السلام عليكم ورحمه الله وبركاته
شباب انا هتكلم عن شويه حاجات بتقابلنا فى اللعبه وياريت محدش يزعل منى أوك
يعنى حاجات كتير بتحصل ومحدش بيقدر
1- اعتمد على نفسك مش على حد يلفلك
2- لما تدخل جيلد ادخل عشان الناس الحلوة مش عشان ماستر الجيلد يلفلك
3- متسألش اى مخلوق على حاجه حتى لو معكش ولا مليم فى الجيم
4- لو كلمت واحد ومردش عليك ظن بيه خير مش يمكن ميكنش على الجهاز او مشغول
5- متزعلش من حد لأن دى فى الاول والأخر لعبه ومش مستاهله الزعل
6- حاول تبقى فى حالك احسن حاجه
7- اختار الجيلد الى هتلاقى نفسك فيه مش الى هتلفل فيه ولا عشان هو جيلد مشهور
8- متلعبش بوت عشان متاخدش بلوك ولا هتعرف طعم اللعبه وانت بوت
9- مش لازم تكون ويزارد عشان تبقى حلو اعمل الشخصيه الى بتحبها اى كانت سلاحها
10- ياريت محدش يزعل منى على الكلام ده كله
* ملحوظه هامه : دلوقتى كل الى طالع عمال يعمل ويزارد ويزارد ويزارد ويدخل تاكسى لحد لفل 60 وميعرفش حاجه عن الأسكلات بتاعته لما يجى يلعب اتفرج على الفقرات الكوميديه الى بتحصل
وياسلام لو دخل فى بارتى هتبقى فرجه ناس
* أودين فيه أزمه فى الwarrior وطبعا مفيش warrior يبقى مفيش بارتى اللعبه مش محتاجه ويزارد تانى حرام عليكم او روحو اى سيرفر تانى العبوا عليه ويزارد كفايه كده بقى
أخر شىء أياك تعطى باسوردك ولا بياناتك لاى مخلوق فى اللعبه الا اذا كنت تثق فيه
عطلتكم النهارده بس حبيت افضفض شويه من كتر المواضيع الى بشوفها هنا
اشوفكم على خير