النهاردة كان يوم غريب جدا ..
أول حاجة الصاعق بتاع الذباب أتحرق
خت العربية بتاعتنا و رحت صلحتة .
سبتة عند الراجل و
قالي :هتعدي عليا بعد العشاء يا بشمهندس .
قلت : حاضر يا حاج ، الحساب كام أن شاء الله .
قال : خمسين جنية بالصلي علي النبي .
في سري قلت : لمبتين صاعق أزرق بخمسين جنية ، تصرفهم علي مرضك يا بعيد .
المهم و انا راجع البيت و سايق العربية . خبت واحدة كبيرة في السن هيا و عيالها .
هما تمام الحمد الله .. بس الي مش تمام الكيس الي كانت شايلة الست الكبير ( الكيس خبط في العربية و مشيت علية غصب عني ) المهم وقفت و أعتذرت ليها بشدة و لقتلها : لازم اوصلك لحد باب البيت دي أقل حاجة ممكن أعتذر بيها لحضرتك .. المهم وصلتها بسلام و أمان لباب الوطن العزيز ( بيت الست الكبيرة )
روحت البيت و قلت أنزل أفتح المحل شوية أشوف الشغل الي ورايا ( Internet Cafe )
و انا نازل مفيش شغل لمدة ساعة .. خت المحل رايح جاي تنظيف شامل و عمل Update لـ ( Cross Fire - League Of Legends )
خرجت من باب المحل أشرب سجارة و أرغي شوية مع الراجل الي في المحل الي جمبي و مع البنت الي في المحل الي جمبي شوية
المهم لقيت صاحبتي جات عندي المحل أعدنا نرغي شوية لحد ممشيت .
طلعت خات دوش جامد بعد التنظيف و أتغديت و نزلت المحل تاني
جات الساعة 7 روحت رايح أجيب الصاعق و حسبت الراجل ( ألهي ينام ميقوم )
و رجعت المحل الحمد الله الشارع كأنة في أعصار توسونامي .. المسورة الي في أول الشارع ضربت و الشارع غرقان ماية لدرجة أنة بدا يدخل البيوت الي ملهاش بصطة تحميها من أي دخول ماية .
طبعا انا شايف كلة بدا يشمر البنطلون و كمام .. قلت أشمعني . يلا يا رجالة .. هنعمل اية .
هنفتح بلاعة الصرف الي في نص الشارع .. نص ساعة بنحاول نشوف عين الغطاء بتاع البلاعة فين . في وسط المية الي مشين عليها .. أحساسي انا كان ( ياع انا ماشي علي بي بي
)
عفوا ,,, لايمكنك مشاهده الروابط لانك غير مسجل لدينا
[ للتسجيل اضغط هنا ]
طبعا صحابي شايفين و بيضحكوا . رحت جايب أسخف واحد فيهم و زقيتة علي الماية .. طبيعي مفيش توازن
الحمد الله مفهوش حاجة ناشفة . و قلت ليهم " الي هيضحك مصيرة مصير الي لسة ملدوق دة "
المهم الحمد الله فتحناها . و كأن فتحنا علينا عالم الحشرات نادرة الوجود ..
المهم خلصنا و المية هديت شوية . و قفلت المحل و طلعت خت دوش حوالي ساعة ناقع نفسي في مية بـ Dettol
و نص ساعة بستحمي عادي .. كان يوم صعب بس علي كان يوم جميل .