[Adham SabrY]

المشاركة الأصلية كتبت بواسطة charmed

يا حبى الموضوع كان فى قسم ايه وانا هحاول اعرف لك مين الى مسحه والسبب

بسم الله الرحمن الرحيم
السلام عليكم ورحمة الله وبركاتة

شكرا يا غالى على مبادرتك الرائعة والأهتمام بالموضوع رغم انك مش مشرف فى القسم لكن ابديت المساعدة وان يدل على ذوقك واحترامك للأخريين
الموضوع اتكتب فى نفس القسم هنا أخى الغالى

حصل خير ان شاء الله واخى ادم شرح فى ردوا السبب

اشكرك مرة أخرى لأهتمامك الشخصى

دمت فى امان الله تعالى
السلام عليكم ورحمة الله وبركاتة

المشاركة الأصلية كتبت بواسطة adem2008

شوف يا جميل ... الموضوع اتحذف من المشرفين هذا القسم ..

اه نسيت اخبارك ايه يا ادمهم وحشتنى ولله

المهم الموضوع اتحذق
سبب آخر: برجاء عدم المساس بمصر أيا كان حكومة وشعبا

بسم الله الرحمن الرحيم
السلام عليكم ورحمة الله وبركاتة

شكرا ليك يا أدم على ردك و تعريفى بمن حذف الموضوع

انا بخير الحمد لله رب العالمين طول ما انت والجميع بخير الحمد لله على كل شئ

الموضوع اتحذف لعدم المساس بمصر؟؟

انا بكتب نقد وفى فرق بين النقد الهادم والنقد البناء دة أولا

ثانيا فى فن بيتم دراستة لكل من يدرس او خريج صحافة أو اعلام فن التلاعب بالألفاظ والعبارات دون المساس بالحكومة بعدين المساس بالشعب ازاى اذا كان انا أحد افراد الشعب وبكتب

بعدين انا مش بتكلم فى السياسة دة اولا

ثانيا مش بتكلم على مشكلة غزة

ولا اللى بيحصل فى العراق

ولا بكتب عن خيانة دولة عربية

ولا بقول حاجة عن ارتفاع الأسعار

ولا ازمة رغيف العيش

ولا اى شئ الحمد لله

انا بتكلم فى حقنا فى القرد لأنة ثروة قومية

زاى الأهرامات و الأثار ثروة قومية انا كدة غلط يا جماعة ؟؟؟؟


انا مالى ومال السياسة

انا بخاطب شبكة محمول باعت القرد بتعنا دون الرجوع للشعب المصرى ينفع الكلام دة

كل حاجة اتخصخصت فى البلد وقولنا ماشى

مش فاضل غير الشعب يتباع كمان وبردوا مش هنقول لأ

لكن القرد اللى بيتكلم لا والف لااااااااااااااااا

لا لخصخصة القرد اللى بيتكلم

بعدين جمهورية شامبونجو مش دولة عربية ولا اسلامية ومش عارفين مكانها فين اصلا ولا نظامها الحاكم بيخضع لمين

لأمريكا وما وراء أمريكا؟؟؟

طيب نجيبوا ونرسلوا لدولة عربية هى أولى برضوا ولا ايه ؟؟

اه نسيت ان العرب اتفقوا على شئ واحد أنهم لا يتفقوووووووووا

طيب على العموم انا بعبر عن رأى شخصى واكيد الشعب مش هيسكت على البيع

احنا رضينا ان ارض مصر تتباع لكن القرد لا لا لا

انا مليش فى السياسة انا بتكلم على القرد دة جزء مننا يا جماعة

احنا نفرط فى كرامتنا وكرامة الدول العربية لكن نفرط فى القرد لا

فرطنا فى فلسطين لكن القرد لا

فرطنا فى العراق لكن القرد لا

لا والف لا

ياريت يكون فى اتحاد ومنظمة تعمل على هدف استرجاع القرد اللى بيتكلم فى اسرع وقت

شكرا أخى ادم على ردك

دمت فى امان الله تعالى

السلام عليكم ورحمة الله وبركاتة