[! FiRe !]

خدى يا غزة كمان وكمان***خدى ضرب من صهاينة وامريكان
ادفعى بالدم تمن العدوان***وتمن غباء كل حاكم عربى جبان
قعد على كرسيه وبرطع***واتغطى بدم الشعوب وبطانية كمان
وكل واحد داخل يشتم مصر***وكأن مصر سبب العدوان
طب وفين الاردن وسوريا***ولبنان والسعودية والظهران
ولا مصر دايما فى وش المدفع***لا مش المرادى، اتلسعنا كتير زمان
مش بعد حرب فلسطين بستين سنه***جايين تقولوا انتوا مش جدعان

مش كل واحد يطلع يقول افتحوا معبر رفح ، ليه هى مصر وحدها على حدود مع فلسطين ، فين سوريا وفين لبنان وفين الاردن ، ولا هى زيطه والسلام،لا اسفين ، فعلا اتلسعنا كتير زمان
وسوريا اللى بتتكلم وبتلعب لعبة قذرة وبتحرض العرب على مصر ، لو رصاصة انطلقت من اراضيها على اسرائيل ، الجيش المصرى كله هيخرج ومش بأمر رئاسى ، من نفسهم كده ، احنا دمنا واحد بردو
والكل بيتكلم ومش فاهم ، هو ده غرض اسرائيل ، انها تحقق هدف من 3 دول:
1- تهجير الفلسطينين فى اى حدود عربية اخرى ، عشان تفضى الارض ليها ويبنوا مستعمرات ، وبعدها يتحججوا بأن الفلسطينين دول بيضربوهم ، وبعدين يقوموا حرب على البلد دى.
2-يخلصوا على الفلسطينين نفر نفر وبعدين يبنوا بدل بيوت اللى ماتوا
3-توقع العرب فى بعض ودا اهم واخطر هدف ليها

وارجو انى بكلامى ده وضحت الصورة كويس اوى اوى اوى

وبعد هذا الكلام ، لا كلام

و لا تعليق!!!

تحياتى