زي ما قال اسلام كدة انا عارف ان من المستحيل المنتخب يصعد وانت لازم تجيب 5 في غانا وميدخلش فيك ولا اي جولخالص مع العلم ان معظم المصابين في منتخبهم راجعين .
1- برادلي ميمشيش في الفترة دي علشان هتعمل لخبطة كتير اوي وهي مش ناقصة .. ويمشي بعد التصفيات سواء صعدنا او لأ .
2- عاوزين لاعبين عندهم خبرة في الدفاع مع المنتخب ... يعني ممكن نشيل محمد نجيب ونجيب مكانه محمود فتح الله او احمد سعيد اوكا والاتنين شاركوا مع بردلي في التصفيات والمباريات الودية .
3- وسط الملعب عندك حسام غالي لازم ينزل اساسي بس الماتش اللي فات غلطاته كانت للاسف عملت مشاكل كبيرة
بس انا شايف انو يكون قدام المدافعين ويلتزم بالمكان علشان بيجييد فيه مش يطلع قدام لاعبين خط الوسط
4- مع اصابة اكرامي و ابتعاد عبدالواحد السيد و الشنواي عن اللعب بسبب خروج الزمالك من بطولة افريقيا
و الشناوي بعد رحيله للمصري اللي بعيد ان اجواء الكورة تماماً برجح رجوع الحضري او صبحي للمنتخب .
5- اللعب بمهاجم صريح زي عمرو ذكي او محمد ناجي جدو وياريت يبعد عن عيد عبدالملك علشان اظن اثبت فشله
وبعني كلمة فشله سواء مع الزمالك او المنتخب .... ولازم مهاجم او اتنين صراح علشان يقدر ابوتريكة و صلاح
يستريحوا في اللعب اكتتر متبقاش مهام صانع العاب ومهاجم في نفس الوقت
6- بقول ان المنتخب مش بحاجة لـشيكا حالياً مع وجود صلاح و ابوتريكة تقريباً في نفس المكان بس ممكن ندعمهم بلاعب زي عبدالربه كدة بيكون ماسك وسط الملعب تمام ووراه غالي كدة اضمنلك وسط ملعب 100%
7- نلعب بعدالشافي او معوض وافضل عبدالشافي لانه اسرع شوية بس مشكلته جسمه ضعيف لما تفارنه بسيد معوض اللي ممكن يصد مع القوة الجسدية للخصم
8- الدعم الكامل من الجمهور و ادارة الاتحاد مش لازم نعمل احباط للاعبين و الجهاز من دلوقتي
يعني صدور قرار طاهر ابوزيد بعدم صرف المستحقات والخصم دة هيخلي مفيش حد عاوز يلعب
وممكن الكلام عن تغير المدرب يتأجل لبعد ما نخلص