السلام عليكم اولا ..
طبعا كلام الاخوى الاعضاء سليم 100% والعيب اكيد من عندك
وزي ما قال العضو Aflam Egypt نزل الاول ويندوز جديد ومضمون
وهضيف جزئية .. فرمت الجهاز كله وليس الـ C فقط حاول تنقل حاجاتك على فلاشة
او على اي حاجه تانيه وبعدين فرمت الجهاز بأكمله عشان لو عندك باتش او ترجون
اكيد موجود في كل الجهاز وليس الـ system فقط ..
وبعدين انتي فيروس قوي : مكافي aol ( بس ده بفلوس ) - افاست ( وشوف مفتاح شغال )
كاسبر سكاي لو جهازك امكانياته عالية ( وشوف برده مفتاح لي ) - افيرا ( وده الماني وحلو برده )
وبعدين اعمل اسكان على الجهاز كلة .. وبعدين نزل البرامج وكل الحاجات الخاصة بالويندوز
من مكان معروف وليس عشوائي من جوجل .
ودي بعض الارشادات :
* متنزلش اي حاجه من مكان متعرفهوش ( معظم الناس لما بتحتاج اي شيئ يدخل على جوجل
وبعدين بحث وينزل على طول .. ممنوع الكلام ده نهائي ) .
* المواقع المشبوهه بتبقا مليانه ترجونات وبلاوي زرقة ممكن تدمرك الجهاز كله وليس سرقة فحسب .
( يعني في مواقع تقول اربح مش عارف ايه لما تدخل على اللينك ده واخرى تقول سجل هنا واكسب
معانا كذا وامثلة اخرى كتيرة ) .
* مواقع الشات روم دي لوحدها مصيبة عشان برده بتبقا مليانه ملفات تجسس وبلاوي اخرى .
* البريد الالكتروني اي حاجه بقا فيس بوك - هوت ميل - ياهوو ( وده بالذات مليات عيوب )
واي ماسنجر ( بالنسبة لصندوق البريد في رسائل بتبقي عشوائية برده بتوصل على
صندوق البريد ولكن بتختلف بقا الضعيفة بتوصلك على الـ Junk ودي حماية البريد اوتوماتيك بترسلها
على الـ Junk ومعنى كده ان الرساله دي غير موثوق فيها لذلك متفتحش اي رساله تكون في الـ Junk
لكن بعض الرسائل بتقدر تخترق الحماية وبتوصل على البوكس عادي ودي بتكون اخطر من
رسائل الـ Junk لذلك لازم يكون عندك انتي فيروس قوي جداا عشان يقدر يمسك الكلام ده .
* الصفحات المزورة ودي مصيبة كبيرة اوي ولحد انهاردة ناس كتيرة جدااا بتقع فيها للاسف
مع انها طريقة قديمة جدا ولكن للاسف بنقع فيها ( اي موقع ممكن يخطر على بالك ممكن
الصفحة المزورة تعملك مثلة بالظبط مع اختلاف اشياء بسيطة جدا وممكن متختش بالك منها نهائي .
* الكي لوجر وده برنامج قديم جدا كان يستخدم في حماية الاطفال يعني ينزل على الجهاز
ولما تسيب ابنك او اي حد يعد تعرف بعد كده هو كان بيعمل ايه وكل حاجه عنه . ولكن بعد ذالك
استخدموا الهاكرز عكس ذالك واصبح يستخدم في التجسس على الاجهزه الاخرى ومن ثم السرقة
وايضا بعض الهاكرز طوره الكي لوجر ليسهل عمليات السرقة .. لكن للاسف 80% مننا بيقع فيه
لحد الان وده سببه عيوب منك كتيره جدا منها ضعف الحماية اللي عندك . تحميل برامج - صور
اغاني - افلام - اي شيئ يخطر على بالك من مواقع محظورة وغير معروفة واخرى مشبوهه .
وصلة اللنت اللي بتكون مع شبكة عشان ممكن انتا تقول جهازي 100 100 وانتا عارف انه
مش عليه اي حاجه لكن اللي معاك على الشبكة لو نزله باتش عنده او اي شيئ
يبقا وصلك انتا كمان 100% ..
وعشان تكون عارف اللي بيسرقك ده بيكون جامع عنك معلومات كويس جداا قبل السرقة
يعني بيكون عارف امكانيات الحماية اللي عندك واشياء اخرى وبعدين يبتدي يخطط للسرقة .
وعشان مكترش عليك اكتر من كده لان لو الواحد هيقولك كل الارشادات وكل حاجة خاصة
بالحماية مش هنخلص وعاوزه موضوع لوحدها .. وبعض الارشادات اللي انا قولتلك عليها دي
ان شاء الله تحمي بنسبة كويسة .
تحياتي لك ,,,