بسم الله الرحمن الرحيم
أولاً انا مع صاحب الموضوع ان البلوك ممكن ييجي للشاحن سيلك سليم ((و ازود عليه سواء كونت بوت او لا ))
ولو حد اخد باله حيلاقي ان موضوع البلوك ده بيزيد بالتدريج ........
نبتدي الموضوع من البداية ،، اللي بيلعب سيلكرود من زمان (( 3 سنين تقريباً )) كان البلوك تقريباً ليه سبب واحد بس وهو السيلك المضروب ، ومع ظهور البوت ابتدي يكون في سبب تاني للبلوك و هو استخدام البوت..
وبعد شهور من ظهور البوت اللي كان ليه كراك ( soft mod ) ابتدت joymax قصة بلوك الـ boters ,,,,
وعلشان البوت كان ليه كراك و الحصول عليه كان اسهل ما يكون فكان تقريباً 95% من الناس اللي بتلعب سيلكرود boter ،،،،،،،، فكان من المستحيل ان joymax تعمل بلوك لكل الـ boters
ومن هنا ابتدي التمييز بين اللي بيشحن سيلك و اللي بيلعب ببلاش..
فكل الـ boters اللي كانوا شاحنين سيلك كانوا في السليم و اللي ما شحنش اخد بلوك
والبلوك كان كل اسبوع لسيرفرين وكان عدد الاكونتات اللي بتتبلك ممكن تزيد عن ألف اكونت في السيرفر الواحد.....
فضل الموضوع ماشي كده لمدة طويلة (عايز تلعب بوت اشتري سيلك )
ومن كام شهر كده ظهر نوع جديد من البلوك وهو بلوك الرخامة،، يعني لو ما شحنتش سيلك حتاخد بلوك حتي ولو ما تعرفش يعني ايه بوت اصلاً...
ابتدت الناس تشحن 50 سيلك و تسيبهم في الاكونت خوفاً من البلوك ,, الموضوع ده جاب نتيجة فعلاً بس للاسف ما طولش
دلوقتي بقي ظهر النوع الجديد من البلوك وهو شاحن سيلك او مش شاحن حيجيلك بلوك و سواء من فترة طويلة او فترة قصيرة ،،، و الدليدل علي كده ان في ناس في سيرفر eos اخدت بلوك و معاها premium plus
يعني من الاخر كدة البلوك بقي عامل زي الـ + اللي بتعمله لسلاحك (انت و حظك)
علي العموم هي joymax لعبتها صح عرفت شخصية الناس اللي بتلعب الـ game جالك بلوك اتعمل عليك هاك حصل للاكونت اي حاجة حتزعل يومين علي الاكونت و بعد كدة تبتدي من اول وجديد
==============================================
أسف اني طولت عليكم