[GM]RedKiller]]

بسم الله الرحمن الرحيم

اولا : انا مشوفتش الموضوع لانى للأسف جيت بعد ما كاتبه مسحه لكن انا قريت كل الردود و حسيت بأحساسه
و انا بتأسفله على الردود بتاعت الناس اللى مفهمتهوش كويس بس انا فهمت من ردودك و ردود الاعضاء

ثانيا: احب انى اقول رأيى
انا عن نفسى و بقولها صراحتأًَ و انا مكسوف انا واحد من مدمنى سيلك رود و النت عمتاًَ
وكنت عايش فى ملذة الدنيا و خداعها لأعلى درجه تتخيلها اى حد حتى الساجاير بشربها و بشراها حتى المخد....
و لكن قدر الله وماشاء فعل
توفى الله والدتى من سنتين و انا بدفنها حسيت نفس احساس الاخ كاتب الموضوع (بعتذر انا معرفش اسمك )
ظلمة القبر رححمنا الله ورحم امواتا و اموات المسلمين من ظلمة القبر وعذابه
فعلان انا فكرة ساعتها لما يجى يومى و انزل القبر ياترى هنزل و انا فى حالة شرب او سكر ولا هنزل فى حالة معاكسه ولا ايه اعدة افكر كتير
لحد ما اخدت قرار صارم انى ابعد عن كل شىء
و لله الحمد بعدة عن كل شىء و بطلت كل شىء منكرش انى لسه بشرب سجاير بس ده لانى بقالى 9سنين بشربها و صعب انى ابطلها بسرعه
و الحمد لله حافظة على الصلاه فى معادها و جميع فرائضى
و الحمد لله ربنا كرمنى و اتخرجت بأمتياز من جامعتى وبقيت مهندس زى ما اهلى كانو عايزين يشوفونى
و الحمد لله بحافظ على تخريج الصدقه السنويه كما قال رسولنا و حبيبنا سيدنا محمد صلى اله وعليه وسلم
لكن الفرق هنا كبير و تقيل عليا شويه لانى لما بخرج بخرج عنى و عن ابى و امى
قال رسول الله صلى الله عليه وسلم حديث فيما معناه ( ينقطع عمل ابن أدام فى الدنيا إلا من ثلاث عملأًَ صالحا صدقه جاريه او ولدًَ صالحا يدعو له ) اعذرونى مش متذكر احديث كاملاًَ
و ملحوظه انا اتخرجت بأمتياز و انا بلعب سيلك رود و محافظ على فروضى

بس انا عرفت ازاى اقسم وقتى صح و افصل بين كل شىء على حدا

اما عن موضوع الشحن فدلوقتى شرط انك لو مشحنتش هتاخد بلوك و مظنش ان كل شويه الواحد هيعمل اكونت و يطلعه من جديد و ياخد بلوك و هاكذا
انا كل اللى شحنته 200 سيلك لكن و بأمانه بعيد عن فلوس الصدقه او اىمصاريف مهمه فى البيت بمعنى اصح من الفائض

انا ارجو فعلان من الناس اللى بتلعب سيلك رود انها تقسم وقتها انا ملاحظ ان فيه ناس لسه ف اعدادى و ثانوى ب تهرب من المدرسه عشان تلعب
ليه كده هتستفيد ايه لما تعمل كده ما انت هتسقط
اخ نسيت اليومين دول بقى معظم المدرسين معندهمش ضمير الطلبه بيدفعوا فلوس و المدرسين يظبطولهم الحضور و كمان بتوصل لدرجة ان المدرس يحللهم الامتحان و هما موجودين او مش موجودين

بس هتخلص و انت مش فاهم حاجه
ما انت هيجى عليك يوم و هتدخل الجامعه و هناك مش هتعرف تعمل كده و هتعد تعيد السنه و حتى لو اتخرجت هتبقى مش فاهم اى حاجه من اللى اخدتها يبقى ليه من الاول

راجعوا نفسكم يا اخوانى
كل الظروف اللى احنا فيها دى لو دققتم هتلاقوها من علامات الساعه
ان غدا لناظريه قريب مش المثل كده برضه
اذكر الله يذكر
قيل حديث قدسى عن رب العزه تبارك وعالى فيما معناه ( اذا تقرب العبد لى شبرأ تقربت له زراعاًَ و اذا تقرب لى عبدى زراعاًَ تقربت له باعاًَ و اذا اتانى عبدى ماشيا اتيته هرولاًَ )

تخيل اخى المسلم ان الله يريد ان يتقرب لك لكن انت غافل

ارجو ان كل واحد يعد يفكر مع نفسه ويحاسب نفسه و يتقرب من الله

مره ثانيا اعتذر لكاتب الموضوع عن الردود لعدم فهم بعض الاعضاء صيغة الموضوع