اقتباس:
المشاركة الأصلية كتبت بواسطة xponzeus
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
السلام عليكم..
أولاً: يا جماعة موضوع الراجل إللى مكتوب عليه " غافر الذنب " دى تم حذفها بالفعل.. وكمان إدارة اللعبة إعتذرت مرتين وأكدت إنهم هيبذلوا قصارى جهدهم علشان مفيش حاجة زى كده تحصل تانى، لأنهم زى ما قالوا بالظبط، إنهم مش بيمسوا أى دين أو إعتقاد فى حد ذاته.
ثانياً: دول ناس أجانب.. مبيفهموش عربى.. ولو فهموا عربى مش هيفهموا كلمة زى " غافر الذنب " يعنى إيه.. كل الحكاية إن اللعبة دى زى ما كلنا عارفين قصتها.. صراع بين 3 حضارات.. الصينية والأوربية والإسلامية.. وهما حاطين مدينة " هوتان " من المدن الإسلامية.. وبيحاولوا يخلوها تبان كده.. فهما لقوا شوية صور وكلام إسلامى بالعربى .. فبدأوا يوزعوه فى مختلف أرجاء المنطقة بدون انتباه للمعنى الحرفى للكلام أو الرسومات دى.
ثالثاً: موضوع إنهم كاتبين على الاستورج " لا إله إلا الله " أو " هذا من فضل ربى " أعتقد إن دى حاجة متزعلش.. لأن إحنا أصلا كمسلمين بنعمل كده بالظبط.. كل واحد فى محل هتلاقيه كاتب على المكتب بتاعة أو على خزنة الفلوس الكلام ده.. وكمان بيكتبوه على العربيات النقل والعربيات الكارو كمان.. وأظن العربيات دى معروف هيا ممكن تشيل كتير من الزبالة أو القاذورات.. دلوقتى بأه أول سؤال لصاحب الموضوع.. ليه متحمقتش أوى لما شفت واحد " مسلم مسلم مسلم " مش كافر عامل الحكاية دى على مكتبة أو على الكارو بتاعه !!! ؟؟؟
رابعاً: أنا لعبت كذا لعبة أونلاين غير سيلك رود.. كلهم كلهم وبقول كلهم بلا إستثناء بيمسوا معتقدات المسلمين.. وبيخليك جوه اللعبة تحارب إلى جانب الإله " الفولانى أو العلانى " ولعياذ بالله.. ولكن يسلك رود اللعبة الوحيدة إللى حسيت إن العقيدة فيها سليمة .. وإن كل قصتها مبنية على قصة طريق الحرير بتاع زمان والحضارات إللى كان بيمر بيها.. والصراع بينهم.. وعلى العموم ياعم لما يبقوا يعملوا الحضارة الإسلامية إبقى إعمل شخصية إسلامية ووصلها ليفل عالى.. وفى أيام ال " legend" إللى هيعملوها بعد كده إبقى دغدغ الصينيين والأوربيين.
وأخيراً.. أنا شايف إن الموضوع ده جاى متأخر أوى عن معاده.. وبالنسبة للناس إللى بتقول إنها ردت ردود باردة وأى كلام.. أحب أقولك إن فى مسلمين مش بيصوموا أصلاً فى رمضان.. وممكن كمان يتباهى بكده ويمشى ياكل ويشرب فى الشارع قدام الناس علشان يعرفهم إنه فاطر.. وأظن معروف إن اللى بيفطر يوم من رمضان متعمد.. مش هيعوض صيام اليوم ده أبدا.. وحتى ولو صام الدهر كله!!
وأحب أشكر صاحب الموضوع كتير.. ومشكور أخى على غيرتك على دينك.. وأنا والله من أول الناس إللى اتحرق دمهم لما شفت صورة " غافر الذنب " وبعتلهم bug repot .. وكنت غاية فى السعادة لما استجابوا لمطالب المسلمين واعتذروا وشالوا الصورة دى.. وعلى فكرة ده معناه إن الناس دى شغالة ومتابعين الناس إللى بيلعبوا اللعبة وواخدين بالهم منهم.. مش زى الألعاب التانية.. مفتكرش إن فى حاجة إسمها ال "GM " طلع واتكلم عن مشكلة مرة أو حاول يعتذر عن حاجة غلط فى اللعبة.
ويارب البوت يشتغل بعد الإنسبكشن بتاع النهارة.. وميقفش بأه.. هههههه
سلامى للجميع
|
يا مسليم ممكن انديك بى الاسم دة
والله انا عندى احساس انك تعبت اوى فى كتبة الموضوع دة
وى الف الف شكر يا مسلم