والله ياشباب انا كل يوم بدخل القسم وماعدتش برد، لو حد فيكم لاحظ هيلاقي ان أغلب المواضيع الصعبة والتقيلة انا اللى عاملها بس للأسف مالقيتش تفاعل من الأعضاء ، كنت مشرف فترة ولما الأعضاء أحبطوني بنسبة الغباء اللى مش قليلة اتخنقت ونفضت واتعزلت من الإشراف بس عادي
يعنى اكون كاتب في موضوع شرح اللعبه اللعبه مساحتها اد كدا ، الاقيلك واحد عامل موضوع ويقول ألحقوني هي اللعبة مساحتها كام؟
ويكون معمول موضوع للتعارف في اللعبه وألاقيلك واحد عامل موضوع ويقول ، هو انتو في سيرفر ايه؟
ليا حق يجيلي الضغط وأنفض للقسم ولا لأ ؟
ولحد الوقتي حتى بعد ماتعزلت من الإشراف، لسه برد علي بعض المواضيع اللى فعلا مالهاش إجابة لكن اللى له إجابة أو السؤال نفسة غبي ومالوش معنى بنفض علي طول ....
المشكلة ان المنتدى فيه أعضاء مش قليلين متعودين علي حاجتين (بوت - تاكسي ) شغل سيلك رود ، وسيلك رود اساسا لعبة تخلى الواحد يبطل يشغل دماغه ويفهم الألعاب لانها لعبه عبيطة .. وصعب شوية علي *بعض-وليس كل* لاعبين سيلك رود انهم يدخلو أيون ويلعبو ويكملو
فا من الآخر ، هنا انا بحس اني بنفخ في قربة مخرومة ، بعد ماطلبت يفتحولي قسم فرعي لشرح الكويستات وكنت هعمل شرح لكل كويستات البطولة بالصور والفيديو ، قلت انا لو عملت كدا وتعبت هلاقي واحد حاططلي رد يقولي طب يامان هي اللعبه مساحتها كام ، بدل مارمي اللاب توب من الشباك ويجيلي الضغط والسكر ، قلت اكبر دماغي أحسن ...
اللى مش معايا في قراري دا يقولي ، بس قبل ماتتكلم حط نفسك مكاني ، عمل موضوع شرح مش سهل بالمرة