غلق موضوع اية يا عم kozi انت داخل تبوظلنا الدنيا ولا اية
بس على العموم كلامك صحيح 100% بس بردة تقدر تقول الشعب المصرى عارف انه بيضيع و برضة بيبص لبكرة بأبتسامة
و لازم الشعب يشتغل مع المسئولين يعنى مش هيجى رئيس ولا وزير بعصاية سحرية يحل كل مشاكلنا لازم احنا كمان نديهم فرصة مش نقولهم حلوا مشكلة التعليم مثلا هتتحل تانى يوم ! و بعدين عايز الصراحة كل رئيس بيجى مش بيدى رأى صريح يعنى عندك مثلا روسيا شوفت لما رئيس امريكا حاول انه يتدخل فى شئون روسيا الداخلية اية اللى حصل ؟ رئيس روسيا بهدله فى كل مكان تعالى بقى هات الكاميرا على مصر امريكا تقريبا هى الماسكة شئون مصر الداخلية
و كل دة علشان كام مليون بيدهوملنا كل سنة ! و مصر على فكرة تقدر تبقى احسن من امريكا 100 مرة بس تقول اية اللى بيمسكوا المناصب الكبيرة مش فاضيين غير للرشاوى مصر المساحة المستغلة منها 20% بس عارف يعنى اية 20% بس ؟ يعنى قدامك 80% فاضيين يعنى مساحة قد اللى انت عايش فيها 4 مرات مش مستغلة و فاضية و كل اللى بيتعمل فيهم زراعة حشيش و غيرة و تجارة سلاح ! مصر من احسن 10 دول فى العالم مكانها الجغرافى يسمحلها ب انها تستخدم الطاقة الشمسية ! و بردة مين اللى يعمل مصر فيها اكتر من ثلث الأثار اللى موجودة فى العالم كلة و بتتسرق ! مصر فيها نهر النيل و اهو 40% منه هيروح علشان اتفاقية مش تمام ايوة سد النهضة هيخلى المية اللى وصلالك اقل ب 40% اذا كان دلوقتى المية ساعات مش بتلاقيها شوف بقى كمان لما تبقى اقل تقريبا النص ! شوف الغباوة السياسية اللى موجودة فى مصر دلوقتى برصة كل يوم مش بتخسر أقل من مليار جنية ! شوف سعر الدولار دلوقتى 7 جنية و ربع ! شوف ايام السادات كان ال3 دولار ب جنية مشكلتنا هى اولا التكاسل اللى عند الشباب الشاب من دول يقعد فى البيت و يفضل يقولك بطالة و هو اصلا مش بيدور على شغل
ثانيا مبقاش فى ضمير ولا حتى أدب
ثالثا 70% من النظام الحكومى فاااااااااااااااسد و دة سبب الوسايط و غيرة و غيرة
رابعا مفيش مساواه بين كل مواطن و غيرة يعنى اية واحد يقعد يشتغل 16 ساعة كل يوم و ياخد اخر الشهر 200 جنية ؟ طب دة يأكل عيالة ازاى و واحد يشتغل ساعة و هو قاعد فى التكييف و ياخد اخر الشهر 20 الف جنية و 30 و ارقام غريبة !
خامسا الانسان بطبعة طماع و المصرى بطبعة انساااااااان
----------------------------------------------------------------------------------------------------------------------------------------
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]