السلام عليكم ..
طبعا الناس طال انتظارها المرهق لقصتين ملهمش لازمة... عموما اهم عشان الناس تقول رأيها ..
القصة الاولي قصتي انا وهي الاقل اهمية :)
الموضوع باختصار اني كنت عامل شخصية جديدة ورايح الفلها عند ال chakji لفل 19... المهم كنت واخد الشخصية الاصلية وداخل الفل هناك وكده,,, لقيت كاركتر واقفة هناك عادي فدخلتها في البارتي ( طيبة قلب بقي ) :)
المهم اني وانا بلفل الكاركتر بتاعتي الشخصية دي متكلمتش ولا طلعت صوت ... استغربت لا قالت plvl plzzz ولا كلام التحف اللي بنقوله دا... المهم بكلمه عشان يقول اي حاجة قام سابلي البارتي ومشي !!
المهم بقوله في ايه وكده قالي u invited me i didn`t ask u for chat بمعني تاني هزأني يعني :)
صممت اعرف دا مين عزيز النفس دا اللي بعترني كده :).. المهم طلعت بنت من تركيا ,, وقالتي ان الاكونت مش بتاعها وكده وكانت داخلة تشوف ايه الجيم دي ,,,
المهم الكلام استمر ودخلت معايا الاكاديمي وعرفتها بشكل احسن وطلعت شغالة في بنك والموضوع طلع اكبر من توقعاتي عنها وكده,,
استمر الموضوع دا اد ايه ... حوالي 9 شهور,,, في نص الفترة دي لقينا اننا فعلا متقاربين في الشخصية والطباع وهكذا ,, وبدأت احس منها ان القصة المريرة اللي كلنا بنقع فيها هتبدا :(
وبعد كده عرفت انها قررت تنزل القاهرة وتبدأ دراسة اكاديمية هنا وبالمرة تعرف مين الانسان دا ... طبعا انا مكانش عندي مشاكل وعادي تنزل ماتنزلش انا مش واعدها بالحياة السعيدة وكده....
لقيت البنت فعلا واخدة الموضوع بجد ومكلمها ناس قريبة ليها وان موضوع الدراسة الاكاديمية دي حجة عشان تنزل القاهرة بشكل مقنع... طبعا انا قولتلها ان العلاقة من ناحيتي مش متطورة للشكل اللي في عقلك... واني ممكن اكون ايوه معجب بيها وفي مودة بيننا .. لكن مش للدرجة دي... وكنت من الاول مبين كدا..
اتصدمت وانهارت... وانا كنت علي معرفة بابن عمها وكان بيراسلني وكده.,, وعرفت انها قربت توافق علي شخص مكانتش بتيطقه .. وانها طبعا هتخرب الدنيا وتبيعها رخيص في لحظة ضعف,,,
الصراحة مقدرتش اسيبها في الحال دا... فضلت مستمر في ال support ليها عشان متخسرش كل حاجة.. وفضل الحال كده حوالي اسبوعين كانوا من اصعب الايام عليا لاني حسيت ان انا السبب,,, المهم الحال اتصلح ورفضت الواد وبدأت الدنيا تبقي كويسة ... لكن لغاية دلوقتي البنت علي امل ,, وانا مش عارف اعمل ايه ..
ايه رأيكم ... اعمل ايه ؟ :(