[king_of_Silkroad]

السلام عليكم يا شباب سلك رود 4 عرب



المنتدى وحشنى بجد ! انا كنت زائر لمدة سنة من ساعة ما سلك رود 4 عرب ما فتح لحد ما اشتركت فى المنتدى من 2008 من أيام ما كنت فى تالتة إعدادى و فضلت فعال فى قسم سيرفر زيوس ( سيرفرى القديم ) وكنا كل الناس اللى فيه أصحاب و السيرفرات الخاصة و فى الاقسام التعليمية بشكل خاص وبقيت مشرف عليها لحد ما بقيت فى ثانوية عامة
بعدت عن المنتدى عشان المذاكرة و كده و الحمد لله انا دلوقتى فى كلية الهندسة جامعة القاهرة
بجد المنتدى ده قضيت فيه ايام جميلة جدا متتعوضش ايام مسابقات رمضان و عمرو ماندو و التيم بتاعه و هيرميون اسماعيل وناس كتييييييير جدا كانوا علامة للمنتدى
كنت بعمل بحث تبع الكلية وبالصدفة لقيت رابط لسلك رود فور عرب وحشنى المنتدى ودخلت ملقتش ولا واحد من اصحاب ايام زمان ! وناس كتير من الناس اللى كانت
معروفة عضويتها محظورة و منهم اللى كاتب معتزل !
بجد زعلت على المنتدى لأن كان احسن منتدى بالناس اللى فيه بالذات قسم بعيدا عن سلك رود كان فعال بطريقة مش طبيعية وياما استفدنا منه
لاحظت كمان عدد المشرفين الكتييييييييييييييييييييير و ان الاعضاء العاديين تفاعلهم مبقاش زى زمان !
ربنا يوفق التيم الكبيير اللى بيشرف على المنتدى دلوقتى ويرجعوه احسن من ايام زمان وانا كمان نفسى ارجع احسن منتدىد خلته فى حياتى لكن انا مش متصور ان كل الناس اللى اعرفها مبقتش موجودة وانى معرفش حد مفيش غير WHITEY ببص فى قائمة اصدقائى القدام لقيته فيها :)
أنا نفسى اسأل ليه المنتدى مش زى زمان وليه كل الناس دى مشيت !y.png" border="0" alt="" title="Hmmy" class="inlineimg" />
Good luck يا شباب