اسمه غرور من اخبث ما يكون
دا يخليك فى قيافتك بالبدلة الرسمى مسجون
ترض تعمل تاجر بعد ما كنت زبون
ولاشفتش متكبر الا وعاش مجنون
وشيطانه اسمها موضه وماليه كل السوق
ومضيعة اموالنا على هلاهيل وخروق
اهى دى الموضة المجنونة
امتى يا خلق نفوق