ضحية العيد
اقتباس:
بسم الله نبدا بأول مشاركه
محجوزه أتنين ^^
|
بص انا ممكن اتغاضي عن الموضوع والي حصل فيه مقابل تنسي حكاية محجوز دي ^^
يعني تسيب الرد وماتعملاش تعديل ماشي ياغالي
اقتباس:
hermione
مشرف سيرفر Neptune
|
ربنا يستر
اقتباس:
هكون حنين عليك زى ما كنت حنين قوى عليا...
س : هل تقدر تحب واحدة على حساب كرامتك ؟
|
بكل بساطة
لا
ولو انته حنين زي مابتقول ماتردش علي الاجابة دي ماشي
مقدرش اجاوب عشان بجد سؤالك صعب وتعجيزي :D
ياحبيبي هوا انته هنا ^^
اقتباس:
|
هل تقدر احب اتنين فى وقت واحد
|
لاياعم اتنين ايه ده انا وحدة بس ومش لاحق احبها . تقولي اتنين :D
اقتباس:
|
احكى قصتك مع المنتدى من اول ما دخلت لغايه مابقيت مشرف عام
|
في البداية خشيت علي المنتدي بلصدفة وعن طريق الجوجل
وكنت بعمل بحت فيه عن :: كيفية ايجاد الـ SOSUN بسهولة ::XD
فاجبلي موضوع في قسم الصور ولعضو اسمه فيدو . وكان الموضوع بيحكي عن اليونيكو ومش علي الـ SOSUN
فابصدفة شفت عنوان المنتدي والرئيسية بتاعه وعرفت ان المنتدي ده خاص للعبة
وبعديها قفلت علي المنتدي ورجعت لجوجل تاني وكتبت فيه :: برنامج الـ NODC لـ SILK ROAD فاجبلي رابط للمنتدي مرة تانية وكان لموضوع احمد رجب ( ديابلو ) ساعة ماكان بينزل الـ NODC هنا
بصراحة شدني المنتدي وبقيت بتصفح فيه بس مابشاركش
لحد مادخلت علي قسم الاخبار وكان فيه موضوع ( مش فاكر اسمه بزبط ) بس كان شكوي ضد المشرفين
ودخلت علي الموضوع ده ولقيت الاعضاء نازلين في المشرفين كلهم بس استغربت من حاجة انهم ينزلو في المشرفين بس كلهم مجتمعين علي راي واحد وهوا
( شكراً لعمرو ماندو عشان قايم بلمجهود كله )
استغربت بجد وقلت مين ده ماندو الي الناس بتقول عليه انه قايم بلمجهود كله ؟
بصدفة بصيت علي موضوع التبليغات الي في نفس القسم ولقيت اسم عمرو ماندو في اخر مشاركة فاخشيت علي الموضوع
وقعدت اتصفح فيه وذهلت هنا
عشان لقيته بيرد علي كل شخص وبيتعامل مع كل مخالفة لوحده هوا ومراقب عام تاني اسمه ( سيزار )
خشيت علي ملف ماندو كـ فضول وشفت مواضيعه ولقيت اني كنت عاوز المواضيع ديه عشان كلها بتشرح عن اللعبة وانا ساعتها كنت نووب فيها ( وعلي فكرة لسة لدلوقتي قاعد نووب :D )
وقعدت يوم تام في مواضيع ماندو اتعلم منها الـ + والكيمياء الي ماكنتش فاهمها خالص ومعني الـ STR ومعني الـ INT وغيره وغيره
المهم اليوم كله قضيته وانا بتعلم من المواضيع ديه وبعد ماخلصت سبت المواضيع كلها وماقلتش شكرا خالص ^^
بعد ماقفلت المنتدي ودخلت علي اللعبة افتكرت اني نسيت افهم حكاية الـ SKILLS فا رجعت وفتحت المنتدي تاني وبصيت علي مواضيع ماندو طوالي ولقيت الموضوع الي عايزه وكان بيشرح عن SKILLS الحضارة الاوروبية
وبقيت اكل بقي في المعلومات عليها ولما خلصت قلت في نفسي شكراً يامندو عشان شرحتلي اللعبة وشكراً يا A-R ( ديابلو قديماً ) عشان رحمتني من الـ NODC
وكيف كنت بقفل توقفت .. وقلت ليه مارحش وارد واقولهم مشكوريين ؟
الناس دي تعبت وتستاهل الشكر كـ اقل حاجة .
ورجعت لموضوع A-R وكتبت فيه اول رد ليا في المنتدي
ولسة لدلوقتي مفتكر الرد ده
اقتباس:
ايه السبيدي دي يامان
مشكور
|
وبعد الرد ده طول جتني فكرة اني اعمل موضوع في المنتدي
وشوف كان عن ايه ؟ اقتراح في قسم الاقتراحات ^^
وكان عن فكرة انشاء اقسام خاصة بلسيرفرات في اللعبة ( وماكنتش عارف انهم موجودين اصلاً :D )
وبلاضافة للفكرة دي كنت عامل اقتراح عشان يتعمل مسابقة PVP خاصة بلمنتدي في اللعبة
وعملت الموضوع واستنيت 3 ايام عشان يجيلي رد ^^
فاجيت في تالت يوم بفتح علي المنتدي وابص علي الموضوع الاقي في ردين ردو عليا ومن مين المراقب العام ساعتها ( باور ) ومشرف قسم فينوس ساعتها ( مصاصا )
فابصيت علي كلامهم
لقيت ان باور دخل فيها شمال وقالي ( يوجد اقسام خاصة بلـ سيرفرات في المنتدي , ابحث وسوف تجدهم !! ) يعني ولا احمد مظهر :eek:
فابصيت علي مصاصا لقيته رد ومقتبس كلام باور وقال
اقتباس:
ههههههههههههه
لسة جديد بكرة يتعلم ^_^
|
ماقولكش حصلي ايه بعد رد مصاصا بذات ^^
وكنت ناوي ارد واخش فيهم شمال ويمين .. بس خفت من الطرد
فارديت عليهم برد لاسع شوية وقلتلهم
ايه ياحضرات المراقبين ماعلقتوش علي الفكرة التانية ليه ؟
الباين ان حكاية النص رد مشت في الناس بجميع طوائفهم !! << ( يعني اعلنت الحرب :D )
وبس كده استنيت حد منهم ( باور ومصاصا ) يرد .. لحد ماسبت الموضوع ومليت عشان تم تطنيشي بلكامل :D
بس ماستسلمتش وقلت لازم اوريهم ( مصاصا وباور ) يعني ازاي واحد يقولي ابحث والتاني يتريق عليا عشان لسة جديد , قلت في نفسي ان دي كبيرة ولازم ارجعهالهم بأي طريقة :D
فالقيت موضوع لعضو قديم اسمه ( ميدو حسين ) وكان مرشح نفسه للاشراف .. فاخشيت للموضوع وشفت انه باور ومصاصا ( اعدائي اللدودين ^^) رادين في الموضوع وقايلين ايه لصاحب الموضوع ( موت ياحمار )
مسكها اخوك بقي وعملها اقتباس ورد عيلها قال انه ازاي مراقب عام !! يقول لعضو ( موت ياحمار !! ) وقعدت اكبرها واصيح ياادمن تعالي بص وياعمرو تعالي شوف .... فاايه
تم تطنيشي بلكامل ولاواحد حتي عبرني وكمان صاحب الموضوع رد وهزر هوا وباور ومطنشيني لدرجة انه حتي الرد ماتمسحش واتساب كده ^_^
قلت خلاص وانا مالي ومال المنتدي ومشرفيه
فااقبل ماقفل دخلت علي مناقشات عامة وكان فيه موضوع لواحد كان بيسئل عن حاجة في اللعبة فادخلت انا ورديت عليه اي كلام طلع مني
وبعديها سبت الكمبيوتر وسبت الصفحة علي قسم مناقشات ورحت اتكلم في الموبايل
وبعد مارجعت وعملت تحديث للصفحة لقيت انه في ردود علي الموضوع ده .. بصراحة شكيت انه ( باور ومصاصا ) داخلين علي الموضوع وناويين الشر :D
ودخلت علي الموضوع وانا مجهز صواريخ نواوية لمصاصا وباور ,, فاتفاجئت ان الردود كانت لصاحب الموضوع وبيشكر فيا عشان ساعدته
في اللحظة دي حسيت قد ايه هيا حلوة لما تساعد الناس وتفيدهم بحاجة
وبعد كده بـ 3 ايام اتعرفت علي اول شخص في المنتدي وكان هشام ( SWORD_MASTER ) وكان شخص اكثر من رائع وذكي جداً عشان عرف اني مش مصري مع انه كلامي كله بللهجة المصرية ^^
وبقيت برد علي الناس في كل موضوع اشوفه لحد ماعملت اول موضوع ليا
وكان ( حكاية سيلكرود ) عشان مالقيتش حد عمل موضوع علي تاريخ سلكرود وازاي اتعملت لعبة ومن مين ؟
عملت الموضوع الي خد مني وقت كبير وحطيته في المنتدي وقعدت ناصب فيه مستني اي حد يرد XD
فاجت الردود وراء بعض لحد مادخل عمرو ماندو وثبت الموضوع ( ولسة فاضل مثبت لحد دلوقتي )
وفرحتي كانت كبيرة بلتثبيت
وبعديها عملت موضوع تاني للعبة WOW وكنت طامع بلتثبيت بقي :D ( اه بيقولك الي ذاق طعم الحلو يدمن عليه :D )
عملت الموضوع واستنيت بقي انه يثبت ,, فارجعت للموضوع في تاني يوم ولقيت انه فيه 1 واحد بس :eek:
وكان من العضو دراكولا .. وبس .. مع انه المشاهدات 60 :eek:
ايه الجدعان مستخسرين شوية كلام شكر فيا ولا ايه ؟
فارديت رد بلوم فيه الناس ( بس الهدف منه اني ارجع الموضوع للصفحة الاولي بعد ماوصل للتالتة :D )
بعد ردي جيه بقي الباشا ( مصاصا ) وحطلي رد جابني في الارض
قال ايه في رده
اقتباس:
|
احمد ربك اني مش مشرف القسم عشان كنت هحدف الموضوع
|
فاشفت رده والزيت بقي وصل لدماغي وخلاص بقيت مابشوفش حاجة
عملت اقتباس علي مصاصا ورديت عليه بكلام
وبعديها عملت تحرير للرد وحمدت ربي انه مافيش مشرف شاف الكلام الاصلي ( عشان لو شافه مكنتش هبقي موجود دلوقتي :D )
وبعد كده حبيت القسم ده بجد وعملت فيه كدا موضوع والحمد لله عجب الاعضاء
وبعد 15 يوم من تسجيلي في المنتدي حسيت ان المنتدي ده بقي واخد وقت كبير من وقتي في النت مع اني بدخل علي منتدي تاني ومشرف فيه كمان
بس مش عارف SILKROAD4ARAB غطي علي الكل
وبقيت مخصصله اغلب وقتي علي النت
لحد ماصارت النكسة الاولي في المنتدي
وخناقة الادارة السابقة مع الادمن ( خالد )
وانا مكنتش عارف حاجة بس كنت مع ماندو عشان هوا الوحيد الي كان حكيم في الادراة والوحيد الي فكر في المنتدي اولاً
وعدت النكسة بما فيها من اغلاق للموقع وازالة معضم الادارة السابقة
وبقي عدد قليل فقط في صدارتهم عمرو ماندو
وعشان انه عدد المشرفين قل .. اتفتح باب الترشيح ورشحت نفسي لقسم مناقشات عامة وتم قبولي كامشرف عليه
وهنا عرفت ناس المنتدي اكثر واكثر
عمرو , ليون , اسلام , مصاصا ( الي من كان عدوي بقي من اكثر الناس الي بعزها :D ) كريزي بات سيزار سلكرود ايجيبت وغريهم الكثير من الناس الغالية عليا اوي
وفكرت اني اعمل حاجة في قسم بعيداً واعمل موضوع كويس وجديد من نوعه عشان تغيير الروتين
وفكرت وفكرت وقلت اعمل موضوع برامج ؟ فالقيت انه عمرو عامل مكتبة برامج مستحيل حد ينافسها :D
نكت ؟ لا بايخة .. ايه ايه ايه ؟ فاجتلي فكرة في الاخير وهيا اؤلف قصة خاصة للمنتدي ويكونو ابطال القصة هما اعضائ المنتدي
في البداية ضحكت علي الفكرة وقلت ايه قصة ولعب العيال ده !!
بس في الاخر كتبتها وعملتها في المنتدي وكانت ولحد دلوقتي اقرب موضوع من مواضيعي لقلبي وكان برضه فيه فضل كبير لصاحبي والكبير عمرو ماندو عشان لو مش منه ومن اهتمامه الي مش هنساه مكنتش هتطلع بشكل ده والله
وبعد ماتعملت القصة اتقلبت شات وحروب وضرب ومظاهرات ضد المشرفين عشان ماتبتوش الموضوع ورجع الموضوع للتثبيت وفرحنا عشان كده فاجيه تاني ( ليون ) المشرف السابق ونزل الموضوع من التثبيت
فافي اللحظة ذي اتكون حزب المعارضة في المنتدي وكان هدفه هوا القضاء علي المشرفيين
واعضائه كانو ( انا وهيرموني وميدو كوول وكريزي بات وادم ومصاصا وكريزي حمادة وغيرهم من الاحرار )
وبكده اشتعلت حرب البسوس في قسم بعيداً وكانت بين حزب المعارضة من ناحية وبين المشرفين من ناحية
بس في الاخر كسبنا الحرب ورجع الموضوع للتثبيت غصباً عن المشرفين :p
فاجيه هنا الحج ( ليون ) وكان متغاظ من الهزيمة النكراء دي فادخل علي موضوع القصة وسابه مثبت بس كـ انتقام مسح نص الردود في الموضوع :eek:
فاخوك عمله هجمة مرتدة ومسح القصة كلها وبكده اتمسح الموضوع كله
لحد مارجع بعد كده تاني
بعد الخناقة دي مشت الامور عادي لحد ماعمرو بقي ادمن للمنتدي وكانت فرحة كبيرة للمنتدي كله
وعيني مراقب عام علي المنتدي وكانت ثقة غالية اوي منه
وفضلت مع عمرو في الادارة كامراقب عام وحيد في المنتدي لحد مابعديها جيه ديابلو ومصاصا وادم
وبعد كده او بلاحري قبل مايتعينو المراقبين العوام سبت المنتدي لمدة شهرين عشان سافرت مع اخوي لبلاد برة
ومدخلتش علي المنتدي وكنت سايب العضوية لصاحبي الي بثق فيه ثقة عمياء ( هيرموني ) سمعة
وبعديها رجعت عشان الاقي ان المنتدي فقد بريقه عشان عمرو ساب الادارة والمنتدي والمشرفين ماليهمش الصلاحيات
فابعد كذا يوم رجعت الصلاحيات لجميع المشرفين ولقيت نفسي اترقيت لمشرف عام
==============
وادي ياسيدي قصتي كلها ^^
اقتباس:
|
انت بتلعب سيلك قرود دلوقتى
|
حد الله !! :p
اقتباس:
_kato_
مشرف قسم مناقشات عامه وسيرفر RedSea
|
اقتباس:
انا سؤالى سهل أوى أوى ...
ما هى البازين ( بتتكون من ايه ) ؟؟؟؟!!!!
|
لا ده انت حنين والله
ماهوا البازين ؟
بكل اختصار هوا ( جبل من عجينة الشعير يحيط بها الطبيخ ( الاساس ده ) + بيض ( اختياري ) بطاطس ( اختياري ) لحمة ( اجباري^^ ) فلل ( اختياري ) قرعة ( اختياري )
ووضيفتك انته تغرف بـ ايدك .. واوعي تقول سخن وتستني الطبيخ يبرد عشان لو عملت كده ابقي قبلني لو اكلت حاجة مع الوحوش الي بتاكل فيه معاهم XD
^
اصل البازين اكلة جماعية في ليبيا وماينفعش ومش محببه تكون وجبه فردية لشخص واحد .
وادي الصورة عشان التوضيح يعني .
==========
وبراءة ياكاتو تعجبني والله