اولا : كل واحد هيختلف رأيه فى الموضوع ده حسب اولوياته كـ مواطن مصرى .. و اى حاجة هتتقال مهما كانت بسيطة هى لو اتحلت هتفرق كتيير ف البلد ... المشكلة بقى ان من وجهة نظرى انا ان الشعب ده خلاص فى ال 34سنة اللى فاته تقريبا مــش عايز اقول اتعودت عليها ... بس خلاص حفظت الحوار ... ( المشكلة موجودة > الناس هتشتكى > محدش هيحل > الناس هتسكت ) ..
و المشكلة برضه ان الطرفين عايزين كل واحد يشتغل بـ ريموت .. الناس تقول للمسؤلين فيه مثلا مشكلة البطالة موجودة و بتزيد .. فـ الناس تدوس ع الريموت بتاع المسؤلين يصبحه يلاقه الشباب كله بيشتغل ..!! نفس الكلام برضه المسؤلين .. مثلا اقوى مثال مشكلة انقطاع الكهرباء المسؤلين اللى بيقولوه للناس وفرو ف استهلاك الكهرباء على قد حاجتكم فقط .. المسؤلين يدوسه ع الريموت تصبح الناس كلها بتوفر جامد ..!! طب ازاى
دول بنى ادمين .. و لازم تعرفه ان طول مـ المشاكل دى موجودة هنصبح نتعود عليها .. و لو اتعودنا .. وجه ف يوم من الايام المشاكل دى كلها اتحلت ..
.
.
.
.
.
الناس مش هترضى .. عشان هى اتعودت تعيش فى المشاكل !!
الموضوع للنقاش فقط ,, و اى تزايد حاد فى النقاش هيتم غلق الموضوع !!