من أفتي بغير علم فقد ذبح بغير سكين
الله اعلم
بس عايز اقول حاجة الناس الي قالتلك ( حرام ) لو عارفة قيمة الكلمة وعظمها عند الله كانت فكرت الف مليون مرة قبل ما تقولها .. عشان تحلل او تحرم وانت من عامة الناس وليس عندك العلم الشرعي ( الفقه والحديث والتفسير ) يبقي هتتحمل وزر الكلمة الي يوم الدين
يكفي اني اقولك ان الامام الغزالي قعد يدرس في العلم لحد ما شعره بدأت يظهر فيه البياض وهو مش عايز يطلع يفتي علي المنبر او يخطب عشان حاسس بعظمة مسئوليه التحليل والتحريم
اسأل اهل العلم شوف مين من مشايخك الي بترتاح لهم واسأله
ثانيا
الاسلام ليس دين جامد وأصم وصعب .. الحاجة الي الترفيه هي غريزة في الانسان والدين لم يأتي ليقمعها وانما اتي لتنظيمها ولتصرف في مصارفها الشرعية بدون ضرر علي الناس ولا علي المجتمع
فمتصدقش كل الي عايز يقنعك ان الدين الاسلامي الحنيف هو دين تقييد وتكبيل وقمع لا ابداً دا ربنا لما تكلم علي النبي صلي الله عليه وسلم قال ( وما ارسلناك الا رحمةً للعالمين )
يبقي القاعدة الاساسية ان الاسلام دين بيضمن الرحمة لكل الناس لان النبي هو نبي رحمة في المقام الاول صلي الله عليه وسلم
دا رأي وليس فتوي بالتحليل والتحريم والله اعلم
ربنا لا تؤاخذنا ان نسينا او اخطأنا
عموما انا بشتري جولد بره الجيم بالفلوس الفائضه عن حاجتي وقناعتي اني بصرف رغبتي في الترفيه عن نفسي بطريقة لا تضر احد اهم شيء ان الجيم ميشغلكش عن اوقات الصلاة وانك تراعي ربنا في معاملاتك دا الي اقدر اقولهولك