الجزء 2
حاضر , وآسف ان كان ردي الاول ناتج عن اني كنت متضايق
اقتباس:
|
لأ يا أستاذ عشان الناس تعرف ردى و يكون أسلوب مميز فى الكتابة عشان اللى يجى ميعدش يقرا الاقتباس الطويل العريض كله ....
|
اوك ماشي
اقتباس:
|
لأ يا أستاذ الويزارد عمره ما يقدره يلفل نفسه من غير بريميوم بلس أو لبس فل بلو + 5 ...
|
مش فاهم بردو يعني ايه , الويزارد عبارة عن التضحية بالدفاع في سبيل امتلاك أقصي هجوم ممكن , وشخصيته مش مملة تماما وممتعة وبيلفل بسرعة كبيرة جدا ً جدا ً ولا كأنه في تاكسي ولا بلو +5 ولا يحزنزن الويزارد الحاجة الوحيدة اللي ممكن يلفل وهو ملط لأنه مبيعتمدش في تلفيله علي احتكاكه بالوحش اللي قصاده لأنه دايما بيقتله هو واللي حواليه في نص ضربة , لكن التوهاندد لازم يهتم بلبسه والا مش هينفع في الدفاع وكمان لازم يهتم بسلاحة , وبخلاف كده تكون الشخصية ناقصة , وان كان ولابد طبعا ً ان الويزارد لازم يهتم بلبسه لاكن حكاية انه ميقدرش من غير بريميوم او لبس فل بلو +5 , كلامك مش واقعي , لو لبس لبس عادي بردو هيسد وان كان هيبقي عنده مشكلة بالنسبة للبارتي و الجاينت اللي في لفله يعني في احتمال انهم يموتوه وان كان هو مش محتاج يموتهم , كده كده بيعلي بسرعة , بيسيبهم لما يلاقيهم بيضربو حد ويروح يضرب في الزحمة وبتتطلع من نصيبه .
لبس فل بلو دي كلمة مش طبيعية معناها انك لازم الاول تعرف ايه البلو اللي الويزارد محتاجه لأن فل بلو دي كلمة كبيرة , يعني بتقول الويزارد مستحيل يلعب .
الويزارد فيه مميزات كبيرة وكتيرة ومش موضوعنا اننا نتكلم عنه .
اقتباس:
|
إنسه يا عمرو ... التوهاندد سيورد ركيزة أساسية فى البارتى الأوربى لأنه يقدر يقتل وحوش أعلى منه بسهوله إضافة إلى قدرته على الهجوم لكن الون هاندد سيورد ضربته ضعيفة إلى حد ما و أديك قلت -- أذواق..
|
بصراحة الجزء ده ضايقني أوي لأنك ولمرة تانية عايز تخلي التوهاندد أحين في كل حاجة حتي بالنسبة للاوروبي , يعني الوان هاندد معمول لحاجة وهي انه اكتر واحد ممكن يدافع وده مجاله وانت بتقول ببساطة "انسه يا عمرو" بدل ما تقول الواريور كله حاجة واحدة , انا مثلا فاتح وان هاندد للأسباب دي ومش عارف ازاي انت تنكر حقه , انت كده وقعت في خطأ جسيم :p
بص يا بوب انا هشرحلك حاجة بسيطة مفيش حاجة بتجمع كل المميزات , التوهاندد واخد نبذة من الدفاع لأنه في الواريو لكنه اقلهم في الدفاع
حاجة تانية اسمها Taunting (بص علي الضربات) دي معناها الغيظ والمقصود بيها شد الانتباه يعني الضربة دي مثلا هتجذب انتباه الوحش ليك انت بمقدار اد ايه واكتر واحد ممكن يجذب الوحش ليه هو الوان هاندد يعني ضربته من الاخر بتجذب انتباه الوحش ليه (بتفقع الوحش) حتي لو انت بتضرب معاه الوحش هيسيبك ويضربه هو وبعد كده الدوال اكس وبعد كده التوهاندد وكمان احيانا تلاقي الوحش بردو سايبك وبيضرب في الويزارد , الوحيد اللي يقدر يخلصه من الموقف ده بكفائة هو الوان هاندد لإن ضربة الشيلد عند بترجع بنسبة 80 % ولمسافة كبير جدا ً , يعني بتحدف الوحش بعييييد وبتأثر في 3 في نفس الوقت ده غير انها بتجيبله Dull يعني بتسببلهم بطئ الحركة , ده غير ان جميع سكيلزاته صديقة مع البيئة :D يعني معندوش سكيل ممكن يخلي البارتي يشيط لما تقلبه مثلا وتضيع ضربات باقي البارتي ويقفو يتفرجو عليك , ده غير انه أشد في الدفاع أوي يعني مش هيموت حتي لو الوحوش اعلي منه , كل المميزات دي تشيل عيب بسيط ان ضربته اضعف , طز في الضربة امال الويزارد محطوط في البارتي ليه ؟ عشان يبقي تانك ؟ ولا عشان يموت عشان في ناس فاكرة البيلد بتاعها الكل في الكل وهدفه انه يعمل كل حاجة في البارتي دفاع وهجوم وغيره والباقي قراطيس
اقتباس:
|
مين قال كده يا أستاذ فى أول فقرة خااااااااالص إتكلمت إن البيلد ده يجمع بين الهجوم القوى .. أقوى هجوم STR و دفاعه الجيد ...
|
كلامك صح بالنسبة لأنه بيجمع بين الهجوم والدفاع لكن مش أقوي هجوم STR (اقوي هجوم بالنسبة للواريور) كده انت بتشتم اللي عملو اللعبة , لأن علي أساس ايه الداجر والكروسبو دفاعه قليل ؟ علي اساس هجومهم القوي , دورهم مش قوي في البارتي (في التلفيل)
الداجر والكروسبو اقوي هجوم فيزيكال
وبعدين انت عاجبك ده عشان متوازن لكن في واحد تاني بيميل الي الاقوي في الدفاع وواحد تاني بيميل للاقوي في الهجوم , أذواق , يبقي مش من حقك تقول "القوة أحسن طبعا ً , مبتتعوضش , السرعة بتتعوض"
اقتباس:
|
مقلتش كده برضه .. أنا ضفتها كـ نقطة ثانوية للدلالة على قوة الشخصية رغم إنى :- Full Npc + Gap
|
عندك حق لكن زي ما حطيط دي ميزة للتوهاندد حط الميزة دي عند الويزارد "بموت 5 وحوش في محيط 10 متر في ضربة واحده , وهما في لفلي"
اقتباس:
|
إنته يا عم الحج ما تشلنيش ده أنا اللى قايل لك إنك ما تقدرش تلعب فى الهجوم .
|
ما تشلنيش ؟ الله يسامحك , انا كلامي كان مستفز لكن قلت كلام منطقي , مش بفرض رأيي
اقتباس:
|
.. و إن اللعب هيكون فى سرعة الضربة و ممكن تضيفها بـ Ston أو Scroll ودى بقت متوفرة جداً 30% increase ...
|
طب ما دي في زيها بيزود الدفاع , بالعكس اللي بيزود الدفاع كان في الايفنت اللي فات بييجي بال 10 مش بالواحدة "Dodging Scroll" ده غير ان الويزارد اللي فاتح كليرك ممكن يزود دفاعه بالBless Spell عشان يعرف يموت الجاينت والبارتي لكن مفيش بيلد مساعد في حاجة تزودلك قوة ضرباتك مثلا ً , يعني اعترف ان دي ذوق شخصي مش حاجة واجبة , وعلي فكرة ال Attack Rating مش معناها سرعة الضربة
اقتباس:
|
أمال أيه الرغى اللى فات ده ؟! .......
|
الرغي اللي فات ده يوضح سبب لعبي به وانه ذوق شخصي والي مش عايزه براحته لكن مش بقول الباقي نوبات وانا اللي جامد
امال قلت ايه , مانت قلتله "القوة احسن طبعا ً"
اقتباس:
بشرح التوهاندد سورد للناس اللى تحب تلعب بيه .....
أنا مش فاهم إنته عايز أيه ..
|
اشرحه بالعدل وماتديهوش اكتر من حقه عشان متخليش الناس تاخد عنه فكرة اكتر من حقه ,انا شايف موجه كبيرة اوي من الناس نازلة من جديد بيه بسبب الحاجات دي
قول عيوبه مثلا زي : - ممكن تمل منه بعد فترة خصوصا ً انك مش هتجيلك أي ضربة جديدة من لفل 40 لحد 70 وتقريبا ً الاسكلزات قليلة جدا ً وان كانت منكن تبقي ميزة لأنه كده مش بياخد SP كتير
اقتباس:
|
داخل تتخانق ولا داخل عايز تخالف و خلاص ... رغم إنك توهاندد سيورد
|
مش داخل اتخانق وخلاص ولا عايز اخالف , وده واضح