طب على حوار الغش دة معلش انا هحكيلكوا حكاية أخوية الصغير فى 3 اعدادة يعنى شهادة المهم فى امتحان العربى كان سهران امبارح طول الليل يذاكر بقى الواد مجتهد
المهم و هو فى الأمتحان المفروض بيقف عليهم 2 مراقبين واحد كان غايب و التانى دخلهم اللجنة قلهم عايزين اللجنة حلوة ولا سودة على دماغكوا ؟ قالولوا حلوة
قالهم طب يلا جمعوا من بعض و هاتولى شاى و بسرعة علشان اللجنة تعجبكوا ! جمعوا من بعض و جابولوا كوباية شاى و علبتين سجاير كيلوباترا راح قايلهم غشوا بهدؤ -_- العيب مش من الوزارة دلوقتى انت راكب عربية البنزين خلص هتقول العيب من الماطور ؟ اللى فوق مش هو اللى بينفذ اللى تحت هو اللى بينفذ يا حضرات احنا عايزين وزارة جديدة من بواب اصغر مدرسة لغاية الوزير نفسه ! و المدرسة مش حكومى على فكرة دى خاصة و اسمها مدرسة السلام الخاصة و حوار تانى حصل مع قريبى (ابن خالتى) هو ساكن فى الارياف المهم امتحانات نص السنة جت فكان لازم المدرسين يحطوا الدرجات ! راح المدرس مدى ابن خالتى ورقة مكتوب فيها الرجاء ارسال 50 جنيه مصرى فقط لا غير ^_^ مصاريف الدرس اللى بياخده ابنك مع ان ابن خالتى مش بياخد درس مع المدرس دة ! O.o راح زوج خالتى عمل فيها عنتر و راح المدرسة المدرس قالوا اعتبره بياخد الدرس راح مديلوا ال 50 جنية راح حاطيط لأبن خالتى اعمال السنة كامله !
----------------------------------------------------------------------------------------------------------------------------------------
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]