معلش انا عارف ان المشرفين زهقوا من موضوع الثانويه العامه وطلابه بس انا عارف انهم هيقدروا اهميه الكام يوم دول فى حياتنا و مستقبلنا
عندى اكتر من سؤال
1 _ مجموعى 96.7 يعنى مستحيل ادخل طب وصعب ادخل اسنان و ممكن ادخل صيدله بس دخلت مرحله اولى و كتبت كل كليات الطب والاسنان الاول وبعدين الصيدله وكانت كليه الصيدله رقم 23 يعنى متاخر اوى فهل دا هيقصر يعنى فى ناس هتحطها الاول هيفرقوا فى حاجه لانى حاطط الطب الاول حلاوه روح و عارف انها مش هتيجى
2_ فوجئت بطب بورسعيد وصيدله بورسعيد لاول سنه فهل دا هينزل المجاميع فى المحافظه دى مع العلم انا من بورسعيد ؟
3_ انا وصلت للخطوه السادسه وكان مكتوب تم التسجيل بنجاح اضغط هنا للطبع و انا معنديش طابعه فطنشت هل الورقه المطبوعه مهمه وهل الطبع خطوه من الخطوات او بعد ما اطبع هيدخلنى لصفحه تانيه .؟
4_المهم بقى انا مرحله اولى ده معناه انى اكيد داخل فى كليه من كليات القمه ولا هما مدخلنى حلاوه روح كدا لان الفرق بينى وبين الحد الادنى للقبول درجه ونصف بس يعنى اقل من نصف %
5- هما ادولى رقم كدا من 4 ارقام اسمه رقم الايصال ده مهمته ايه