[THE DARK ONE 22]

المشاركة الأصلية كتبت بواسطة misso_lord عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بسم الله الرحمن الرحيم
أخي العزيز ..
أنا موافق إني غلطان وإقتنعت خلاص
بس لو سمحت تفهمني ..
أنا فيه إيه بيني و بين هذا المشرف ؟؟؟
أنا حتى معرفهوش
ولو سمحت وضحلي إيه هيا الأسباب اللي أنا كتبت الوضوع ده علشانها ؟؟؟
وحضرتك بتقول "الكل عارفها"
أنا عايز أي عضو يقوللي إيه هي الأسباب دي (مش بتقول الكل عارفها؟؟!)
وياريت تجاوب عليا بسرعة
ثم والله أنا حاطط المقطع ده للترفيه
يعني مفهاش حاجة وأنا ماخالفتش قوانين منتدانا المحترم
هتقوللي أعذره هقوللك عذرته وبرضه أنا آسف
بس بص بقى ...
مفيش أي سبب يخلي مسلم يتحسبن على أخيه المسلم (يقول "حسب الله ونعم الوكيل")
يا جماعة والله والله والله اللفظ ده مش سهل زي ما احنا فاكرينه كده وبنقوله في أي موقف يحصل معانا
للأسف هو غلط فيا .. :(
وأنا مبحبش حد يغلط فيا إلا إذا كنت أنا أذيت الشخص ده وأنا الحمد لله بفضل الله عمري ما أذيت حد ..
وفي الآخر حضرتك بتقوللي "أنت اللي غلطان" ولاحظ حضرتك إنك في ردك غلطتني كذا مرة
ومذكرتش إن المشرف هو اللي غلطان أساساً !!!
ولكن خالص تحياتي لك على الإهتمام
وخالص شكري للأستاذ no_one
ثم إيه عضو جديد ولا عضو ســـــــــــوبـــــــــــــــــــــــر ؟؟؟
هو العضو الجديد بيكون ناقص حاجة مثلاً ؟ حتى لو اللي غلط فيا ده ........... برده مش هسيب حقى
مع إحترامي الشديد للجميع
السلام عليكم ورحمة الله وبركاته

اعتقد انك فهمتني غلط
اولا الاسباب اللي اعنيها هو
انك كتبت الموضوع..........
اعتقد ان احسن طريقة لشرح ما اعنيه هو الاقتباس من كاتب شهير لا أذكر اسمه قال

عندما يسقط الشخص الفقير يشعر الناس بالشفقة بينما اذا سقط الشخص السمين الغني ضحك الناس عليه وشمتوا به

ولو انك رحت لموضوعك هتلاقيني من أوائل من ردوا ورد محترم مش اي حاجة يعني
وبعدين انت مش فاهم المعنى الصحيح للعبارة (حسب الله ونعم الوكيل ) ده معناها

الْحَسْب : هو الكافي .
قال القرطبي في تفسيره : قوله تعالى : (وَقَالُوا حَسْبُنَا اللَّهُ وَنِعْمَ الْوَكِيلُ) ، أي : كافينا الله . وحَسْب مأخوذ مِن الإحساب ، وهو الكفاية . اهـ .

فالذي يقول : حسبنا الله ، يقول : إن الله كافينا .
ويجب أن يعتقد معنى هذه الكلمة ، فيعتقد أن الله كَافِيه كل ما أهمّه .

وقول : نِعْم الوكيل ، أي : نِعْم الْحَفِيظ .

ومعنى الكلمة :
إن الله كافِينا ونِعْم الْحَفيظ .

وهي تُقال عند خوف أمْر ، أو عند وُقوع ظُلْم ، فإن الْمُسْلِم يُسْلِم أمْره إلى الله ويُفوِّض أمْرَه إليه .
قال ابْن عَبَّاسٍ رضي الله عنهما : ( حَسْبُنَا اللَّهُ وَنِعْمَ الْوَكِيلُ ) قَالَهَا إِبْرَاهِيمُ عَلَيْهِ السَّلام حِينَ أُلْقِيَ فِي النَّارِ ، وَقَالَهَا مُحَمَّدٌ صَلَّى اللَّهُ عَلَيْهِ وَسَلَّمَ حِينَ قَالُوا : ( إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ ) . رواه البخاري .

فَمَن فَعَل ذلك كَفَاه الله .
قال القرطبي : قال علماؤنا : لَمَّا فَوَّضَوا أمُورهم إليه واعْتَمَدُوا بِقُلُوبِهم عليه أعطاهم مِن الجزاء أربعة مَعَانٍ : النعمة ، والفضل ، وصرف السوء ، واتِّباع الرضا ، فَرَضَّاهم عنه ورِضِي عنهم .

وتأمّل في حال إبراهيم الخليل عليه الصلاة والسلام لَمَّا أراد به قومه السوء ، فعزموا على إحراقه ، فقال تلك الكلمة لَمَّا بَقي وحيدا فريدا في ذلك الموقف .
قال تعالى : (قَالُوا حَرِّقُوهُ وَانْصُرُوا آَلِهَتَكُمْ إِنْ كُنْتُمْ فَاعِلِينَ (68) قُلْنَا يَا نَارُ كُونِي بَرْدًا وَسَلامًا عَلَى إِبْرَاهِيمَ (69) وَأَرَادُوا بِهِ كَيْدًا فَجَعَلْنَاهُمُ الأَخْسَرِينَ (70) وَنَجَّيْنَاهُ وَلُوطًا إِلَى الأَرْضِ الَّتِي بَارَكْنَا فِيهَا لِلْعَالَمِينَ (71) وَوَهَبْنَا لَهُ إِسْحَاقَ وَيَعْقُوبَ نَافِلَةً وَكُلاًّ جَعَلْنَا صَالِحِينَ) .
وقال عزّ وَجَلّ : (قَالُوا ابْنُوا لَهُ بُنْيَانًا فَأَلْقُوهُ فِي الْجَحِيمِ (97) فَأَرَادُوا بِهِ كَيْدًا فَجَعَلْنَاهُمُ الأَسْفَلِينَ) .
تأمّل كيف كَفَاه الله حَـرّ النار ، وصَرَف عنه شَـرّ ألأشرار ، وجَعَل كيد الكائدين في تَبَاب وخَسَار .

والله تعالى أعلم .

وبعدين انا قلت انه غلطان
انا قلت

اعتقد انه المفروض يعتذر بس انت غلطان في طريقة طلبك للأعتذار

وبعدين انت بتعتقد اني قلت عضو جديد .عضو سوبر عشان ايه؟
انا قلت كده عشان ابين انك مكبر الموضوع جدا جدا وانا لا أعتقد انه بينه وبينك حاجة شخصية
اعتقد انه الرد المثالي لمشرف شاف حاجة غلط
هو طبعا غلطان عشان رد قبل ما يشوف الفيديو بس ده لا يبرر للي انت قلته

وبعدين في حاجة لازم تنتبه ليها هو اني كتبت في نهاية الموضوع

(وأنا اتمنى انك تاخد وجهة نظري بجدية وان
الخلاف ما يفسدش للود قضية)

وأخيرا اشكرك على نهايتك المثالية

اولكن خالص تحياتي لك على الإهتمام
وخالص شكري للأستاذ no_one;)
مع إحترامي الشديد للجميع
السلام عليكم ورحمة الله وبركاته