انا شايف ان احد الاسباب الاساسيه في فشل لعبة سيلك رود في مصر بالزات غير قصة التجديدات والجرافيك والحجات اللي الناس بتحبها (وطبعا دي حجات اساسيه)
ان الناس بعد ما زهقت من اللعبه مبقتش (ادمان زي الاول) بقت معظم الناس مستخسرة تدفع عشان مفيش ادمان فلما طلعت البرايفت سرفر الناس سمعت عن سلك ببلاش وتلفيل سريع فراحو بكثرة عليها ولكن كل السرفرات بتفشل تاني برضو بعد ما الناس تلفل وتيجي تقارن نفسها بكبار السيرفر بعد ما تعبو يلاقو برضو لازم يدفعو فيفضلو في السرفر شويه ويخلعو بعد ما يزهقو فتلاقي الناس اللي بتدفع بقو لوحدهم فيمشو هما كمان فالسرفر يوقع
الحل ببساطه حاجه من اتنين يا يرجع ادمان اللعبه وبالتالي الناس متستخسرش تدفع وده بالجرافيك والتجديد وكده
يا اما يطبقو نظام ماشي وكسب لعبه انا لعبتها قبل كده وانبهرت بنظامها
النظام انك عشان تبقي جامد زي الناس الكبار تعتمد علي حاجتين يا اما تدفع فلوس عادي يا اما مهارتك انت وموهبتك مش كلو فلوس وخلاص
زي ايه مثلا ؟؟
زي مثلا لعبه اسمها tales runner بس مش مشهورة اوي كنت بلعبها زمان عبارة عن سباق شخصيات صينيه (جري) بس بتعدي عقبات كور نار وكهربا وطنط بمهارة وقصة وجرافيك حلو وكده و شغاله دلوقتي بس شركه جديده اللعبه دي كانت بتعتمد علي امكانيات شخصيتك اللي ممكن تشتريها بفلوس او انك تكون موهوب في اللعبه فلو معكش فلوس وجيت علي نفسك وبقيت موهوب جدا من كتر اللعب والتعليم الناس هتنبهر بيك اكتر وهتبقي pro من غير فلوس بس الناس اللي بتزهق ومعاها فلوس بتدفع وبالتالي الكل بيلعب سواء معاه فلوس او معهوش والكسبان في الاخر شركة اللعبه
انما سيلك رود ماشيت بنظام معاك ارش تسوه ارش معكش يبقي تتعب وفي الاخر تكتشف انك ولا حاجه وكسبت فعلا بس ضاعت في الاخر بسبب ان الناس بدات تستخسر
معرفش بقي نظام tales runner ده يمشي ازاي في سيلكرود بصراحه بس هما دول الحللين الوحدين من وجهة نظري
