[ST0P_IM_T0P]

قصيدة مصرى سابقا للشاعر
صديقى وحبيب قلبى

(احمد مجدى صادق)
(اسكندرانى)

مصرى سابقا

لو لم اكن مصريا
لوددت اكون يابانيا
ما فـ بلدى انا متهان
واهانتى بالالوان
واللى بيها يتغطى يصبح اكيد عريان
بصرخ بنادى اعيش
كبيرها تديك طرشه
وبارعه فى التطفيش
اكيد صابتها الهرشه
دى جزاتى يا بلادى
ايه غيرك يا زمان
بالامس انا الغالى
دلوقتى بالمجان
انا ابنك المتغرب
راح تسمحيلى اقرب
ابنى انا ويخرب
وجزاتى انا النسيان
دخلت علمى فى ثانوى
عشقت فيكى الكيميا
من كتر تعبى وجهدى
والنعمه جاتلى انيميا
اخرتها رحت فى ادبى
واخدنى بالاحضان
وصرخت فين الرحمه
وطلعت انا الغلطان
العاطى فيكى انانى
والفرصه للى يهد
يا مصر ليه كرهانى
جاى انا م الهند
كان نفسى ابقى يابانى
جهد وتعب يتقدر
والعلم فوق الراس
مش بالجزم يتكدر
روح علمها يروينى
يجبنى ويودينى
تحت الجناح يطوينى
نور علمها يتصدر
يا مصر كارهه العلم !!
وعامله ليه عازل
والجهل فى الطالع
والعلم فى النازل
يا بلدى كنتى زمان الاسم محروسه
دلوقتى فين اسمك؟ والكوسه مدسوسه
مليانه بالاطنان مدفوسه متروسه
سايبه ببساطه جسدك تنخورلو فيه سوسه
وفساد بيسرح فيكى وعداله مفروسه
بالامس كنت عريس
عايزانى ابقى عروسه!!
بس احلقيلى الشنب
راح اربى انا ضفاير
دى رجولتى قله ادب
والاسم ع الطاير
متبصى فى مرايه
راح تعكسى الايه
عامللنا ليه القمر
لما انتى حدايه!!
وعموما انا اسف
وعليكى مش خايف
وهربى شنبى الضعف
يا ام قانون زايف
يمشى على ناس وناس
والحق صار محتاس
مابين دروب الظلم
تايه مالاقى اساس
ومتمسكيش فيه
مانتى اللى بعتينى
اتهدى يا وليه ؟!؟
حبك دهب صينى





للتحميل


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]