[Portal Dark]

هي بس بتبقي رساله من ربنا..






بتلاقي نفسك ف وسط مشاكل وسط هموم
عقلك وقلبك بيقولوا يا رب ارسملي طريقي ، ساعات عقلك بيوديك ف الطريق الغلط ،بس لو مشيت ف الصح هتلاقي الدنيا كلها ضدك

هي بس بتبقي رساله من ربنا

بتفضل ماشي ف الطريق .. الصبح تسمع عقلك ف الغلط
وباليل تسمع قلبك وتخاف
تقول يا رب لا انا مش همشي ف الغلط تاني
كل حاجه قدام عنيك بتقولك ارجع وتوب
تقول يا رب انا توبت وهحارب ع شان الصح
تفتح عنيك تلاقيك ف وسط الغلط تلاقي نفسك بتستمر وتتمادي فيه
اصلك اتعودت

هي بس بتبقي رساله من ربنا

ماااشي ف الغلط.. مكمل طريقك فيه
من جواك مش راضي بس من بره حالك متيسر ومبسووط
لحد ما تتخنق ، من كل حاجه حتي من ضميرك اللي بيحاول ينبهك وانت مش قادر تغير حالك خايف من تغييره

هي بس بتبقي رساله من ربنا

رساله هدي رساله بتخليك فجاه انسان تاني
فجاه ف راسك حاجه واحده دايره
انا هتغير حتي لو خسرت كل حاجه
انا همشي صح حتي لو كل اللي حوليا غلط
انا مع ربنا مش هندم
بالصدفه تفتح المصحف
تلاقي ف وشها
"استغفروا ربك انه كان غفارا "

البشر لو غلطت معاهم هيفضلوا فاكرينها ليك
بس ربنا لو غلطت بدل الغلطه مليون ورجعتله تقوله يا رب انا توبت اارحمني وقتها مش بتلاقي اكبر من كرمه ليك

هي بس كانت رساله من ربنا
ربنا يجعلنا جميعا من اللي ربنا ينظرلهم بنظره رضا ويسامحنا جميعا..