[_iMuslim_]

شكرا ياعمرو على ااختيارك ليا ...اممم ماشى ماشى اقول ايه طيب

بما ان المايك معايا انهاردا يعنى ارغى براحتى...واقول كل اللى فنفسى صح ياعمرو مش دى القوانين؟؟؟؟
مش عارفه اتكلم معاكو فى ايه بجد....بس انا اليومين دول عندى حاله من التفاؤل العجيب ...فقررت انى اتكلم عننا اى عن سلك رود فور ارب!!!!!!عن نفسى وعن كل اخواتى اللى فى سلك رود فور ارباللى اعرفهم واللى معرفهومش....

اناولد زى اى ولد فى مصر بحلم بأمور بسيطه جدا ونفسى اعمل حجات كتير..نفسى اقول انا اهو...نفسى اقول للناس اللى سبقونا اللى بيقولوا علينا اننا جيل تافه واننا جيل مايعلم بيه الا ربنا...!!!!!! نفسى اقول احنا مش كده...احنا شباب بجد

محترم ويوم منحب نعمل حاجه هنعملها بس عاوزين الفرصه وعاوزين تشجيع...وعاوزين نثق فى نفسنا اكتر...
نفسى اروح لكل واحد معانا فى القهوه واقوله حب مصر.حب بلدك.....ومش كلام والله ولا فلسفه ولا شعارات بس بجد بيصعب عليا اوى لما الاقى حد مش مهتم بيها ولا بأخبارها......نفسى اقوله احنا الحمد لله عندنا وطن وغيرنا معندوش...ايوه شوفوا الاجئين الفلسطنين بيعملوا المستحيل علشان يكون حق ليهم فى وطنهم....بيعملوا ايه علشان يرجعوا..!!!! واحنا عندنا وطن ومش حاسين بيه!!!

نفسى لما اتناقش مع حد ميتعصبش ويقبل الرأى الاخر نفسى اقول لكل واحد فينا تعالى نعرف ثقافة الاختلاف.......بلاش نغلط فى بعض ..نفسى اقول اننا اخوات ليه نتفنن فى اننا نعمل معركه وندخلها وممكن نحاول نكسبها على حساب الاخرين.........نفسى محدش يجرح حد او يهينه بكلمه.....

نفسى كلنا نعرف حقوقنا وواجباتنا...نفسى كلنا نتعامل مع بعض بتحضر ورقى....نفسى نكون زى البلاد الاوروبيه فى شغلهم وعملهم ونظافتهم فى شوارع بلادهم ليه بناخد منهم ونقلدهم فى الحجات التافهه وبس.....نفسى بجد نكون ناس هادين صوتنا مش عالى...

نفسى كلنا نعيش حياتنا صح..ومبقولش اننا نقعد معقدين بالعكس احنا شباب نعيش حياتنا واسمع اللى عاوزه واقرا اللى بتحبه واعمل كل اللى فى نفسك...بس تفتكر ان حريتك تنتهى عند حرية الاخرين....وملوش لازم نصنع تماثيل ونكبرها لناس متستحقش ولو حد جيه جمب التمثال الدنيا تقوم وتعمل معركه....خليك اذكى من كده....وخلى عندك حد ادنى من الثقافه واللى بيحصل حواليك.....وميكونش دماغنا فاضيه...
نفسى اقول لكل شاب عيش بس ميكونش هدفك فى حياتك انا هتعرف على كام بنت انهاردا!!!! بالعكس انت ممكن تكسب صداقة بنات كتير لو اشتركت معاهم فى اى عمل مفيد او اى نشاط ومش لازم تعرفهم علشان تكون عرفت بنات لا انت تعرفهم لانك كسبت ليك اخوات وبلاش تصرفات مراهقين.....وبقول لكل بنت خليكى ناصحه واعرفى حدودك وخلى ليى خطوطك الحمراء اللى ممنوع اى حد يتجاوزها.......
نفسى نكون شباب واعيه وذكيه وشباب صح نعيش حياتنا ونعيش سننا
نتبسط ونهرج ونخرج ونشوف الدنيا اه بس من غير غلط ودماغنا مش فاضيه نفسى نكون شباب عايش حياته صح وعارف كل اللى حواليه محدش يضحك عليه..نفسى نبطل سلبيه بأه...

واخيرا:
انا شاب لكن عمرى الف عــام
وحيد لكن بين ضلوعى زحــــام
خـايف لكن خـــوفى منى انـــــا
أخرس ولكـن قلبى مليان كــلام
وعجبى

انا اسف انى طولت جدا بس انتو اللى غلطانين ادتونى المايك لييييييييييه.......وشكراعمرو حسابنا بعدين