للرائع سيد حجاب :
بسم اللى خلق الخلق شامى ومغربى ابن البلد وابن العرب والاجنبى
يا شمس هدى وودى حدى وغربى ونبتدى القول باالصلاة على النبى
والصبر طيب والقلوب النيرة اخرتها فل الفل دنيا واخرة
والمصراوية روح قوية وخيرة سكنتنى صار الصبر كارى ومذهبى
صلاة النبى ما تصلوا صلوا على النبى
ربك اذا شاء شئ يقولوا كون يكون وكاف ونون قالها خلق مخاليق وكون
واستخلف الانسان على الكون والقانون
شالها الامانة شيل الى يوم يبعثون واسعى فـ بحور الله وسيرى يا مركبى
صلاة النبى ماتصلوا صلوا على النبى
يالى بتسعى تكون كما شاء ربنا بالشرع والشورى السكك متيسرة
وحرام تسورنا غصب عنا فى كربنا وازاى نطير واحنا جناحتنا مكسرة
صلاة النبى ماتصلوا صلوا على النبى
والصبر مش يعنى السكوت عن حقنا لا نجيبه من جوا جفن اللى افترى
لحد ما ديك فجرنا يندهلنا وساعتها يبقى العفو عند المقدرة
والدنيا يضحك قلبها قلبها الصافى الصبى